ankawa
منتدى الهجرة واللجوء => الهجرة و واللاجئين => الموضوع حرر بواسطة: مازولا في 08:16 05/04/2010
-
اخواني الاعزاء ... اني صار لي اسبوعين و شويه باريزونا ... اليوم جاني بالبريد رساله من الـ US Citizenship and Immigration Services ... اني كلت يا الله مبين الكرين كارد وصل ... لزمت الرساله و فتحتهه ... لكيت بيهه رساله تكول مرحبا بك في امريكا ... و في المقطع الثاني يكول انو راح تسمع من عدنه بعد 30 يوم ......... زين يا ريت اخواني اللي واصلين قبلي فد سؤال ... شنو هاي رساله الترحيب ... و شنو راح تسمع عنه بعد 30 يوم ... شنو يقصدون الكرين كارد لو علويش ديحجون ... بلكي اخواننه يوضحون شنو هاي و شكري الجزيل ... اخوكم مازولا
-
هي مال كرين كارت من عدهم هاي الورقة يجيك خلال شهر احتمال والف مبروك مقدما
-
شكرا اختي انجي الورده ... صدك انتي ملاك المنتدى ... بس هم هوايه بعد 30 يوم ... اني عبالي استلم الكرين كارد خلال 30 يوم من وصولي يعني بعد اسبوعين ... بس يله ميخالف ... ما راح ازعل و اضوج و ارجع هههههههههههههه ... شكرا مرة ثانيه ... مازولا
-
اخونا العزيز مازولا هاي الرسالة حتى من توصلك تعرف انه الكرين كارد ان شاء الله راح يجيك ولكل فرد من العائلة بالمناسبة هاي الويلكوم نوتس تفيدك لمن تريد تروح تقدم على اجازة السوق وبعدك ما عندك الكرين كارد واحنا صارت ويانة لان من راد يقدم زوجي كلوله انتو شنو؟ كلهم مهاجر بعدني ما مستلم الكرين كارد كالوله اكو رسالة من الحكومة الامريكية تثبت هويتك؟ فمن وصلتنا هاي الرسالة اخذها وياه واتمدوها لانها رسالة رسمية تثبت انه انت مهاجر في طريقه لاستلام الكرين الكارد ومبروك مقدما الف مبروك.
-
الف مبروك اغاتي وشايف كل الخير
اخوك زيوس- النمسا
-
اخ مزولا 30 يوم فترة طويلة انتظر من 5 الى 10 يوم وان شاء الله يوصل الكرين كارد
الف مبروك وبالتوفيق
-
هي 30 يوم اذا ماكو لم غراضك وارجع بين قوسين ازعل
الف الف الف الف مبروك ان شاء الله يوم الجنسيه
-
احب أأكدلكم انه المسألة ممكن شوية تتأخر ويجوز بسبب العائلة ما ادري بس احنا استلمنا الكرين كاردز مالتنا ورة شهر وعشرة ايام وممكن تتصل بيهم اخ مازولا على الرقم الفري الموجود عالويب سايت وتتأكد علمود شغلتك والله كريم
-
شكرا لاخوني و اخواتي الاعزاء الغالين ... قررت انو ما ازعل و ارجع حته لو طولت شويه هههههههههههههه ... اختي سرى العزيزة الطيبه ... اذا طولت المده اكثر من المقرر راح اخابر ان شاء الله ... شكرا مرة ثانيه للجميع و ان شاء الله التوفيق لكل الطيبين ... مع تحياتي ... اخوكم مازولا