ankawa
منتدى الهجرة واللجوء => الهجرة و واللاجئين => الموضوع حرر بواسطة: alsultan88 في 12:05 01/04/2010
-
شلونكم اخوان انشاء الله مرتاحين تعذروني من التقصير بس انشاء الله اتواصل وياكم
اخوان اني نزلت اكثر من موضوع هنا و خلال هالفترة قابلونة كنيسة سانت اندرو (محامية اميركية )
فمن ضمن الاسئلة رادت تعرف اني شكد صرفت بمصر خلال هذه الاربع سنوات الي قضيتهة هنا
يعني مثل الميزانية المالية بالنسبة إلي
واني حاير (اكول شكد بالضبط) اخاف يكولون شلون دخلتهة ويكولون هذا متمكن ويكدر يعيل نفسة
بنفس الوقت اني ذاكر انو بعنه هواية امور ببغداد من اجينة و ممكن نكول هسة خلصنة فلوس !!!
يعني شنو رأيكم بهالخصوص اني مقرر اكول خلال هذه الاربع سنوات 50 الف دولار جامعة ومدارس وايجار شقة ومصروف بس طبعا هاي اني مقلل منهة كلش لان المصروف هواية كان اكثر
ياريت الكي مساعدة يمكم
تحياتي واعتزازي لجميع الاخوان والاخوات
-
للرفع
بلكي الكي منكم مساعدة اخوان وخوات
-
الله يسهل امركم اخوية انت حاول تقدر المصروف لان احنا بصراحة ما نعرف شلون الوضع في مصر وشكد يكفي للمعيشة هناك
بس كوللها انتو بعتوا اغراض يم اهلكم في بغداد ودتصرفون من عدها وبلكي احد من جماعة مصر هم يجاوبك
بالموفقية اخونا العزيز
سرى
-
تسلمين اخت سرى على ردج بارك الله بيج
منتضر الاخوان الباقين
-
اخي العزيز ممكن توضح اكثر ليش قابلة المحامي الامريكي وشنو موضوع الكنسية بصراحة مفتهمت على سؤالك تقصد الكنسية الي تنطي مساعدات للاجئ او شنو رجاء توضيح اكثر حتى نكدر نساعدك بالجواب
-
هية هاي الكنيسة بيهة محامين اجانب يفتهمون شنو قصتك الملف مالتك
و اتصور يلكون طريق حتة يحركون الملف باليو ان
هية مكانهة بالاسعاف بوسط البلد رحنة وانطونة موعد وبعدين سوولنة مقابلة وية المحامية بنت شابة حجينالهة القصة من طأطأ للسلام عليكم نفس الي كاتبي باليو ان واكثر منه
فمن ضمن الاسئلة هية (الميزانية الي صرفتهة خلال هالاربع سنين) و اكدت على هالشي ورادت بالتفصيل يعني فلوس للجامعة هلكد وفلوس للايجار و فلوس المعيشة والمدارس
لان هية كالت القصة ( الملف) باليو ان ممكن يتحرك على سالفة الحالة الصحية للوالدة و الحالة المادية
فالي اريد افتهمة انو شكد انطي كمعدل للي انصرف خلال هذه الاربع سنوات
واحنة اربع افراد الوالدة واني بالجامعة والاخوان مدارس
وهل همة راح يستفسرون عن هالمواضيع يعني منضمة الامم تسأل عن الافراد بمصر وتاخذ عنهم معلومات خاصة
تحياتي
-
اخي العزيز تكتب الشي المعقول مثلا حسب المعيشة بالبلد الي انت عايش بيه مثلا عدهم غلاء بالمعيشة والصرف او وسط لان هما يمشون حسب المعيشة وبالنسبة للمنظمة لا ما يستفسرون
عن هاي المعلومات ما اعتقد مجرد اسئلة يسالوها لكل من يحرك ملفه هم اكو جماعة اعرفهم نفس االاسئلة سالوهم وهما كانوا بمصر والمحامي الي حرك ملفهم هنا بمشكن كان اكو باالاسئلة نفس الفقرة الي شكد صرفتوا طول مودة الانتظار