ankawa
منتدى الهجرة واللجوء => الهجرة و واللاجئين => الموضوع حرر بواسطة: رونن العراقي في 00:09 06/04/2010
-
مساء الخير اخواني واخواتي اريد مساعدتكم بخصوص هذا الموضوع اني هجره خاصه اس اي في ومسوي البنفتس ومن جيت للمنظمه حتى استلم المساعدات المخصصه اليه اكو واحد اخونا عراقي يقول لازم عندك الفورم i-94 انا مااحتاج هذا الفورم هذا الفورم يستخدمونه الطابين لجوء كجواز سفر الهم وانا عندي فيزتي بجوازي وانا سئلت من وصلت اول مطار بامريكا سئلت جماعه المنظمه اي او ام قالولي هذا الفورم يستخدم كجواز سفر لجماعه اللجوء وانت ماتحتاجه لان انت هجرة خاصه وبالفعل من راح وياي واحد من المنظمه ومشينه على الطريق المكتوب عليه المهاجرين بالانجليزي وصلنه الى ضابط الجوازات انطيته البكج اللي عندي اللي انطونييها السفاره الامريكيه ببغداد وايضا انطيته جوازي وجوازات العائله وشاف الفيزا اللي بيها واخذ معلومات من الجواز وختم على الجواز تاريخ الدخول الى امريكا وسئلني تريد الغرين كارد مالتك يجيك على العنوان اللي انت مخليه كلتله نعم وبالفعل استلمت الغرين كارد ورة شهر من دخولي الى امريكا يعني قبل خمسه ايام وايضا هذا الولد العراق اللي يشتغل بالمنظمه كتله على السوشل سكيورتي قال لاشيل هم راح يجيك وان طبعا صدقته ورة شهر من الانتظار رحت كلت خلي اتاكد راح يقدملي لولا لقيت ماكو اي معلومات اليه بالسستم مال السكيورتي اوفيس لذا قدمت عليه مباشره وقالوا لي راح تستلمه بعد اسبوعين انشاء الله لذا هذا الولد حيرني صراحه لذا اريد الاجابه منكم ياخوتي الاعزاء هل الفرم i-94 ضروري ام غير ضروري بالنسبه اليه وشكرا ارجو منالاخوه والاخوات ان يعطوني الجواب الشافي بخصوص هذا الموضوع علما اني اسكن ولايه فلوريدا مدينه اورلاندو عند صديق لي كنت اعمل معه في العراق
-
اخونا العزيز هذا الفورم اللي ينطوه للمسافرين بالطيارة ما تحتاج انت تمليه لان انت مهاجر ولك صفة المقيم الدائم واكوللك اللي صار ويانة احنا من وزعوه بالطيارة قرينا عليه انه المقيم الدائم او المهاجر ما يمليه فسألنا المضيفة جان تكول لا لازم تملوه ومن وصلنا للمطار بنيويورك وللضابط اللي استلم منا المعاملات والظرف الاصفر ومن انطينا الفورم اللي تكول عليه كال هذا شتسوون بيه ذبوه كناله المضيفة كالت املوه كال ماكو هيج حجي المقيم الدائم لايحتاج الى ملئ هذا الفورم ومن صلنا قدمنا عالمساعدات وعادي ماكو اي اشكال والكرين كارد استلمناه قبل اسبوعين تقريبا
تحياتي
-
كلام الاخت سرى مظبوط . انصحك اخي ان لاتاخذ اي معلومة يقولها لك اي شخص ( خصوصا اذا كان عراقي ) كحقيقة مسلم بها ابحث في هذا المنتدى وستجد الجواب لاي مسالة تصادفك
الصحة والتوفيق ان شاء الله
-
بالرغم من كونك مهاجر الا انك ستحتاج الى هذه الفورم في (بعض الدوائر) مع التوفيق.
-
بالرغم من كونك مهاجر الا انك ستحتاج الى هذه الفورم في (بعض الدوائر) مع التوفيق.
[/quot
اخي بلايا زحمه عليك بلكي تكولنا على الدوائر شنو قصدك بيهه
-
شوف حبيب انت الي 94 مالك موجود ويا الباكج الي جبته من بغداد والمره الوحيده الي تحجتاجه بامريكا عند دخولك الاراضي الامريكيه
اي واحد يكلك انت تحتاجه بغير شي ميعرف شنو السالفه
مع احترامي لراي اخونا SIV 2007
لان المهاجر غير اللاجي وانت عندك الكرين كارد يغنيك عن كل الوثائق الاخرى التابعه للاقامه مثل الوايت كارد والاي 94 او هويه العمل الخ... منم الاهويات
نعم لا يغني الكرين كارد عن اجازه السياقه الامريكيه
تحياتي
-
اخونا اس اي في 2007 ممكن تكولنا بلا زحمة عليك شنو الدوائر اللي نحتاج بيها الفورم i-94؟ لأن ترة احنا اصلا بالمطار كالونا ما تحتاجوه وبعدين مثل ما ذكرت بالطيارة اني قريت عليه انه المهاجرين ما يملوه ( وطبعا المواطنين همين) تحياتي