ankawa
منتدى الهجرة واللجوء => الهجرة و واللاجئين => الموضوع حرر بواسطة: أنكيدو في 19:55 05/04/2010
-
هذا خبر أكيد . . وعندي صديق مقابلته مع المحلفين راح تكون يوم الأربعاء 7 / 4 / . ندعو من الله أن يوفق الجميع في المقابلات .
تحياتي
-
الله يسمع من حلكك اخي الكريم بارك الله بيك على نقل الاخبار المفرحة للجميع
يعني صدك تستحق الشكر الجزيل . ربي يكثر من امثالك ياووووووووووردة الورود
اني هم كنت كاتب انه يجون 1-4-2010 بس الضاهر كانوا يرتاحون ههههههه
ويمكن اكو ناس جاي تقابل بس ما يحجون؟؟؟؟؟؟؟؟؟
اني اليوم كنت بالاي او ام وشفت اشكال الناس الي على فرنسا وعلى كندا بس محد كاعد يعرف
المهم الف عافية على الجميع بس ياريت يسولفون والناس تفرح على اخبارهم
صاحبي عندة مقابلة 19-4-2010 تقريبا لو بهذا التاريخ لو قبلهة بيوم لان نسيت الموعد المظبوط
بشرك الله بالخير يا غالي حتى تفرح العالم المنتضرة على احر من الجمر
-
صدك جذب شنو السالفة, اشو اليوم الصبح خابرتهم وكلي الموظف المحلفين راح يجيون بنهاية الشهر الرابع او بداية شهر الخامس, شنو كاعدين يجذبون عليه؟
ترة حيل ضجت اني لان كل واحد يحجي شكل, شهر الفات الموظف كلي راح يجون المحلفين بنهاية شهر الخامس, البارحه اخت ام محمد نزلت موضوع وتكول التقت بوفد امريكي بولايتها وكلولها راح يجون للاردن بمنتصف الرابع, واليوم الموظف خابرته وكلي راح يجون المحلفين بنهاية شهر الرابع او بداية شهر الخامس, وهسه انت اتكلي المحلفين موجودين حاليا ابعمان ??? ??? ??? ??? ??? ??? ??? ??? ??? ??? ???
-
اخي كابتن علي حسب ما كال الاخ وهوة متاكد
يعني صاحب الموضوع اكيد متاكد مئة بالمئة ونزل الموضوع يعني اكيد يريد يفرحكم
بس اني بعد مو متاكد مئة بالمئة مجرد احد اصدقائنا سمعت انه انطوه موعد محلفين؟
بس اليوم اني امام عيني شفت ناس توقع اوراق كندا واوراق فرنسا ( لم اسال بخصوص المحلفين )
انشالله صاحب الموضوع يرجع ويؤكد ذلك
وشكرا مرة ثانية للاخ كاتب الموضوع
-
لعد ليش المنظمة اتكلي المحلفين مموجودين وراح يجون بنهاية شهر الرابع؟ خو يكلولي المحلفين موجودين وانتظر احنه بعدين انخابرك ونحددلك موعد, هاي اني صارلي 3 اشهر وياهم وهشكل لعبو نفسي لعد بعدين شلون؟ اكيد بالاخير راح يصير بيه ضغط وسكر من وراهم.
-
عزيزي Cpt_Ali :
مساك الله بالخير ..
راح أزيدك من الشعر بيت ، هسه خابرت صديقي علمود أتأكد من موعد مقابلته . وتأكدت 100% أنه سيقابل يوم الأربعاء 7/ 4/ . واللعلم : الـ iom مخابرينه على الموعد قبل أكثر من عشرين يوم وهذا آني أعرفه من ذاك الوكت
تحياتي
-
مشكور اخوية أنكيدو على نقل الخبر, همه بس لو يكونون صريحين شوية او ينطوني موعد ويخلصوني علاقل اتحضر وأهيء نفسي, اني خايف بس ليخابروني على غفلة ويكلولي تعال باجر بالسبعه عندك موعد وية المحلفين ههههههههه.
