ankawa
منتدى الهجرة واللجوء => الهجرة و واللاجئين => الموضوع حرر بواسطة: IraqiFreedom في 22:41 01/04/2010
-
أخواني وأخواتي،
البارحة أتصلوا بيه الIOM وخبروني أنو ملفي كامل واني حاليا بانتظار تحديد موعد سفر، وكلولي أنو سفري راح يكون قبل شهر الثامن ??? بس ميعرفون شوكت بالضبط.
على ما يبدو أنو جدولهم مكتض أكتضاض مو طبيعي بهاي الفترة، أتمنى من الأخوة الأعضاء أنو يشاركون بتجاربهم وياريت أنو كل واحد يذكر تاريخ أستلامه للموافقة الأمنية مع موعد السفر أن وجد لغرض معرفة جدول السفر ووين واصل هسه
تحياتي للجميع
-
الله اخوية مادري شأكلك مدا افهم موضوعهم
عبالك هذولة الموظفين بس الواحد يسألهم ماكو بحلكهم بس حجاية وحدة
تجييكات امنية
واني من كملت الدورة هي المشرفة جيكت ملفاتنة كلنة
وكل واحد تجيك اسمه تكله حالته
واني سألته و كالت انت ملفك بأخر مرحلة و اني لحيت عليها
المهم بس هيج بشكل غير مباشر كالتلي انه الامني واصلة
و اتصلو بالكفيل بوقت الدورة وكلشي اوكي
بس من دزيت ايميل الهم حتى اسأل على غير موضوع
الموظف اول حجاية كالي انت ملفك بالتجيكات الامنية
يعني مو تجييك واحد علما اني ما عندي سوالف عسكرية ولا شي
اني من البداية لحد هسة ولا اتصل و لا اسأل عن اي شي وخالها على الله
و الحمد لله هي من وحدها ماشية و اسرع من ما حسبتلها وبعد مادري
اخاف مضمومة الي ضميمة بس الله يعرف خبرها
تحياتي
-
تحياتي الك وتمنياتي لك بالموفقية
اني مقدم على الامم المتحدة من 1-4-2007
تاريخ التوطين والاعتراف بي كلاجيء 15-11-2008
اول مقابلة في اي او ام بتاريخ 21-11-2008
مقابلة ثانية بشهر الواحد من سنة 2009
مقابلة محلفين بتاريخ 5-2-2009
تاريخ اول فحص طبي 15-2-2009
تاريخ توقيع الكفيل في امريكا 18-2-2009
استلام المغلف بالقبول بتاريخ 21-3-2009
اكمال الدورة التثقيفية بتاريخ 1-10-2009
اعادة الفحص الطبي لعبور السنة بتاريخ 2-3-2010
خط الرحلة 20-4-2010
-
مبروك حبي
يلة صبرت و اخر صبرك جاب نتيجة
هسة نريد اخبارك الحلوة مناك
شنو اريدك فاندام تكطعها لامريكا
انت من مصر مو ؟
الله يفتحها على الجميع
-
شكرا على ردودكم،
أخويه علي لتخلي الكلام يهبط معنوياتك، اني بالدورة كلولي انت بعد، يعني لا مراحل أخيرة ولا قبل أخيرة ولاهم يحزنون، بس بعد، بدون أي تفاصيل. زين بيوم استلام الظرف هذا الحجي وره 20 يوم كلولي انت خلصانة شغلتك وانتظر خط الرحلة ::), ثاني يوم أتصلت على شغلة الكفيل كلولي انت بالمراحل النهائية من التجييكات الأمنية واذا عندك كفيل جيبه بسرعة, وره اسبوع هم أتصلت عود كلت بلكي أفتهم شنو القضية جان يكلي الموظف انت بعدها أمنيتك مو واصلة، زين يابه شوكت توصل؟؟ جان يكول منعرف, وره كم يوم أتصلوا بالكفيل وراح وقع عالأوراق وكلوله فيزتي كملانه وكلشي تمام!!!!!! عاد دزيتلهم أيميل شرحتلهم الوضع كتلهم يابه تره حيرتوني وكلشي مدا أفتهم، عاد ثاني يوم خابروني جان يكلولي انت ملفك خلصان وحاليا على جداول السفر بانتظار تحديد الموعد اللي هو قبل شهر الثامن...بعد ما أخابر :'( شايفين هيجي شي بالله؟ اني شنو أكول، أكول هيه بين لحظه وأخرى تخلص الشغلة هاي أولا, ومرات الموظف اللي يجاوبك يأما يكون ما عنده صلاحية أنو يخش بتفاصيل ملفك أو يعني متدري، اني أقترح عليك أنو تراسل الاي سي مالتهم اذا تعرفه: ic@iom.int هذا القسم يفترض أنو هو المسؤول عن قضايا العراقيين واني فعلا من راسلتهم وجاوبوني حسيت أنو الموظفة عارفه شدتكول مو مثل الموظف اللي قبلها كلي بعدها هذاك مبين شكله تفاصيل ملفي مو كدامه...وتفائلوا بالخير يجدوه مثل ميكولون.
