ankawa
منتدى الهجرة واللجوء => الهجرة و واللاجئين => الموضوع حرر بواسطة: TIKTAKTIKTAK في 14:54 04/04/2010
-
أخوتي و أخواتي الاكارم ...جماعه سوريا بالتحديد ارجو تثبيت اخر التطورات بسير عمليه التوطين لامريكا من حضراتكم ...
مع ذكر التواريخ و ولايه التوطين و هل يوجود كفيل معنوي ام لا.
..................................
الولايه : اوكلاهوما.
يوجد كفيل معنوي.
مقابله محلف : 24-2-2010
فحص طبي : 30-3-2010
أستلام الظرف : ............
موعد السفر : .............
وشكراً.
اختكم تيك تاك تيك تاك.
-
اخت تيك تاك ما اتصور احد بسوريا استلم الظرف او حدودله تاريخ سفر احد الان.
الله يفرجها عليكم كلكم....
-
اختي الحبيبة اني بنت اختي سوت مقابلة الوفد بشهر الثاني يوم 21 ولي هسى تنتظر النتيجة
واخواني اثنين سوى مقابلة الوفد بشهر 3 - يوم الخميس الفات وهم لي هسى ماكو جواب وانشاءلله الكل مقبولين اني مااعرف التواريخ بالضبط حبي بس كتبت الي اعرفه يارب القبول لكم كلكم
-
اخواتي و خواتي اني اعرف محد استلم ظرف لي هسه ...بس اغلبنا سوينا مقابلات و قسم منا سووا الفحص الطبي ...بس هذا الموضوع علمود الي متأجله مقابلته او لي هسه مامسوي الفحص الطبي او بس متحول اي او ام يعرف شلون ده تمشي الامور....و جماعه المقابلات يعرفون الي ديصير بجماعتهم.
وشكرااا
-
اختي العزيزة تيك تاك ممكن اسالك سؤال بخصوص مقابلة المحلفين اشو من خابرت اخوية يكول سوينا قسم يعني حلف وكال المحلف كال مبروك انت انقبلت اكو هيجي رجاء اريد توضيح لهاي المسأله
-
اختي العزيزه انجي قبل كلشي كل عام و انتي بالف خير و كل اخواتنا و اخوانا العراقيين بكل مكان بالف خير عيد فصح مجيد للجميع...
أما بالنسبه لموضوع المحلف ..قبول المحلف يعتبر: انو المحلف وافق ع اعتبار الاخ لاجئ و ممكن مبدئيا يستقبل في البلد الجوء...و على ضوء موافقه المحلف يرسل الملف الى كل من الفحص الطبي و الدوائر المختصه اب امريكا ((الي انتي عندج علم بيها)) بس راح اذكرها للي ميعرف((وزاره الامن الداخلي و الخارجيه و النقل ........))
فما بقت غير موافقه الدوائر و انشالله يكون بيناتكم عن قريب اذا الله سهل .
لانو اعرف ناس من مقابله المحلف اخذو رفض باعتبار قضيتهم لا تستحق التوطين في امريكا
ومن الله التوفيق للجميع انشالله
-
اي حبيبتي اني مقابله محلف بتاريخ 7- 2- 2010 والحمد لله لسه داننتضر (على الشحن) هههههه اختك عراقيه وافتخر
-
شكرا حبي تيك تاك على الرد وكل عام وانتي بالف الف خير واختي عراقية يارب القبول حبي الك ولكل الاخوة المنتظرين
-
الاخت العزيزه تيك تاك موضوع يستحق الاهتمام والمتابعه ولغرض التواصل فاني قابلت المحلفين يوم 9\3 2010 وفحص الطبي كان يوم 3\4 2010 وبانتظار الظرف والموفقيه للجميع
-
السلام عليكم جميعا اني قابلت يوم 3\3\2010
ولهسة ماكو شي بس قبلاسبوع اتصلوا بي يريدون عنوان الكفيل اني منطيتهم العنوان بس يريدون يتاكدون منه وبنفس الوقت غيرت عنوان الكفيل الثاني نطيتها عنوان جديد سالت عل الملف كالت الموظفة بعد لسة وكالت معلوماتك خالصة بعد منريد شي ولهسة ماكو شي اريد اعرف اذا يسالون عل الكفيل يعني اكو موافقة مبدئيةلان بالمقابلة المحلفة تعصبت وياية لان رحت لبغداد كم مرة منكول غير الله كريم وانشاء الله تفرج عل الجميع سلام
-
اختي الفاضله أم علي تحيه طيبه ,
أولاُ:- بالنسبه لموضوع الكفيل فهذا شئ عادي و بالعكس هذا شئ ايجابي بالنسبه الك لانو هذا يدل على انو الشغل بالملف مستمر و صار نفس الشئ ويايه و اتصلوا بيه و طلبوا رقم تلفون الكفيل .....
ثانياُ:-ومنو بينا مارايح و راجع البغداد ... يعني نفس النقطه لحت بيها المحلفه و قالت:- اشو طابين و طالعين هوايه؟... قلنالها: احنا هجينا اي نعم ,تعرضنا ال تهديد اي نعم ...بس منين انعيش؟!؟ لازم كل فتره انروح انطك شئ انعيش بي هنا و رواتبنا همين نستلمها .... يعني هنا بسوريا والحمدلله لا شغل و لاعمل منين ناكل و نشرب و نأجر ...يعني اذا ماجبنا فلوس حنموت من الجوع!! واذا اغتالونا ابغداد همين حنموت!! يعني النتيجه وحده!! ... غلست و سكتت!!
انشالله التوفيق ام علي و الموفقيه لكل اخوتي و خواتي يا رب امين.
