ankawa
منتدى الهجرة واللجوء => الهجرة و واللاجئين => الموضوع حرر بواسطة: مشلوع كلبي في 19:43 11/04/2010
-
اني ام عراقيه لاجئه كنت بسوريا وطلعت لامريكا صارلي 5 شهور عندي 3 اولاد الكبير عمره 22 سنه فصلو الملف مالته من دنقابل ومن طلعلنه السفر بالقبول رفضو ابني الكبير قدمتله استئناف قبل لا اسافر وسافرت اني صارله من 22 بشهر السابع ينتظر وماكو خبر اكثر من مره راح للمنظمه يسأل يكولوله ماكو اي خبر جديد وروح بعد لتجي احنا نخابرك اذا صار شي ... اذا اي احد يعرف عن هلشي ياريت يجاوبني مو انشلع كلبي على ابني...
-
الله يكون بعونج اختنا اني اعرف عائله انرفضت مرتين وستئنفوا
المره الثانيه وجتي موافقتهم وسافر.
الي اعرف مرات شغلت الاستئناف اطول وعندي صديقي اتأخر
حوالي 10اشهر يلا طلعت نتيجة الاستأناف وانشاء الله متتأخر
ولصبر جميل .
انشاء الله اصحاب الخبره ميقصرون وياج ويجاوبوج على هذا السوال.
ارجو من اهل الخبر والاخت انجي ولي عنده معلومات بهذا الموضوع
مساعدت الاخت ومن الله التوفيق.
اخوج:ابو حنين
-
اختي العزيزة اذا اكو محامي الهجرة بنفس ولايتك روحي للمحامي واطلبي ان يسوي مناشدة ويرسلها لليو ان حتى تحرك الملف والمحامي هو راح يعرف شنو السبب للتاخير والمناشدة عن طريق محامي الهجرة تكون احسن ما انتوا ترسلوها عن طريق ايميلكم لان هو محامي الهجرة ويستجابون لكل ايميل يرسل لهم وانشاءلله يتصلون بيه عن قريب بس لا تنسين تروحين لمحامي الهجرة ربي يوفقكم
-
اني رحت اهنا للمنظمه وسألتم يكولون احنا نحط محامي بس للناس الي ماعدها ملف يعني احنا نفتحلهم ملف جديد بس انتي ابنج هو عنده ملف وداينتظر استئناف فخل ينتظر لان مابيدنا شي نسوي .... ليش انت عندك عندك احد مستخدم محامي من قبل ياريت تشرحلي اكثر
-
اختي العزيزة
ما اقول غير الله يصبرك. بس هم قولي الحمد لله انه الى هسة ما جاء رفض لانه عندي اخي قدم قبلي و قابل قبلي و انا سافرت لكن هو بعد سفري جاءه رفض و استأنف. جاوبوه بعد 20 يوم و كانت النتيجة رفض و قدم مرة ثانية من شهر ايلول و الى هسة كل نتيجة ماكو فنقول الحمد لله على كل شيء و ما الج غير الصبر و الانتظار. اكو حل بس ما اعرف هل يوجد من يقدر يساعدج عليه وهو ارسال رسالة الى احد سيناتورات الولاية تشرحين فيها معاناتك كأم تعاني من فراق ولدها عسى ولعل ان يسعى هذا السيناتور في دفع قضية اعتراض ابنك لانه هي اكيد واكفة عند الجماعة مال department of homeland security اتمنى انه قدمت شيء فيه فائدة لك مع امنياتي لك بسماع اخبار تفرحك عن قريب.
اخوك ماجد
-
السلام عليكم
اخواني اهل الخبره ولي مار عليهم هيجي شي يساعد اختنا
لان هذا مثل متعرفون كلب أم وتعرفون كلب الأم شيحترك من
الداخل والله يكون بعونه.
ارجو من اهل الخبره وبلذات ولاية كنزاز مساعدة الاخت وحسب
متعرفون قوانين الولايات تختلف.
ومن الله التوفيق للجميع.
أخوكم:ابوحنين