ankawa
منتدى الهجرة واللجوء => الهجرة و واللاجئين => الموضوع حرر بواسطة: طالب هندسه في 00:04 11/04/2010
-
تحيه لكل اعضاء هذا المنتدى الرائع الاصيل
اخواني اني تشملني الفقره السادسه عال iom وقدمتلي اختي الحاصله على الجنسيه الامريكيه المعامله من امريكا قبل سنه وقبل كم يوم خابروني وحددولي موعد مقابله الي اريد اساله هو ,,,,
1- كنت باليمن قبل السقوط ورجعت بال 2004 وبفترة بقائي باليمن قدمت عالامم المتحده كم مره ورفضوني ولاكن بعد السقوط انطوني ورقه حمايه من الامم المتحده باليمن شتنصحوني اقدم هاي الورقه بالمقابله لو تاثر سلبيا على شغلتي وتجرني لشغلات ثانيه اني بغنى عنها ؟؟؟
2- بعد رجوعي سافرت لايران اربع مرات للعلاج يعني جوازي بي اربع فيز ايرانيه وهسه اني ماعندي غيره وقرب موعد السفر شتكولون اقدم الجواز مثل مهوه لو احاول اغير الجواز واظم عليهم قضيه سفري لايران لان سمعت فيزه ايران تضر حتى المتجنسين ... يعني فيز ايران تاثر سلبيا على شغلتي
3- يحتاجون ادله على قضيه القصه لو يكتفون بالكلام
وجزاكم الله الف خير وانشاله الله ميضع تعبكم ووكفاتكم الحلوه ويانه ...
-
اخوية العزيز اجاوبك على الي اعرفة.
موضوع ايران اذا عندك تقارير تثبت كل زيارة لغرض العلاج قدمها واذا لا الافضل انو تغير جوازك.
اكيد اذا عندك ادلة حتقوي موقفك.
-
أخوية الله يكون بعونك الششغلة بالعقل مو سهلة حسب الظروف الي دتشوفها
بس عن ناس حجولي والعلم عند الله حجيهم صح لو لأ انه فيزت أيران أثرت عليهم هوايه ووكفتلهم معاملة أبوهم بس العلم عند الله صادكين لا بس أنت همين اسأل وان شاء الله احد يجاوبك على شغلتك بشي أكيد
سلامي
-
مرحبا اخي
الي اعرفه و سمعته الي مسافر ع ايران او سوريا او يمين شغلته راح يطول.
بس انت لا تعتمد ع حجي روح و فسر سبب ذهابك لليمن و ليش و شلون رجعت و ليش قدمت ع يو اين اهناك لان بالمقابلة الثانية المحلف راح يسال اذا مقدم ع هجرة في العراق او خارج العراق.
انت مو مطلوب منك تكوللهم كل شي اذا هم سالوا جاوب اذا ما سالوك لا تحجي
انا مو مع كذب لان اذا ال اي او ام وحده يشتغل على هذا الموضوع فهذا يمكن بيه فد مجال للكذب بس لا تنسى انت راح تهاجر امريكا و شوف شون هم بس يعرفون اسمك الثلاثي و اسم العائلة و البيانات خاصة عنك راح يجيكون بكل معابر الحدودية و الدولية .
وبعدين اطمان موعد السفر مو قريب انت بعدك ما مقابل المقابلة الاولى
يمكن الكيس مالتك تاخذ وقت طويل بس في النهاية اذا تكون صادق مع نفسك و معاهم راح يجيك الفرج
ومع هذا حاول تستفسر ع موضوع اكثر و اكثر
-
حبيبي نصيحة اخويه لا تقدم تقارير ولا جوازك اللي بيه فيز ايرانية لان بس يشوفهن راح ياجلونك فترة طويلة انا بالنسبة الي ما طالع خارج العراق قبل فترة طلعت جواز A ب 3 ورقات فاذا انت تكدر طلع الك واحد وريح بالك لان اذا ما سويت واحد راح ينفتح عليك باب ما تكدر اتسده... جاك العرب
-
اخي العزيز انصحك انه تغير جوازك وتطلع جديد لان اذا ذكرت رايح لايران راح تتعرقل شغلتك واحجيلك عن تجربه مو عن سمع واخو زوجتي تاخر سنتين ونصف وره مقابلة المحلفين بسبب انه راح لايران وهسه ياله اجه لامريكا قبل اسبوع وانته تكدر بالمقابله الاولى تكلهم ماعندي جواز لغاية ماطلع جديد والله يوفقك لما فيه خير الامور
-
نصيحتي اتطلع جواز جديد ولتذكر شي همه مسائليك عليه والله كريم
-
اخي هي الصراحة مطلوبة بهيجي امور بس اللي اعرفة انة ايران ليبيا سورية ذولة خط احمر بالنسبة لامريكا
اني راي ليش تدخل نفسك بمتاهات بما انة انت ما باقي اكثر من 6 اشهر بسفرك الى ايران لا تكول ولا تحجي غير جوازك افضل واني اكولكياها عن تجربة قريبي كان في ليبيا وتاخرت الفيزا مالتة علمود هاي الشغلة
سوي جواز حديد واللة يسهلك تحياتي
-
بس تعديل بسيط على اللي ذكروه الأخوه،
اني داخل سوريا خمس مرات هاي عدا مرات الترانزيت وصح كانت رحلاتي لأسباب أمنيه بس ما عندي أي شي يثبت ذلك. طبعا ذكرت كلشي للIOM وهم سمعت حجي أنو أي واحد داخل سوريا راح ينرفض، بس أتضح أنو هذا الحجي غير صحيح بدليل أنو حصلت على موافقه كامله وموافقتي الأمنيه طلعت خلال شهرين وحاليا اني على جداول السفر.
اني ما أنصح أي واحد أنو يكذب بشغلته، والموضوع تره يتعده الأختام اللي بالجواز، من ضمن التجييكات الأمنيه راح يتم جمع معلومات من وزارة الداخليه ومن الحدود العراقيه وحتى من الدول اللي انت رايحلها، فأذا كذبت فميه بالميه راح تنكشف وراح تنرفض قضيتك وصارت بهوايه حالات حتى أكو حاله هم تقريبا مثل شغلتك بس هذاك داخل سوريا ومحجى، بعدين أجا رفض من أتقص وسأل أتضح سبب الرفض لأنو أكتشفوا أنو هوه داخل سوريا وبعد محاولات وروح وتعال مدري شكم شهر يالله قنعهم يعيدوله المحلفين لسبب أنو كللهم أنو هو كان خايف يكللهم على شغلة سوريا لينرفض، المهم قابل محلفين وهسه دينتظر الموافقة الأمنيه صارله بالسنه وبعدها مطلعت ليش لأن حينبشون تاريخه من البدايه الى أن يتأكدون ميه بالميه أنو هو ماعنده شي.
اني من رحت قابلت جان عندي جواز جديد مابي أختام هوايه، يعني معظم سفرياتي جانت بالجواز اللي قبله، بالمقابله مجان عندي الجواز القديم بس كتلهم أنو اني نسافر لكذا دوله كذا مره، ليش للأسباب التاليه، كالوا هاي هيه، يابه يحتاج أجيبلكم الجواز القديم؟ كالوا لا ميحتاج.
فنصيحتي ألك أنو تواجههم بالحقيقة وتشرحلهم ظروفك، ولو عندك تقارير تثبت شغلة العلاجات هاي رح تكون جدا مفيده ألك.
وأتمنالك التوفيق
تحياتي