حماده ألف مبروك ألك أخويه وأتمنالك رحلة ممتعة وتوصل بالسلامة وشكرا جزيلا على تزويدنا بمعلوماتك وشوف صبرك أثمر فلحد ييأس لأن كل ضيق ووراه فرج.
شكرا جزبلا
-
اخوية حمادة ابن الديرة ;D
حمادة اذا اشوفك و تشوفني احتمال جبير واحد يعرف الاخ
بعد انت تعرف سالفة الكرادة
انت وين بعمان ؟؟؟
اني بالسابع
اذا موجود ايميلك اضيفك واذا ماكو دزلياه عالخاص اذا ماكو ازمة ههههه
-
اخوية العزيز IraqiFreedom يعني هذا الاميل يختلف ؟؟؟
اني دزيتلهم على هذاك (( عمان انفو سنتر @ اي او ام (دوت) انت))
هههههه تخيل شكل الايمالات بالعربي
يعني شتكول انت اتحارش بيهم ؟؟؟؟؟؟؟؟؟؟ اموت عالحرشة اني خخخخخ
حتى هسة ازركهم بأيميل رنان
بش شتكول شأكتبلهم ؟؟؟؟؟
-
اخ علسوني اني بال 2 :'( :'( :'(
اخ IraqiFreedom شكرا حبيبي الغالي على تهنئتك الي
ربي يوم الي الكم ونفرح بيكم جميعا بدون استثناء
تمنياتي لكم بالموفقية
وخاصتا جمعية 20-3-2010 انشالله كلكم شلع باقرب وقت
وياريت الي عندة موعد طيران قريب عن هذا الموعد وهوة 20-4-2010 وخاصتا من عمان ان يذكر موعده
-
الاخ iraqi freedom، الاخ alisony
الله يسهل امركم وان شاء الله راحة البال والسفر القريب تمنياتي بالموفقية
اختكم
سرى
-
أخويه أبو حسين هذا نعم يختلف هذا خاص بالعراقيين هو نفسه اللي يذكرولكياه من تخابرهم قبل ميجاوبون عليك اذا منتبه وهو نفسه اللي دزيتلهم عليه انت عادي تكدر تدز عالأول بس أعتقد عالثاني اللي راح يتصل بيك يكون موظف مختص بالشؤون الحدائقية يعني جماعتنا بين قوسين ;D.
