ankawa
منتدى الهجرة واللجوء => الهجرة و واللاجئين => الموضوع حرر بواسطة: انديانا في 12:56 11/04/2010
-
السلام عليكم...........اني اعرف من راح اكتب هذا الموضوع راح يصير عليه يمكن هجوم بالاسلحه الثقيله والخفيفه وستعد لتحمل كافة النتائج اني متعجب من كلام الاخوان ابو طيبه وتوفي مع احترامي الشديد المفروض منهم يوضحوون للناس الي دوخوها وياهم شنو الي اجاهم بالضبط هل اجاهم رد المحلف تاجيل واشاره على المربع الثاني لو غير شي اجاهم واذا اجتهم الموافقه الامنيه شنو الصيغه او نص من الايميل حتى يريحون الناس المحتاره هسه مو اكو اخوه من بشروا برد المحلف حتى نسخ من القرار مالتهم خلو بالموضوع وشالو الاسم ورقم القضيه ليش ماسوا هيج الاخوان توفي وابو طيبه وضحوا لاخوتهم الي اجاهم بالضبط حتى الاخوه البقيه يفتهمون وميدوخوون اشو فجروا القنبله وانسحبوا لارد ولاجفيه ولاحامض حلو ولاشربت اني اخوان قابلت المحلف يوم 8-2-2010 وكان الرد بعد 58 يوم وكان على المربع الاول يعني من الؤجليين واترك لكم الحكم وممنون
-
مرحبا
عيني حقك لان كلنة تعبانين نفسيا ونريد بس احد يفهمنة حجاية بس هم اعذرهم احتمال يكونون مشغولين ومديفتحون نت حتى يردون علينة
والله اني هم سألت وكل شوية اجيك بلكي ردوا علية بس ماكو ميخالف الغايب عذرة وياه
شنسوي كلنة ترة تعبنة من التفكير والانتظار
بس ندعي الله يسهل عالجميع يارب
تحياتي
-
اخواني الاعزاء...
السلام عليكم
طبعا اني كتبت للاخوان ابو طيبة و توفي بأكثر من موضوع حول الاستفسار عن الموافقة التي من المفروض ان تكون قد حصلوا عليها ولكن لا جواب منهم وهذا الكلام صارلة ايام.
باعتقادي انه مامعقولة انه الاخوان الاعزاء خلال كل هذه الفترة ما دخلو لو اطلعوا على المواضيع لأنه ميصير بس مجرد ايبلغونة انه الامنية اجتي و يتركون الموضوع لأن الجميع الامنية مالتهم مؤجلة.
اعتقد انه من المفروض ان يكونوا على قدر من المسؤولية بجيث من ينطون معلومة ايوثقوها بدليل واعتذر منهم على هذا الرد و لكن يجب ان يراعوا مشاعر الاخوان بالمنتدى.
وشكرا
اخوكم
هيكسو
-
الغائب عذره وياه انشاءلله يكتبون الكم عن النتيجة وانشاءلله الكل القبول والسفر والاستقرار وراحت البال ربي يوفقكم جميعا
-
اهلا اخواني
الاخ توفي دخل بموضوعي
وكتب انه اللي مستلمه تاشير على المربع الاول
اتصور هم عبالهم هاي امنية
اتوقع اللي جايهم مثلنا
لكن هم مفتهمينه خطا
تحياتي
-
انشاء الله تجيهم القبول والسفر ولكن كان من المفروض ان يقوم بالتعليق على موضوعه الذي أنشأه في المنتدى.
اخوكم
هيكسو
-
اخواني الاعزاء السلام عليكم اني اوجه نداء الى الاخوه ابو طيبه وتوفي انو يردون على الاخوان الباقين الي قابلوا محلفين بشهر الثاني 2010 ويريحون العالم