ankawa
منتدى الهجرة واللجوء => الهجرة و واللاجئين => الموضوع حرر بواسطة: المغترب_1011 في 11:54 15/04/2010
-
السلام عليكم اخواتي اخواني في المنتدى ارجو من اللي عنده معلومات عن المساعدات واسعار الاجارات في ولايه نبراسكا لا يبخل علينا مع الشكر
-
اخوية العزيز اولا انت اذكر يا منطقة في نبراسكا
لانه الولاية بيها كومة مناطق مثلا احنا في اوماها الي تبعد ساعة عن العاصمة لنكولن
اختك اوماها
-
[شكرا لك اختي العزيزه اريد اسال عن اوماهو شلون سعر الاجارات بيها وشنو المساعدات اللي يقدموها لان حولوني عليها انشاء الله خلال شهر اوصل مع الشكر
-
اخوية الاسعار تتباين بين المناطق
وتقريبا الاسعار للشقق بين 450 وتوصل لل850حسب المنطقة وعدد الغرف
وحسب ما اتذكر اكو برنامجين بس ناسية اسماءهم وانت لاتشيل هم هسة اوصل بالسلامة واطمئن اوماها كلش حلوة والناس الي بيها متعاونيين جدا
طبعا اكو مناطق اشوية صعبة اذا وياك عائلة وبالاخص الي اتكون قريبة من الداون تاون
مثلا
الشوارع من 20 صعودا الى 50 هاي اتكون زينة اكثر شي للعزاب
انت من توصل اول يوم اسأل الكيس ووركر انه انت اتحب اتسوي العقد 6 شهور مو سنة( من توصل للشقة مو بالمطار) ;D
المساعدات ايضا التأمين الصحي والفود ستامب اعتقد حسب ما اسمع من العراقيين الي اهنا ايكولون 5 الى 8 اشهر ومن تشتغل ايقللوها واذا اثنين بالبيت راح يشتغلون تنقطع المساعدات واني تأكدت من البنية المسوؤلة على برنامج المساعدات اذا كان راح يتعدى الدخل 2000 دولار بالشهر
اسم المنظمة في اوماها
Lutheran Family Services of Nebraska
-
اخي العزيز شكرا جزيلا علهذه المعلومات القيمه وياريت اعرف بس اكوا شغل لا وشنو نوع الشغل الموجود علما باني لست وحدي انما عائله
-
اخي العزيز
الشغل اكو بس اقل من قبل وكلها تعتمد اذا انت تعرف انكليزي يعني تكدر تفتهم وتكدر تحكي معاهم راح اتكون فرص الحصول على العمل اكبر
وصدك هيا كلها مسألة حظ
عوفها بيد الرب وهو الوحيد الي راح ايوفرلك كل شي لاتهتم اعتمد على الله وكلها اتهون
اختك اوماها