ankawa
منتدى الهجرة واللجوء => الهجرة و واللاجئين => الموضوع حرر بواسطة: ankedo_2009 في 21:03 16/04/2010
-
مساء الخير حبايب...
رحمه لوالديكم منو منكم مقابل مقابله اولى شهر الثاني من بغداد؟
ماكو شي عن الفحص او مقابله محلفين ؟
-
اخويه المتميز العراقي...
اني قابلت يوم 15\2\2010:مقابله اولى
وبعد مرور الشهر الاول على المقابله راسلتهم وكالولي انتظر انت داخل بجدول المقابلات مال المحلفين
وبعد مرور الشهر الثاني هم راسلتهم وهم ردولي نفس الجواب
والى هسه دا انتظر
بس ممكن توضح اكثر شنو مال قسم انطوهم موعد سفر الله يخليك اخويه تره اني مثل الغركان ومجلب بقشه
رحمه لوالديك اذا تعرف شي كلي يعني اي معلومه تنقذني رحمه لوالديك
-
مرحبا اخي
اكيد ماكو سفر ولا اي شي انت بعدك بس مقابل المقابلة الاولى وين انت وين السفر ، عيوني اتصور الاخ المتميز متصور انك مقابل المحلف بشهر الثاني
اكو سوء تفاهم
انا بس حبيت اطمانك يا اخي العزيز
شكرا و تقبل مروري
-
اخويه Hanar
حسب اعتقادك وعلى البروسس اللي تتبعه الIOMببغداد بعد شكد واقابل محلفين او افحص
لان انته خوفتني مال وينك ووين السفر
شكرا لردك
-
اخوية انكيدو اشكرك عالموضوع
لان اني هم مثلك قابلت المقابلة الاولى يوم 18/2/2010 ولحد الان هم كلشي ماكو
دزيتلهم ايميل بعد مرور شهر وكالولي راح نتصل بيك حالما يترتبلك موعد للمقابلة الثانية وهاهية --- وقبل شكم يوم دزيتلهم ايميل ثاني بس لحد الان مااجاني الجواب واتوقع الجواب راح يكون كسابقه بس خل نشوف
حسب تقديري الشخصي اتوقع هالايام راح يتصلون بخصوص الفحص الطبي والله كريم
المشكلة انه ماكو موعد محدد لمقابلة المحلفين يعني ممكن تتجاوز ال 3 او 4 او 5 اشهر ---- اتمنى مانوصل هاي المرحلة ولكن ماكو شي بيدك غير الانتظار
خلينا على توصل علمود نعرف شصار مصار
تحياتي
المهندس
-
المهندس سيوفي
اخويه ان شاء الله رح نبقى على اتصال حتى واحد يساعد الثاني وان شاء الله المقابله والفحص واحد اقرب من الثاني
اخويه المتميز العراقي عادي ولا يهمك بس وكلتني هبطه مو طبيعيه كلت الجماعه سافروا وعافوني ههههههه
-
أهلا أخوية العزيز أنكيدو
اخوية بدون زحمة عليك بس لو توضح كم كانت الفترة بين استلامك ال اي زت نمبر وموعد مقابلتك الاولى
وشكرا الك اخوية العزيز
-
اشكرك اخوية المتميز العراقي
ما اتقصر اخوية العزيز ... بس حبيت اعرف بين كم وكم من الفترة الواحد يسأل عن المقابلة الاولى وممكن واحد يقابل بفترة اقل من الشهرين من استلام الiz
-
امنية
كل الاحتمالات متوقعة بالنسبة لموعد المقابلة ---- بس المشكلة مانكدر نكول اكو مقياس معين تعتمد عليه المنظمة ---- كل اسبوعين او تلاثة يفضل ارسال ايميل للاستفسار عن القضية
بالنسبة لحالتي اني ورة سنة وشهرين تقريبا من حصولي عالاي زي نمبر اجاني موعد المقابلة الاولى !!!!
الموضوع بيه نسبة جبيرة من الاعتماد عالحظ لان لو علينة الكل مسافر والمفروض الكل يقابل لان هذا حقنا الشرعي مثل منكول !!!
تحياتي