منتدى الهجرة واللجوء => الهجرة و واللاجئين => الموضوع حرر بواسطة: azal في 20:30 20/04/2010
العنوان: ممكن العمل كمترجمين داخل او خارج امريكا
أرسل بواسطة: azal في 20:30 20/04/2010
مساء الخير احب اسلم على كل شبابب وبنات المنتدى الي ميقصورن ويانا حبيت اسألكم ممكن العمل كمترجمين مدنيين (في منظمات او دوائر مدنيه) او عسكرين (مع الجيش الامريكي) داخل او خارج امريكا بعد الهجره اليها اذا عن طريق ال iom او siv
شكرا اختكم أزل
العنوان: رد: ممكن العمل كمترجمين داخل او خارج امريكا
أرسل بواسطة: ســـرى في 20:45 20/04/2010
اختنا العزيزة ازل حسب ما عرفنا من اخونا ابو عبد الله انه ممكن بس هم تعتمد على فرص العمل الموجودة هناك من توصلون وبالنسبة للمترجم العسكري اي اكو برنامج طرح عنه سؤال احد الاخوان قبل كم يوم واتصور هو برنامج بيه فترة ينفتح خلال السنة ويطلبون مرات بيه مترجمين عرب بس حسب الحاجة
العنوان: رد: ممكن العمل كمترجمين داخل او خارج امريكا
أرسل بواسطة: IraqiFreedom في 20:48 20/04/2010
أختي أكو هوايه مجالات مفتوحه بهذا الخصوص، أكو فرص للعمل مع الجهات المدنيه وحتى الحكوميه وبعض الجهات الفدراليه في الولايات المتحده وخارجها...يعني مثلا شوفي هذا الرابط
http://www.dliflc.edu/employment.html
هذا واحد من معاهد تعليم اللغه اللي ممكن تحصلين وظيفه بيه داخل أميركا ومثل مذكرت اكو عدة مجالات ممكن الواحد ينخرط بيها بس تحتاج شوية بحث.
تحياتي
العنوان: رد: ممكن العمل كمترجمين داخل او خارج امريكا
أرسل بواسطة: ســـرى في 21:06 20/04/2010
بس اختي هم اكو وظائف تحتاج كرين كارد واكو يريدون بس مواطنين امريكان فالواحد من يوصل ممكن يسأل والله يسهللكم
العنوان: رد: ممكن العمل كمترجمين داخل او خارج امريكا
أرسل بواسطة: azal في 21:43 20/04/2010
العنوان: رد: ممكن العمل كمترجمين داخل او خارج امريكا
أرسل بواسطة: IraqiFreedom في 21:48 20/04/2010
كلام الأخت سرى صحيح بس بنفس الوقت أكو فرص متوفره واذا تحبين تتطلعين على جزء من اخر تقرير بخصوص حقوق اللاجئين والخاص بفرص التوظيف الفدراليه:
Iraqi refugees and SIV holders, including those who acted as interpreters and linguists for civilian agencies and military commands in Iraq, have limited opportunities for federal employment. Most federal positions in the United States require U.S. citizenship and background investigations; certain positions, including most positions related to Arabic or Iraq, also require security clearances, which noncitizens cannot obtain. However, GAO did identify positions at DOD’s Defense Language Institute and State’s Foreign Service Institute open to qualified noncitizens. Finally, State and DOD have not established the temporary program intended to offer employment to Iraqi SIV holders under authority granted the agencies in fiscal year 2009 legislation. Although both agencies have positions requiring Arabic language skills, neither identified any unfilled needs that could be met by employing Iraqi SIV holders through this joint program
العنوان: رد: ممكن العمل كمترجمين داخل او خارج امريكا
أرسل بواسطة: silver_d في 22:29 20/04/2010