-
أخي الفاضل أمين الزيدي ,
شكرا ع الرد وأكيد هو هذا الموضوع للمنفعه العامه وينطي فكره للي عنده تساؤلات ليش ما اتصلو بيه؟ ليش سألوا ع الكفيل ؟ اكو مشكله؟ واحنا بسوريا شويه ضايعين لا اكو موضف تسأله ويبرد قلبك !!
الحمدلله عدنا كم من اخوانا و خواتنا ينورونا بمعلوماتهم و انشالله الموفقيه لك و لاخوانا و خواتنا اجمعين.
-
السلام عليكم اخواني اليوم الاربعاء اتصلو علينه (لاستلام النتيجه - الظرف) يوم الخميس الساعه الحاديه عشر ونصف وانشالله خير وياريت اذا اي احد من سوريا اتصلو بي على النتيجه يدخل ويخبرنه وباذن الله الموافقه للجميع0 (ولو بيني وبينكم اني ما متفائله ) اختكم عراقيه وافتخر
-
السلام عليكم
اني مقابلتي 3/2/2010 الوفد الاميركي بسوريا
ولحد الان ماكو شي
اليوم اتصلنا بيهم كالوا تطلع النتائج هاليومين القابلوا الوفد هذا
ورة ساعتين خابرونا هما كالوا طالعلكم ضرف تحبون تجون تستلموا او احنا نفتحا لان انتوا بالحسكة ابعاد
كلنالهم فتحوا طلعلنا قيد الدراسة فشنو قيد الدراسة بعد مقابلة المحلف ما اعرف
اما بالنسبة للعائلات المقابلة ويانا فكلهم البحسكة النعرفهم خبروهم وكالولهم مبروك طلعت الموافقة انتظروا شغلة ايام وندز عليكم على الفيزا
-
أولا : مبروك لكل اخوانا الي بالحسكه ع الموافقه الامنيه و انشالله يوم الي تطلع لجميع الاخوان و الاخوات ,
ثانياُ: اخي الكريم قيد الدراسه شئ عادي يعني مو شئ خطر يعني لي هسه ما مخلصت حسم الملف و ع قوله اهلنا ((كل تأخيره بيها خيره)) وانشالله في القريب العاجل اتبشرنا بالموافقه.
أختي العراقيه و افتخر ^_^ ....انشالله الموفقيه و كل الخير و الباجر اتبشرينا بكل خير ... الله يوفقكم آآآآآمين
-
اخواني الاعزاء
اليوم اتصلوا بينا الهجرة الدولية في سوريا بخصوص استلام نتيجة مواغقات المحلفين انا وعائلتي --- وابني لوحده--- الاستلام يوم الاحد القادم
بس انني قلق جدا لان ابني اكمل الفحوصات قبل عده ايام ونحن لم يتصل بنا احد بخصوص الفحوصات لحد االان
فهل هذا يعني ان ملفنا قيد الدراسة ام ماذا
-
الي اخواني العراقيين و اخواتي ...هاي الايام هي الحاسمه للي مقابل الوفد خلال الفتره بين شهر الثاني و الثالث.... بدت المنظمه الدوليه للهجره بالمزه, نزله الاكرم...بتوزيع الظروووووف .. و سمعت انو الاكثريه قبول و بعض منهم ((قيد الدراسه)) و الاقليه هي الرفض و انشالله خيرها اب غيرها ..لكن حبيت اهننننني الي اخذوا الموافقه كلليليليليلييليلشششش
و بالنسبه الي ف يوم الاحد سوف يعطونا النتيجه عند الساعه التاسعه و النصف صباحاًًًًأًأًأًأًأًأ .... في هذا الموقف لا اطلب الا دعائكم ... لان في هذهِ اللحظه عاجزه من فعل اي شئ ..لا تفكير ولا دعاء ولا انتظار اتمنى مرور هذهِ اليومين بسرعه البرق و ليكن ومايكون ....
اختكم تيك تاك
-
السلام عليكم جميعا
اليوم اتصلوا بي المنظمة وقالو الاحد ساعة 11 ونص استلام النتيجةعلما اني مقابلة بداية الثالث
ومبقالنا غير الدعاء للجميع بالتوفيق والسفر لان الكل تعبت من الانتظارويارب يعوض صبر العراقيين خير
-
مرحبا اخواني اني اليوم استلمت النتيجه وطلعت قيد الدراسه وما اعرف شنو اسوي وياريت الي يعرف يفيدني بهل الموضوع وشكد الفتره حتى تطلع نتيجه قيد الدراسه وشكرا اللكم مقدما اختكم عراقيه وافتخر
-
اختي الشمس الساطعه ..الفحص مايأثر بعد او قبل الموافقه ....اهم شئ النتيجه انشالله موفقيييين و مقبولللللللللللللللللين بأذن الله
ننتظر الهلاهل بعد يوم الاحد مو تنسينا
-
اخواتي و خواتي هستوني اجيت من المنظمه الدوليه للهجره ...و كان الموعد عند الساعه ال9:30 صباحاً .. و كانت القاعه مكتضه بالناس بحيث قسم منا ظلوا واكفين ...و بعد نص ساعه انتظار...سلمونا الظرف و كانت النتيجه مقبول مبدئياًً!!! اول مره اسمع اب مقبول مبدئياًً؟؟
اتصور هي قيد الدراسه بس شويه لغمطوها اب وجهنا
الله المسهل للجميع انشالله و كانت ال مقبول مبدئياً لاغلب الموجودين و مع بعض الرفض و القبول لبعض الاشخاص...الله يفتحها اب وجهنا و وجهكم انشالله