ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو راشد في 09:15 15/04/2010
-
السلام عليكم اخواني الاعزاء
في حال استخراج شهادة الكلية والاعدادية من بغداد فهل المطلوب تصديقها فقط ام ترجمتها ثم تصديقها لكي يتم الاستفادة منها في اميركا
ارجوا الافادة مع التقدير
ابو راشد
-
اذا تريد تحيبها بلا ترجمة ولا تصديق عادي لان هنا اكو ترجمة ومتحتاج تصديق
-
احجيلك عن تجربتنا اخوية العزيز احنا شهادات الاعدادية طلعناها اصلا مترجمة ومصدقة وكذلك بالنسبة لوثائق الكلية وافضل انه انت تسويها من انت هناك بعدك بالعراق وبالمناسبة همين احنا مثلا الوثائق مطلعيها قبل كم سنة من جينا دنصدقها كالوا الختم مال الجامعة متغير قبل فترة فلازم نعيد ختمها من الجامعة نرجع نصدقها مرة ثانية وهذا اللي وصينا جماعة ديسوولنياه والاعدادية طلعناها مترجمة وصدقناها
-
أخي العزيز كمل كل شغلاتك من العراق اذا انته هسه بالعراق وعندك وكت وذا تكدر اطلب السيليباس من الكليه مالتك والشهاده ام الدرجات وتحياتي
-
احجيلك عن تجربتنا اخوية العزيز احنا شهادات الاعدادية طلعناها اصلا مترجمة ومصدقة وكذلك بالنسبة لوثائق الكلية وافضل انه انت تسويها من انت هناك بعدك بالعراق وبالمناسبة همين احنا مثلا الوثائق مطلعيها قبل كم سنة من جينا دنصدقها كالوا الختم مال الجامعة متغير قبل فترة فلازم نعيد ختمها من الجامعة نرجع نصدقها مرة ثانية وهذا اللي وصينا جماعة ديسوولنياه والاعدادية طلعناها مترجمة وصدقناها
شكرا اختي سرى على الاجابة ولكن اريد اعرف وين ترجمتوها في بغداد ... يعني يم مكتب ترجمه ؟
-
اخي ابو راشد
تحياتي
اذا كنت في العراق الان وتريد الحصول على وثائق التخرج الجامعية والاعدادية فاليك الخطواتك
اولا الجامعية:
تراجع وحدة التسجيل في الكلية التي تخرجت منها وتقدم طلب للحصول على الوثائق وهناك عدة خيارات اذا كنت تريدها بالدرجات او من غير درجات بالعربي او بالانكليزي(انا شخصيا قدمت على 2 عربي و2 انكليزي ) اي متحتاج ترجمة هم سيتولون الامر. واخذوا مني رسوم 14000 دينار فقط. والمستمسكات هي نسخة من كل من الجنسية وشهادة الجنسية والتموينية ونسخة من جواز السفر لكي يتطابق اسمك بالوثائق كما هو مكتوب في الجواز واخذوا مني 7 صور وراجعنهم بعد شهر ووجدتها كاملة وذهبت بها الى الجامعة وصدقتها ولم اتاخر سوى نصف ساعة ومن ثم راجعت وزارة الخارجية لغرض تصديقها (دائرة التصديقات في نفس الوزارة في الصالحية)وكانت العملية سلسة وتاخرت ساعتين وبنظام جيد في تمشية المعاملات مع كثرة المراجعين من كل المحافظات.
ثانيا: الاعدادية
تراجع مديرية التربية العائدة لها مدرستك الاعدادية (مثلا مديرية التربية في الرصافة الاولى) وتقدم على طلب تزويد بوثيقة التخرج من السادس العلمي مثلا والطلب تحصل عليه من الاكشاك في باب المديرية(اهل العرايض) وتقوم المديرية بالتاييد وختم طلبك ومن ثم تذهب به الى المدرسة مع صور عدد 2 ليزودوك بالوثيقة. بعدها ترجع بالوثيقة الى مديرية التربية ليتم تصديقها من قبلهم ويتم تزويدك بكتاب مع الوثيقة الى مديرية تصديق الشهادات والترجمة في باب المعظم وتعطيهم المعاملة مع صور عدد 2 ونسخة من جواز السفر وتدفع مبلغ مقداره 15000 ويعطوك وصل لتراجعهم بعد عدة ايام . وبعد اكمالها من التربية تذهب بها الى الخارجية لتصديقها.
ارجو ان تكون العملية واضحة وهذة الخطوات قمت بها انا شخصيا والمفروض انني ساستلم وثيقة الاعدادية الاسبوع المقبل.
احب ان اضيف بان بعض الكليات هم يتبنون تصديق الوثائق من الجامعة ومن وزارة الخارجية وفي هذه الحالة سيقولون لك بان تراجعهم بعد 3 اشهر وياخذون منك مبلغ اكثر من 14000 دينار.
تحياتي
-
شكرا اخويه موزارت وعاشت ايدك يا ورده ... كلك ابداع واشكرك مرة ثانية لجوابك الوافي والتفصيلي
اخوك ابو راشد
-
مساء الخير
اخي ابو راشد بيك خير واتدلل
-
حاليا معهد ال ECE لمعادلة الشهادات ديطلب من العراقيين original official degree affidavit وهسة اكو بعض الاخوة دايخين بيهة شلون ايجيبوهة فرايي جيبهة وياك افضل لان ما دام هالمعهد كام يطلبهة هسة فمن الممكن بقية المعاهد تاخذ نفس الخطوة..الوثيقة عبارة عن كتاب تاييد من وحدة التسجيل بالكلية بصحة صدور شهادتك الجامعية ويكون مكتوب بيهة معدلك لاربع سنوات مع اسمك الكامل وسنة الدخول والتخرج مصدقة من الكلية وعمادة الجامعة والخارجية..
بغدادي