بالنسبه للعمل خارج العراق كمترجم اذا كان الشخص حامل الكرين كارت غير مرغوب فيه من قبل الشركات المريكيه الي تسند الجيش وتجهزهم بمترجمين من الفئه الاولى Cat 1 لان هالفئه ماعدهم سكيورتي كليرنس الي صادر من الجهات الامنيه الامريكيه واما بالنسبه للي عنده جنسيه فهسه بيها شرووط والشروط صارمه يعني بالكوه يتعين ويبقه عالوتنك لست بس الشرط لازم يكون عدهم سكيورتي كليرنس والله والله سنه 2008 اجويلنه 4 مترجمين لا كرين كارت ولا جنسيه بس عدهم وايت كارت والسنويه مالتهم 100 الف دولار وصفر اللغه مالتهم وهسه بالستزن محد يكلبهم لان الشغل مات بالعراق فجوابي من ناحيه العراق مستحيل اكو شغل لحاملي الكرين كارت كمترجم تحياتي اخوكم سلفر
العنوان: رد: ممكن العمل كمترجمين داخل او خارج امريكا
أرسل بواسطة: مينا في 23:52 20/04/2010
والله اكون شاكرة اذا الواحد يساعدنا فعلا ونلاكي شغل هوة وينا انت معليك باللي ايكولوه انت عليك بالواقع والانترنيت معظم الوظايف بيه ترة مو صحيحة وره ما تنطيهم المعلومات وتملي ابليكيشن تكسر الظهر ايكولك عود اتصل بيك ودرب الصد والله ما رد
العنوان: رد: ممكن العمل كمترجمين داخل او خارج امريكا
أرسل بواسطة: مينا في 23:55 20/04/2010
اختي العزيزة بالنسبة للدوائر احنا كرين كارت ما يصير نتعين بالدوائر الامريكية التابعه للحكومه وبالنسبة للمنظمات يريدون ستزن وسكيورتي كليرنس والله العظيم صار لي شهرين ما خليت موقع يعتب علية وكل شي ما حصلت هاي املي ابليكيشنات وارجع ليورة وال جي ال اس يريدون ستزن وكليرنس متكوليلي وين نروح احنا ؟؟؟؟؟؟
العنوان: رد: ممكن العمل كمترجمين داخل او خارج امريكا
أرسل بواسطة: مينا في 23:58 20/04/2010
واصلا ال جي ال اس اتصلت بيهم وبس كلتلهم كرين كارت عندي الموظفه متعرف شلون تطبج التليفون بوجهي عبالك انتلت ههههههههههههههههه
العنوان: رد: ممكن العمل كمترجمين داخل او خارج امريكا
أرسل بواسطة: IraqiFreedom في 00:14 21/04/2010
اني حسب ما سامع التوظيف موجود ويجوز قليل بهاي الفتره لأسباب تتعلق بأنسحاب قوات التحالف من العراق بس لا تزال هناك فرص عمل ليس فقط لصالخ الGLS بل لعدة جهات أنسانيه وحكوميه وحتى فدراليه من ضمنها الشركات الأمنيه والمتعاقده مع القواة المسلحه MNF-I داخل الولايات المتحده وخارجها.
تحياتي
العنوان: رد: ممكن العمل كمترجمين داخل او خارج امريكا
أرسل بواسطة: مينا في 16:37 21/04/2010
والله يا اخوية العزيز اني البارحه بهذا الطاري وية المنظمه كلتلهم شكو اتورطون العالم واتجيبوها اهنا اذا شغل ماكو تكولي شنسوي الاقتصاد عندنا بالنازل وماكو شغل ووصل عدد العاطلين من الامريكان نفسهم 3 ملايين عاطل وبالنسبة الكم شوية الوضع صعب لان مو كل شغلة يسمح الكم تشتغلوها واكو اهنا متطوعين يساعدون اللاجئين شغلهم يلكون عمل لللاجئين سواء عراقيين او اجانب وليهسه ما اتعين ولا واحد صارلهم ب الشهرين مو هذا الواقع والله ليش احنا ما نكيف نتعين ونشوف دربنا ليش احنا على شنو اجينا اهنا وهسه نفكر نرجع غير من الا جاره يا خوية
العنوان: رد: ممكن العمل كمترجمين داخل او خارج امريكا
أرسل بواسطة: azal في 19:36 21/04/2010