-
اخ انكيدو قبل عشرين يوم تعرف بالموعد :o :o :o
لعد غير تحجي يا اخي وتفرح الناس الي منتظرة
لان اغلبيتهم جانوا متوقعين بعد شهر او اكثر
-
عزيزي hamada2 :
بعد التحية ..
معاك حق لو كان الأمر يتعلق بي شخصياً . لكن يا أخي صديقي طلب مني كتمان الأمر لأسبابه الشخصية وأنا إلتزمت طوال هذه المدة .
إنت أكيد تعرف أكو ناس ما تحب تعلن هكذا أمور بذرائع متعددة ، منها الحسد (!!) وأشياء أخرى ! . هذا عدى عن مفاجئات الـ iom عندما مثلا يخابرون الواحد على تأجيل مواعيد المقابلات كما حصل في أكثر من حالة .
وعليه ، اليوم قررت إعلان الأمر بعد أن لم يعد هناك سوى يوم واحد على موعد مقابلته ، أي أن إحتمالية التاجيل لم تعد قائمة . وحتى من خابرته قبل قليل وكتله بالموضوع عاتبني رغم أن الأمر يقتصر على إعلان تاريخ الموعد دون الإشارة لإسمه حتى ولو كان رمزيا !! . أمر غريب لكنه موجود بين وفي نفوس البشر وعلينا تقبله كحالة طبيعية .
تحياتي
-
الى الاخ انكيدوا مع الشكر الجزيل لنقلك الخبر النة بس اني الي نزلت الخبر حسب ماسمعت من صديق الية بانوا موعد مقابلتة هو 18/4 واتصلوابي يوم الخميس قبل الاعياد فارجوامنك ان تشوفلنة صديقك اذا متصلين بي قبل عشرين يوم شلون يتصلون بي وجان الوفد مال المحلفين ديقابل جماعة 20/3 الي استلموا بيهة المغلف فشلون يتصلون على موعد مقابلة وهوة الوجبة الي قبلنة بعدهة ممكملة فارجوا ان تسألة اخي وتجاوبنة حتة نتشارك الجميع بسرد الخبر الاكيد ويطمئن قلبنة تحياتي
اخوكم حلمي الاول عمان
-
إلى (حلمي الأول) :
بعد التحية ..
صديقي أكدلي مجددا موعد مقابلته مع المحلفين يوم الأربعاء 7/ 4 ، والـ iom خابروه عالموعد بالضبط قبل 16 يوم .. وهو مسوي مقابلة القصة والتبصيم والوزن بأواخر شهر 11 العام الماضي .
هاي نعلومات دقيقة .
-
اشكرك يااخ انكيدوا على جوابك وربي يسهل للجميع وارجوا منك ان تابع مقابلة صديقك حتة تنقلنة الخبر وشسوه بلمقابلة وشلونهة المقابلة ربي يوفقة ويو فق جيع العراقين الي منتضرين مقابلة ويسهل الي منتضرين سفر
حلمي الاول /عمان
-
الله يبارك بالجميع المهم يكون الخبر صحيح
-
سلام عليكم شباب ان شاء الله الكل بخير ... شباب الف مبروك على كل المنتظرين المحلفين وصولهم وان شاء الله الكل تقابل في اقرب وقت بس الرجاء كل من يدخل ويستفاد من المواضيع الرجاء انه هو هم يفيدنا باي معلومة ممكن تخدم او تساعد الاعضاء لانه كثير من الناس تدخل وتقرأ وتستفاد من المواضيع وعدهم معلومات ممكن تخدم الاعضاء وتساعدهم بس مع الاسف انه اكو هيج نفسيات اقل ما توصف به انه نفسيات ضعيفة والرجاء التنبيه على هذا الموضوع من قبل المشرفين والاعضاء ولكم فائق الشكر والتقدير .......
-
اليوم تتضح الحقائق .. إنشا الله بالموفقية للجميع ..
-
السلام عليكم
والله يبشركم بالخير اني عندي معاملة اضافة طفل
وانتظر بيهم بفارغ الصبر
ومشكور اغاتي على الخبر