مساء / صباح العسل على كل أهلنا الطيبين في المهجر :) << حلوة في المهجر
أكو موضوع قريته للأخ ابن بغداد..
http://www.ankawa.com/forum/index.php/topic,305322.0.html
أبدع بيه بصراحة ونشكره كلش هواية على طيبته وحبه للخير.. وتمنيت لو كل واحد يسوي مثله عن ولايته
اخواني.. احنا الفئة اللي منتظره تسافر فعلا بحاجة ماسة لأمثالكم يقدمولنا المعلومات المفيدة والمهمة عن أمريكا.. والله من أقرا شغلات عن تجارب الأعضاء هناك.. أتفائل و أدعي لكل واحد طيب ما يبخل بالمعلومات.. سبحان الله أعز وأقرب الناس من سافروا قاموا يتهربون من الجواب على اسئلتنا و ينطون صورة مغايرة عن الواقع.. ونكتشف بعدين انهم مرتاحين و متأقلمين.. نصفن والله ونقول حسافة.. يعني شنو راح نحسدهم لو شراح نسوي.. والله غريبة
المهم
قصدي هو انه كل واحد عايش هسة بولاية.. يدخل و يجاوبنا على ما يلي كما وردت في موضوع الأخ ابن بغداد
الولاية:
المدينة:
اسم المنظمة:
مدة المساعدات وقيمتها:
وضع البيت الذي تقدمه المنظمه وقيمة الإيجار:
مدة المعاملات.. يعني السوشل نمبر وهالمعاملات.. كم تاخذ وقت في ولايتك؟ أم هي نفس المدة في كل الولايات:
وضع المواصلات:
وضع الانترنت:
وضع دعم المنظمة للاجئ، هل تبقى تدعمه حتى يجد عمل أم توقف دعمها بعد مدة حتى وإن لم يجد عمل:
وضع الأثاث، الأسعار، وماهو الأثاث الذي توفره المنظمة:
أرجو من الكل التفاعل.. وتقديم المعلومات.. واللي عنده بنود غير اللي ذكرتها يضيفها مشكورا
:)
وشكرا لجهودكم