ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 16:13 16/04/2010
-
تحية طيبة والسلام عليكم
اخوكم افتار من قراء المنتدى الدائمين وعضو جديد وارجوا ان احضى بشرف صداقتكم
استفساري هوة ادا اني ممطي عنوان الانكور او الكفيل في اي من المقابلات وبعدين ورة المقابلة انطيت عنوان واحد من اصدقائي الامريكان واللي سكنة بدي سي فيرجينيا ورة هدا الحجي خابرت مصر كالو اني راح اروح لهيوستن تكساس??? فالظاهر انو ياما صديقي الامريكي الحباب ممجاوب علة رسالة الاي او ام لان ميعرفني واني بالنهاية عراقي حتة لو اكو هايلو على راسي او ما ادري اللي صار شنو رسالتي طارت مع العلم انو اجاني الاوتو ريبلاي مالتهم.....
سوالي هوة اريد احول من هيوستن تكساس الى سياتل واشنطن واللي بيهة اصدقائي العراقيين الراحو واللي لاموني شلون انطي عنوان امريكي وما انطي عنوانهم...(الاختلاف كبير بين الولايتين الايجار والجو وادا رحت يم اصدقائي اكو عمل متوفر اللي اول ما اوصل...) بس المدة اللي راح ياخدهة التبديل بين العناوين شكد?? وهل راح اياثر الموضوع علة الامنية لو لا??? طبعا هدا السوال اللي طرحتة علة الاي او ام وجاوبوني علة شق واحد من السوال وهو المتطلبات اللي يردوهة مثل العنوان والتلفون مال الانكور الجدبد
ممكن من اللي عندة فكرة عن الموظوع يساعدني وله مني جزيل الشكر
افتار
-
للرفع والمساعدة
-
اخي تكدر تغير اسم الكفيل عندك الوقت وما اعتقد تتاخر لان انت بعدك ماعندك موعد السفر وغيرت الكفيل حتى تتاخر الي يوصلون لموعد سفرهم ويغيرون الولاية او الكفيل هما يتاخر موعد سفرهم بس انت ماعندك موعد سفر حتى تتاخر معاملة تغير الولاية
-
اخي العزيز اني قبل ان يطلع موعد سفري استفسرت بوقتهة من الاي او ام في حال تغيير الكفيل والجواب بوقتهة كان ان موعد سفري راح يتاخر شهرين تقريبا بس اني كنت محصل الموافقة الامنية ومخلص..هواية اعضاء بالمنتدى صار وياهم نفس الشي وما اتاخروا اكثر من شهر..ومثل ما كالت الاخت انجي انته بعدك ما عندك موعد سفر فغير من هسة افضلك واريحلك..
بغدادي
-
شكرا جزيلا اخت سرى......اخت انجي شكرا على المساعدة كلج ذوق.....
الاخ البغدادي ممنون جدا....طبعا اني شوية جديد باستخدام المنتدى كعضو....ويمكن اسئلتي معادة وراح اتعبكم وياية بس والدي هسة اجا اعادة الفحص هل من الممكن انو يسرع هذا الشي من معاملتة .....ولو اللي اعرفة اني انو الفحص الطبي مال اللة اي دخل بسير الامنية....بعد ما اعرف...الله كريم .....
شكر جزيلا على ردكم وصديقي خلي يحضر نفسة لان الافتار الجزء الثاني راح يتصور يمة بسياتل وانشنطن...على افتراض انو الافتار العراقي راح يروح في يوم من الايام.....والغريق يتشبث بقشة...هههه
افتار
-
ماكو اي تعب ومسالة اعادة الفحص ما الهة اي علاقة بالامنية وكل اجراء ياخذ مجراه بس رايي من هسة انطيهم عنوان الكفيل بواشنطن والغي ذاك الكفيل والله الموفق..
-
شكرا جزيلا على ردك الاخ البغدادي ومثل ما اتفضلت راح اتوكل علة الله....بس كون الاهل ينطوني البليسنكس مالتهم ولو اني مبقيت شي ما حاولتة في سبيل اقناعهم مع العلم انو حتة اكو شغل والاصقاء اللي حتة والدي يعرفهم هناك....وخالي اللي بمزوري كال اذهبوا باتجاه العمل....فكل الطرق تؤدي الى واشنطن....ههههه الله كريم.
ممكن اعرف انت بيا ولاية اخوية البغدادي؟ اني مجرد اريد اتعرف علة اصدقاء جدد هنا بالمنتدى وانت مبين عليك من محبي مساعدة الغير وهاي الشغلة اللي اريد اطورهة اكثر واكثر بشخصيتي وان اكون مثلكم يا اعضاء واداريي هذا المنتدى الرائع.....ولاكن اذا شفت انو اني دا اتجاوز على البرايفسي مالتك....فاني متهم الوضع وم الومك نهائيا واني ممنون مرة اخرى وشاكر لمساعدتك.
افتار
-
اخي العزيز اني بالخدمة..داعيك كاعد بكالفورنيا بمدينة سان دييغو المقدسة ;D
وانشاءالله من تجي لواشنطن اتصير جيراني بيناتنا بس 2000 ميل ;D يعني فورت واحد من علاوي سان دييغو ..شتحتاج بالخدمة..
بغدادي
-
هههههه اذا عالفورت مو مشكلةهو احنة شمصبر الشعب الراقي غير الفرورتات يعني ببدال ميحير بالسياسة يكضيهة فورتات و كيات وتعرف من نجي هناك يرادلنة فترة نقاهة.....هههههه
اتشرفت بيك وان شاء الله نلتقي قريبا
افتار