ankawa
منتدى الهجرة واللجوء => الهجرة و واللاجئين => الموضوع حرر بواسطة: azal في 20:11 01/04/2010
-
[/i][/b]
مساء الخير
حبيت احي كل اهل المنتدى من اداريين واعضاء وضيوف واريد اسأل سؤال الي هو : هل منظمة ال (iom)
تتعامل بنفس الخطوات والاجراءات (للناس العاملين مع الامريكان كمترجمين ومتعرضين للخطر والتهديد)
(والناس الي ما عملو مع الامريكان وطالبين اللجوء بس لانهم مهددين )
واشكركم شكر جزيل
-
طبعا هذا موضوع زين راح انطي رايي ولو اكو اخوان راح يزعلون بس هوة راي شخصي ما اقصد بيه احراج او ازعل اي شخص بس والله اني اعتقد ماكو اي عدالة با الموضوع لانه اكو ناس مجرد انه ابن خالة الخياط الي خيط بدلة العرس استلمو فيزا بعني ناس كاعده با الخضراء لو مقاولين كرف فلوس لو واحد عنده محل با الخضراء لو مشتغل ابشركة مهندس يعني ميصير حالة حال المترجم الي خلصها دوريات ليل ونهار او موت او عبوات او كل شياو راح انطيكم مثالين اني اعرفهن اولا اكو امراة اني اعرفهة عدهة صالون با الخضراء بعدين صارت مقاولة او الله وفقهة قدمت خلال سنه هسة هية با امريكا واكو واحد قابل وياي مقابلة اولة با 2009 ما يعرف ولا كلمة انكليزي كال تعال ترجملي هاي الكلمات با الانكليزي كتله انت شلون قدمت هنا شكد صارلك كال اني اشتغل مساعد طباخ با القصر مال الاعضمية واكو ضابط امريكي كلي تريد تروح لامريكا وانطاني ورقة او قدملي او صارلي هواي من قدمت كتله شكد صارلك كال 4 اشهر يعني الله ما يقبل اني مترجم اربع سنوات امقدم ورة سنه او 5 اشهر اقابل ويا واحد صارلة اربع اشهر المهم ماكو عدالة وشكرا بس لا احد يزعل
-
الاخ سائل السؤال اللي مشتغلين مع الامريكان يكون لهم برنامج خاص وهو اما siv او التقديم المباشر لل iom وطبعا بكل تاكيد البرنامجين أسرع والقبول مضمون من البرنامج العادي مال التوطين باعتبار انه اللي مشتغل مع الامريكان يكون معرض للخطر أكبر من غيره
طبعا البرنامجين للمشتغلين مع الامريكان يكون أسرع من ناحية الموافقة الامنية لانه كل بيانات طالب اللجوء تكون متوفرة لدى الامريكان و كذلك البصمات يعني ما اطولون مثل البرنامج العادي وهذا طبعا بتصوري منطقي جدا
-
azal
بالنسبة لسؤالك وحسب علمي انا
اللجوء الى امريكا بطريقتين
الاولى / من عمل مع القوات الامريكية ( باي شكل من الاشكال وحسب ما متعارف عليه من شروط )
الثاني / اللجوء الى امريكا عن طريق تحويل ملف اللاجئين العراقيين الى دائرة الهجرة الامريكية من قبل الامم المتحدة . ولايشترط هؤلاء المحولين انهم عملوا مع القوات الاميركية نهائيا . بل لاسباب معينة كل وحسب وضعه
-
اخ رافد تحياتي لك واحب اعلق على بعض من ردك ( وارجوا عدم الزعل من كلامي ) بس بعد اذنك طبعا
حضرتك تفضلت بانه الي عمل مع القوات الامريكية في العراق تكون موافقته الامنية سريعة جدا
باعتبار انه اسمه وبصماته وصورته وكل مايخص ذلك الشخص الي عمل معهم في العراق
احب اذكرلك انه لاتوجد اي علاقة في ذلك والادلة كثيرة جدا جدا
واغلبهم من يوجد في المنتدى وصارلة مدة تتجاوز السنة او السنة ونصف وممكن اكثر
والى الان ينتظر الموافقة الامنية ؟؟؟؟؟؟؟؟؟؟؟؟؟؟
للتنويه فقط
-
عادة الusrap اسرع من الSIV لان متطلباته اقل بهواية بس هم مو سوة وتعتمد عاللي مقدم
-
طبعا اشكر الاخوان الي جاوبني بس حبيت اضيف انو زوجي الي اشتغل مترجم مع الامريكان لسنتين ونصف عمل 6 مقابلات امنيه عندما كان يعمل معاهم يعني اسال هل من الممكن هي المقابلات ال6 راح تقلل او تخفف من اجراءات المنظمه
واعيد شكري للجاوبوني ولي راح يجاوبوني
ملاحظه منتظره جواب الاخت انجي ;) :)
-
اختنا العزيزة مالها علاقة المقابلات اللي سواها بتخفيف الاجراءات هو كله يعتمد على قناعتهم بالكيس مالتكم ويسوون تجييك امني (شوف شوكت يخلص) وبعدين يرتبولكم موعد مال فحص وموعد مال سفر وهاي كلها تاخذ وقت
-
اشكرك حبيبتي سرى على الجواب مقصرتي .
الاخ rafid82 انت قلت انو التقديم المباشر في(iom) للعاملين مع الامريكان
حبيت اسال شلون اقدم تقديم مباشر لمنظمة (iom) اذا تعرف ياريت تجاوبني واكون ممنونه
-
الاخت الكريمة لازم تراسلين منظمة الهجرة عن طريق الايميل بس والله ماأعرف أو ما اتذكرهن وهمه راح يجاوبوك شنو المطلوب ان شاء الله الاخوان هنا راح يعطوك عناوين المراسلة سواء في العراق او الاردن اذا كنت في الاردن
الاخ حماده حبيبي ماكو اي زعل وصحيح اكو حالات تتأخر الامنية للمشتغلين خاصة في الاماكن الحساسة يعني أزيدون الاجرائات الامنية أخاف كان متعاون مع جهه معينه او لديه نقطة سلبية وشكرا لك
-
اختي الكريمة ممكن توضحيلنة حضرتك بالعراق لو باي بلد
اكدر اساعدك او باقي الاخوان والاخوات يجابون اسئلتك . ونفيدك ببعض الامور
-
مشكور اخ رافد على جوابك
-
أختي العزيزة أزل
في كل الاحوال طلب اللجوء فيه مراحل يمر فيها الاجئ وهي المقابلات والفحوصات الطبية والموافقات الامنية وهذه جميعها تحتاج الى وقت
وتاخذ اجرائاتها الروتينية بغض النظر عن التزكيات
وهاي الرابطة للتقديم المباشر على IOM
BaghdadInfoCenter@iom.int
-
شكرا اخت انجي تحياتي الك
الى سؤال قادم ان شاء الله ;D
-
عموما اختي الكريمة هذا الرابط الاتي فيه
(** جميع مكاتب المنظمة الدولية للهجرة iom في جميع الدول / اميلاتهم وعناوينهم وارقام تلفوناتهم **)
http://www.ankawa.com/forum/index.php/topic,400691.0.html
وراح تجدين عنوانهم واميلهم وصندوق بريدهم وارقام تلفوناتهم ( حسب وانتي في اي بلد )
-
مشكور hamada2 اني مقدمه على اللجوء من العراق وقابلنا اول مقابله (المعلومات +القصه) وبعد منتظرين المقابله الثانيه ان شاء الله