حماده, ماوصيك خويه أريدك متقصر هناك هايه فرصة متجيك كل يوم وأريدك دائما مفتح وتكون مراسلنا من أرض الأحلام جمعنا الله وأياكم بيها وأعزمكم عزيمة يم خان دجاج الحجي الفرع الثاني، واشالله راح تكون ألك فرصة خبز زينه هناك ;)
شكرا سراوي وانتي انشالله بعد متسافرين مدى الحياة :D يعني تبقين بأميركا شبيج ;)
تحياتي
-
اخ IraqiFreedom
الله يجمعنا انشالله ويسمع من حلكك
انشالله نظل نتراسل اكيد اخوية الغالي انتة وعلي سوني ( علسوني )
عمي والعزومة على حسابي وتدللون اخواني الاعزاء
ولاتصدك انه فد يوم افكر اترك اخواني واخواتي الطيبين والطيبات من امثالكم المحترمة بهذا المنتدى الرائع مهما كلفني الامر
راح اضل اتابعكم وتبع اخباركم وافراحكم جميعا
-
اوكي العزومة على حسابك
بس مو تشتريلنة من الفود ستامب هههههههههههه
نريد كاش
يارب التوفيق بسفرتك وتصير سهلة وحلوة
و اول ما تنزل من الطيارة يشغلوك اي شي حتى لو بدل اوباما هم عادي اقبل دير بالك ترفض
لان يأثر عالفودستامب ههههههههههههههه
-
عمي يا بدل أوباما انشالله يحطوني بدل ضايع هم أقبل، حتى لو يخلوني أبيع ثكل هم أقبل، انت صدك تحجي،
بس انت ذكرت خوش نقطة لازم الواحد يسأل يشوف سيادة الرئيس أوباما شكد راتبه حتى نشوف صدك يأثر عالفودستامب لو لا ;D
وبعدين انت شهامك اذا أعزمكم من الفود ستامب لو لا هيه المهم ثريد وبعدين هذا مطعم الحجي من أفخم المطاعم على مستوى. بس الذوات يطبوله شعبالك، ينافس وبشدة مطعم السعادة الكاثن في الشواكة ستي :D
;)
-
والله تردون الصدك والكلام اللي اني مقتنع بي انه الشغلة كلها لا تجييكات امنية ولاهم يحزنون همه بكيفهم و على الاولوية و حسب الموظف اللي يشتغل على ملفك اخوان هي شغله التجييك الامني هو على البصمات يعني كل الشغل بالحاسبة فهل من المعقول انه بصمات الشخص صارله 5 او 6 او سنه يفحصوهه بالحاسبة هو النيجيري خلال اسبوعين حصل فيزا لامريكا فاني كل هاي الشغلة مال تجييك امني اطول كل هاي الفترة ابد مامقتنع بها وهو موظف اللي نتصل بي او انخابره تره مايقدر يدخل على تفاصيل ملفك هو يعني هو بس ينطيك معلومات بسيطه وأي شئ مايعرفه يقول لك تجييك امني
والله اعلم وبالتوفيق للجميع
-
لا هو يشوف الملف من برة يا لون ؟
ممنوع يدخل
اذا اصفر هاهية يعني بعده تجيكات امنية حتى لو الحاسبة جانت مهنكة ههههههه
من يصير اخضر يالة الملف ينفتح
-
دعائي الى الله ان يفرج امركم وامر الجميع باقرب وقت
اخ رافد الوردة وعلي وكرستوفر العراقي وعكعك التطوى والجميع انشالله السفر العاجل
تمنياتي لكم بالموفقية
الصبر الصبر الصبر
-
زين واني ???
:'(
-
عالوجبة الثانية ههههههههه
اتشاقة وياك اخوية انت محسوب بالقلب مو باللسان
اعذره عنده موعد سفر و تعرف شكد يكون مخبوص
-
يا مخبوص أصلا هو هسه في أوج مستوياته المعنويه، اذا عندك سالفه تريد تتداين تريد تستعير حاجه ومترجعها تريد تكضي مصلحة هذا أنسب وقت تطلبهن من عنده.
لا وأكيد هو هسه ملتهي بالجنط وكاعد يتشوبنك، نكللهم بابا لتشترون تره هناك كلشي أكو ميفيد، لازم يقبطله فد أربع جنط يله يرتاح.