والله ياخت مينا جنك بقلبي يعني وين منروح نواجه صعوبات سواء بالعراق وخارجه يعني اني مهندسه مواد صارلي متخرجه سبع سنين يعني من سنة 2003 ولحد الان ممتعينه وماخليت ماكن بالعراق يعتب عليه وين مااروح يكلولي ماكو تعينات والناس تتعين بالمئات اذا عدهم واسطه واني وكل الي ممتعينين النا الله ونكول الله كريم وياها ويها بس كون الفرج يجي والامل موجود ان شاء الله كلنا نهاجر لامريكا عن طريق المنظمات بلكي هناك الفرج وهو اني داسأل وداابحث بها المنتدى الراقي و نتناقش ويه الناس الطيبه الي يجاوبونا وناخذ فكره عن الحياة بامريكا
العنوان: رد: ممكن العمل كمترجمين داخل او خارج امريكا
أرسل بواسطة: IraqiFreedom في 19:41 21/04/2010
أخت مينا هسه انتي أسألي مخسرانه شي، أنتي بعد أجيتي أجيتي، يجوز يصيرلج بيهن خير عندج: http://www.dliflc.edu/employment.html و: http://www.state.gov/m/fsi/tc/index.htm
وأزل هم نفس الشي، لتكلبوها تراجيديا يمعودين تره اللي يريد يحصل بس يرادلها شوية تعب وصبر لا أكثر ولا أقل :D
جربوا وشوفوا مخسرانين خساره :)
العنوان: رد: ممكن العمل كمترجمين داخل او خارج امريكا
أرسل بواسطة: ابو عبد الله التكساسي في 13:59 22/04/2010
عيوني السلام عليكم شغل مترجمين موجود ولكن مو ويا الجي ال اس لان مو هيه الشركه الوحيده الي تلريد مترجمين ان شاء الله الي يريد شغل بامريكا كمترجم يحصل و زياده ولكن البحث يكون بالمكان الصحيح مو ويال الجي ال اس لو هي الشغل لو بالالاف لو ميراد ؟ يعني شنو الواحد اذا اشتغل ب 20 الف بالسنه مو زينه مثلا لو الا ويا جماعه ا 150 الف
العنوان: رد: ممكن العمل كمترجمين داخل او خارج امريكا
أرسل بواسطة: Hanar في 17:01 22/04/2010
مرحبا جماعة
سؤالي يمكن جرىء شوية لهذا ارجو ماحد يزعل.. مهاجرين الى امريكا خصوصا الي عن طريق اس اي في ليش تركوا البلد علمود ماكو شغل لو حياته مهدد؟
اخت مينا اذا يجوز بيعلي كرين كارت مالتج و تعالى عيشي بالعراق انا انطيكي بيتي وهاي هيه راح ترتاحين من الايجار هههههههه اتشاقة وياكي حبيبتي :) انشالله تلاكين شغل و ترتاحين
بعد اعلان سحب قوات الامريكية تقريبا تعين مترجمين متوقف جزئيا في العراق ... انا اليه صديقة مسجلة مع جي ال اس من 4/2009 بعد 8 اشهر خابروها وانا تقريبا من 4 اشهر مسجلة عدهم لا تلفون و لا شي لحد هسه..على كل انا قصدي مسالة شغل قلت مو مثل الاول خصوصا للمترجمين وراح يصير تقليص ٪70 بعد سحب جيش الامريكي
بس انا متاكدة وضع لاجىء العراقي احسن 100 مرة بامريكا مقارنتا بدول العربية خصوصا في سوريا وتقارير منظمات حقوق الانسان خير دليل على ذلك الوضع هي هيه بالنسبة للشعب الامريكي هم شغل ماكو يعني الشغلة مو مقصودة ...انا اخوية بالمانيا ياخذ 350 يورو بوكيت مني هو و زوجته وبنته انا متاكدة وضع لاجىء العراقي في امريكا احسن من دول اوروبية و عربية .
شغلة ثانية احب اكولها مو شرط واحد يشتغل في مجال تخصصه لا تحصروا نفسكم في هذا القالب ... تتذكرون وكت الحصار مئات دكاترة و مهندسين و مدرسين جانوا يشتغلون سواق تكسي و حراس و سواق في منظمات يو ان ...الشغل مو عيب اذا ماكو شغل بهاي الولاية روحوا لولاية ثانية..
هسه تشوفون اعلانات عن شواغر بالمنظمات و الشركات الاجنبية في العراق والله ماحد يتعين الى بالواسطة فليكذبني احد !!
تقبلوا مروري
العنوان: رد: ممكن العمل كمترجمين داخل او خارج امريكا
أرسل بواسطة: مينا في 18:32 22/04/2010
والله احسدك على روحك المعنوية العالية الله اني كنت مثلك متفائلة والله ويمكن اكثر بعد كان حلمي اجي اهنا بس انصدمت بالواقع . رحم الله والديك واتمنى ايصير عندي امل مثلك