ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 22:18 18/04/2010
-
زين اني عندي سوال عاجل واريد واحد يجاوبني علي بسراعة دخيلكم
اجاني عرض عمل بغير شركة مال ادوية وما اللة علاقة بشركتي اللي قدمت على الاي او ام منهة بس قريب على بيتي يعني زوجتي وبتي راح يعزفون بتهوفن سوالي هوة هل هذا اياثر على سفري (يعني خوما يريدون شي من يريدون يعيدون بصمات-مقابلات-سوالف عتيكة) واذا رادو شي جديد الاي او ام ولو اني مخلص مقابلات وانتظر بس الامنية??? وهل اياثر الموظوع اذا كان العمل يريدوني اسافر الى لبنان اسبوعين علمود دورة تدريبية??? للعلم اني مقدم علة اي او ام بغداد? يعني هل ستاثر فيزة لبنان على مسار الامنية او عند سفري لامريقا?? (هاي ابن خالي هيج يسميهة)
(( والسوال الثاني هوة من سويت المقابلة سالوني اذا عندي وشم كللتلهم لا بس هسة طاخة بعقلي اريد اسوي واحد هل لازم اكلهم للاي او ام لو ميحتاج) احتمال هذا السوال سخيف بس كيرفل بتر ذان سوري
ادعولي انقبل بالشغل لان اريد اشوف عائلتي رحمة لوالديكم
افتار
-
أعتقد السفر ايأثر وانت شكو ددشتغل اذا بقالك بس التجيك الامني يمعود اكعد راح لا يصير شي على السالفة مالتك وبلنسبة للسؤال الثاني ههههههههههه والله ما ادري
-
تحيه عطره من سماء بغداد الغاليه
بالنسبه لسؤالك الاول الصراحه مفتهمته اني وما اعرف جوابه
بس للسؤال الثاني همه يسئلون انو عند الشخص وشم لو لاء وما اشوف بيه مشكله من الشخص عنده وشم اني اصلا مسالوني بالسفاره انو انته عندك وشم لو لاء
وعادي سوي وشم اذا تريد بس نصيحه
خليها هسه وبامريكا يمكثر الاوشام والشغل نضيف
تحياتي
سلفر
-
اخي العزيز الك الحرية اتسافر وين ما كان بس مو العراق واني اصلا كنت بسورية وطلعت للبنان والاردن وسلطنة عمان اثناء التجييك الامني والاي او ام ما الهة اي علاقة بالمسالة فقط مو زين تسافر حاليا للعراق..
شغلة الوشم هاي اسال بيهة جورج بوش..
بغدادي
-
حبيبي profferor_pr
اني دا انتظر الامنية من السادس ٢٠٠٩ لو كاعد من ذاك الوكت جان هسة اني بباب الكاظم دا اجدي هههههههه والمشكلة هم مندري شوكت تجي لو اصلا راح تجي لو لا شكرا علة مرورك اخوية الكريم
حبيبي silver_d
صحيح والله علة كولتك هسة تكول حبكت اللة هسة الوشم بس الموظوع انو عدنة ولد هنا الله يستر علي بطل مال تاتونك بحيث يسوي تاتو لروحة يعني يشتغل بايد ويوسوي التاتو عالايد اللخ والرسم خمفشاري المهم اللي افتهمتة انو لازم فد اقل شي ١٠ ايام معناة وية الوشم من ناحية المرطبات اللي تحطهة علي ولازم ميغطي شي بهل الفترة علمود لينعدم الرسم وبما انو اريد اسوي المقابلة مال الشغل قريبا وهي شغلة باختصاصي ما اريد يضن اللي راح يقابلني انو اني واحد من المدكدكون في الارض بدل من دكتور ثكيل من المنطلق العراقي البحت فعليه تم ارجاء التاتو الى اجل غير مسمى (اويلي بس لا مثل الاي او ام من ياجلون شي)
حبيبي واخي العزيز بغدادي
شكرا علة ردك همزين طمنتني واني اصلا بالعراق ومقدم على الاي او ام بغداد وبما انو السفر الى لبنان مياثر فعلى بركة الله اني ارسلت السي في مالتي البارحة وراح يجيني الخبر بعد كم يوم ان شاء الله ادعولي
قوية كلش مال جورج بوش اولا اني ممعلن ولائي لبوش ولا لاوباما ولائنا لله والوطن (هذا الشعار الرائج بالعراق)