اني هسه عسى مو يخابروني يكلولي طيارتك بعد ساعتين، أخذ حمام أبدل هدومي أسد اللابتوب وأحطة بالجنطة وعدل عالمطار، ملك زماني.
يله اني سمعت أحنه وجبة 20/03 على النصف الثاني من شهر الخامس راح يلحكنه السره، بببلكي
كولوا امين
-
اخ IraqiFreedom
هههههههههههههه
اسف حبيبي والله هية تاهت علية اراكي فريديام واراكي كرستوفر :o :o :o
اسف وحقك علية انشالله السفر القريب باذن الله واعذرني اغاتي الوردة
ومثل ما كال الاخ علسوني ترة والله مخبوص وتاهت علية وصارت السالفة صدك
اما بالنسبة لجنطة السفر هية وحدة بس ومحضرهة من الشهر الثالث من السنة الماضية ??? ??? ???
واني نصحوني انه ما اشرتي ولا شي كلشي موجود وارخص من عمان
تمنياتي لكم بالفرج القريب انشالله
وعذرني اخي IraqiFreedom جاي ابيع بالاغراض وصايرة مزاد ههههههههه
-
اخ IraqiFreedom
شنوووووووووووو بس لازعلان
اشو ماكو رد
-
لا عيني الله ليجيب الزعل
وبهالمناسبة السعيدة أهديلك أغنية حماده يلعب حماده يكسب حماده من عمان راح يهرب!!!!!!!!!!
:D
-
ههههههههههههههه حمادة احمال اذا كالولة ممنوع تاخذ جنطة وياك هم يعوفها
هههههههههههههههههه
-
يا جنطه عمي، حماده يريد يهرب، يريد يسيب،
خوب اني غير، لو يحطوني عالجنح مال الطيارة مثل عدنان هم أقبل
ههههههههه
-
مبروك لكل من انطو خط رحله توصلون بالسلامه .
بس اني كلما اخابر ماكو غير حجايه تجييكات امنيه طلعو روحي
اني مقابله اولى 4-8-2008 الثانيه 6-8-2008 المحلفين 4-9-2008 القبول 4-10- 2008 وبعدين فحوصات 8-10-2008 ولي هسة طبعا عدة الفحوصات وطبع الاصابع والصراحه نفسيتي تعبت كلش وباقي شعرة والغي كلشي يمكن نص شعره ورجاءا لحد يكلي طول بالك او اصبر او يلا لاتدير بال لانه كلمن مكاني جان تخبل داحس نفسي مسجون بلا جريمه ولا ذنب وطلب من الاخوة الي بامريكا خلي يداعون او يطلبون من المنظمات الانسانيه ترا التجييكات مو مال تطول سنه لدوله عضمى مثل امريكا وترا عيب والله العظيم عيب اما اذا كان التأخير منا فهذا بحث اخر واريد يدورون على السبب اكو شي غلط بالموضوع ومو خاليه الشغله ابداًًً وار.
النسيم الماكل ....................................رى من الامنيه r]
-
أخونه العزبز،
أول شي شكرا على مرورك الطيب يا طيب، أخي نرجع ونكول أحنه شبيدينا؟ ثاني شغلة انت مو بوحدك شوف عندك الأخ حماده هم من سنة ال2007 مقدم وهسه يله حيسافر، اني شهر ال11 2008 وتصور أول مقابلة جانت بشهر العاشر 2009 يعني قريب السنه لا واني عود تقديم مباشر ??? بس شنو الشغلة بيها أمل، وأذكرك أنو أكو ناس أنرفضوا فانت عالأقل بعد ما عندك خوف وقلق بس شغلة انتظار، العيشه صعبة وغالية هاي بالأظافة لعدم راحة البال والقلق والتفكير وووووووووو، هاي لو أكعد أعددلك بيهن، كلنا نفس الشي من النت للفراش للنت، هيحي مكضيها، عالعموم أخويه عالأقل عدنه هذا الموقع نتواصل وكل واحد يعرف أخبار البقية، تره متعرف ساعة من ساعة فرج هسه تشوف يجي حمودي ويكلك جان متوقع أتصال منهم؟ على غفلة خابروه يله تحضر روووح، هو هم مجذب خبر من ساعتها وهو ديصفي بالغراض :D
فيا عزيزي تفرج وانت صبرت صبرت وانشالله نكلك الصعب راح ومظلت غير هالأيام تكضيها شلون مجان الى أن تفرج
تفرج، وداعتك تفرج.
تحياتي
-
والله يا اخوان اني في اوقات معينة والاغلبية ممكن قراء كل ماكنت اكتبه في وقتها
مرت علية ايام الله لايرويهة لاي شخص انشالله ( بس ارجع واكول الي يشتغل وينساهم والي يكون ملتهي بعملة وروحتة وجيتة ومايفكر بيهم مايتعب هواية ) بس الواحد مو بيدة لازم تجيه ايام يفكر وتطلع روحة بس
لازم الي يصير عصبي في وقتهة انه يلزم نفسه حتى مايخصر في نهاية الامر
والله لا انسى وقفة الاخ عكعك التطوى في تلك الايام وايضا الاخت اينجي والاخت ريم ( لان في وقتها هم كانوا يردون على اسئلة الناس واجوبتهم كانت معقنعة جدا ومصبرة ياريت انه كل من يمر بضروف معينة ان يقف معه الاعضاء في محنته )
انا في وقتها فقدت اعصابي وحاولت اكثر من مرة ان اذهب الى المفوضية واطلب الغاء توطيني لكن والحمد لله الموظفين هم تعبوا معي واقنعوني انه لاتوجد لدي اي خيار اخر سوى الانتظار والصبر
الي اترجاه من اي شخص منتظر السفر انه يمارس حياته الطبيعية ومايشوف بلحظة فرج تلفون ويكولولة موعد سفر
والله في هذا الشهر الماضي قد نسيتهم ونسيت السفر بسبب هذا المنتدى الجميل
وفي لحظة اتى الاتصال واتى الفرج وقالوا لي مبروك الموافقة الامنية قد انجزت وباقي القليل للسفر
كنت قد ياءست منهم ومن كل شيء وكان في اعتقادي انه ممكن انتضر بعد ستة اشهر او اكثر
لكن وبحمد الله لحظة فرج من الله اسعدتني وعوضتني على ما مضى
تاخيري قد استفاديت منه كثيرا ( ربك ماتعرف شنو مخبيلك ممكن للاحسن ) وبالفعل صار نحو الاحسن والافضل والحمد له
ادعوا كثيرا كثيرا كثيرا ........ واصبر ان الله مع الصابرين
تمنياتي للجميع بالموفقية والفرج العاجل
-
ها شباب اشو صايرين ماتردون على اي رد اكتبة الكم لاهنا ولا بجمعيتكم
شنوووووووووووووووووو الموووووووووووووووضوع
??? ??? ???
-
شلونك اخويه حماده انشاء الله معنوياتك بخير وتمام على السفر :D :D :D :D
حقك والله يساعدك بس كلها تهون وربك ما ينسه عبده ابد
والحمد لله والشكر من راح تستقر وتخلص من المعانات والتعب
-
الف شكر اخ اربد تسلم ياوردة يا طيب
ربي يوم سفرك ونفرح بيك ونشالله باقرب وقت
انشالله تسافر لكندا ونزورك ;) ;) ;)
تمنياتي لك بالموفقية والصحة والسلامة
-
والله يا اخوية حمادة غير من الملل الواحد مالة واهس يكتب اي شي لان لا جديد والحمد لله
اخوك
كريستوفر العراقي
-
السلام عليكم اخواني اخواتي
نرجوا من حضراتكم ان تكتبون كل ما هوة جديد من مواعيد سفر
كل شخص استلم موعد خط رحلة ان يذكرلنا المواعيد
وشكرا