ankawa
منتدى الهجرة واللجوء => الهجرة و واللاجئين => الموضوع حرر بواسطة: متوكل على الله في 22:33 20/04/2010
-
اخواتي واخواني اعضاء المنتدى الكرام
السلام عليكم ورحمة الله
حبيت اكتب عن مقابلتي للمحلفين ليوم 20 نيسان 2010 من باب رد الجميل باقل ما يمكن لاعضاء هذا المنتدى الرائعين ومساعدتهم بقلوب مفتوحة للجميع جزاهم الله خير الجزاء
ذهبنا الساعه 7 ونص صباحا حسب التبليغ...اصبح مجموع المتواجدين للمقابلة ما يقارب 10 عوائل
جمعونا كلنا في الحديقة واخذنا حمام شمس من اللي يعجبكم...المهم....
كان عدد المحلفين هو خمسة...كل محلف مستلم كيس محدد....
دخلت انا وعائلتي حوالى الساعه 9 ونص...مقابلة اولية..اسمائكم ووثائق اثبات الشخصية للجميع وتوقيع على اوراق بان المعلومات ستكون سرية ما عدا على ال UNHCR او الجهات الامريكية ذات الصلة
واسئلة عامة...هل سبق وان بصمتم في مكان ما؟...ولماذا؟..هل سبق وان دخلتم امريكا بطريقة قانونية او غير قانونية؟؟...والتفاصيل...هل تكبسلون هل تحششون؟؟؟ الخ...هل تبنيتم طفل امريكي؟...منو منكم كان موظف؟...ومنو كان عسكري؟؟؟....ومنو كان بعثي؟؟؟.....مجرد مطابقة المعلومات والوثائق مع ما ذكرنا في المقابلتين الاولى والثانية.....
عددنا كان ستة افراد...مشكل من شياب وشباب ونص ونص....
اخرجو الجميع وابقوني لكوني صاحب الكيس....
المحلفة اللي قابلتنا ...رقيقة ومؤدبة جدا..وصوتها بالكاد يسمع...ولا تنظر الينا ابدا...وكان اكو محلفة ثانية عكرة شوية..ومحلف نص ونص...ومحلفة ثالثة سمراء قالو انها ايضا مجاملة وتحاول المساعده...اما الخامسة فما ادري شنو وضعها
نرجع لصاحبتنا الرقيقة اللي قابلتني....طبعا ما طبقت اي شي من عوامل كشف الكذب او غيرها من اللي شفتها على المنتدى ويمكن كان هذا من حسن حظي...وكانت اسئلتها واضحة...وما بيها لف ودوران الا نادرا
اكثر شي ركزت عليه هو:
1. خدمتي العسكري...من طقطق لسلام عليكم...مع التاكيد على المشاركة في اي حرب او فعاليات قتالية وطلبت تشوف دفتر الخدمة واي وثائق تثبت اني كنت صنف فني واماكن نقلي وهكذا....وهل تم تكريمي من قبل؟؟؟....استغرقت حوالي نصف ساعة في موضوع خدمتي العسكري من مجموع مقابلتي اللي طولت ساعه......واعتقد مشت الامور.
2. الخطر الذي تعرضت له ...ومن قبل من...وكيف عرفت انه من قبل الجهة الفلانية...والحقيقة اني سردت الموضوع باسترسال لكن دون تشتتيت محور القضية حتى لا ادخل في متاهات انا في غنى عنها...واني اسولف وهي تكتب...ايدها ورمت من الكتابة...بعد ما كملت كتابة...صارت تقرا افادتي في المقابلة الثانية وتقارنها بالكتابة اللي كتبتها وتسال اسالة واجاوبها وهم كامت تكتب...المهم اخواني ركزت في موضوع الكيس على نقطتين رئيسيين...اولا كيف علمت ان الحادث الذي تعرضت له كان بسبب عملك مع شركة امريكية...والنقطة الثانية اللي فعلا لحت بيها هي ما الذي سيحدث لك لو رجعت...وبعدها ما الذي يجعلك تعتقد ان عائلتك ستتعرض للخطر اذا رجعو....يعني النص ساعه الثانية من المقابلة تركزت حول هاتين النقطتين واحب اعيدها لكم لمن لم تتوضح له....النقطتان المهمتان المتعلقتان بالكيس هما:
1.كيف عرفت ان استهدافك كان بسبب عملك مع الشركة الامريكي؟...وهل عائلتك مشمولة بهذا الخطر؟
2.ما الذي سيحصل لك ولعائلتك لو رجعتم...
بس للاسف شفت انو بعض العوائل اللي قابلت ويانة انمردو بالمقابلة.....طولو اكثر من ساعتين والحاح من المحلفين بضرورة تقديم ما يقنع ...الخ الخ...ما اريد اخوفكم اخواني...بس اعتقد الموضوع محتاج حبكة جيدة للقصة ومهارة في طرح الموضع بشكل يسد الثغرات اللي ممكن يدخل منها المحلف حتى يشكك بالقصة
فمع احتراماتي لاراء الناس اللي قابلو قبل اليوم...بس اعتقد ماكو قياس للقول بانه هالمرة المحلفين سهلين او هالمرة المحلفين صعبين...القضية كلها تعتد علينا احنه وشلون نطرح القضية
ارجو ان اكون قد ساهمت بشيء بسيط بتوضيح الصورة لباقي الاخوان اللي ما قابلو محلفين...
واخيرا عندي سؤال بسيط...ارجو من الاخوة اللي عدهم خبره ان يفيدونا مشكورين سلفا....
سؤالي هو لماذا لم يطلبو مقابلة زوجتي وابني الاضغر واكتفو بمقابلتي ومقابلة ابني الاكبر؟؟؟؟....هل هذا شي في صالحي ام هو شي يدعو للقلق
امنياتي القلبية ودعواتي المخلصة لله تعالى ان يسهل امور الجميع ويعوضهم خير عن المآسي اللي عاشوها
والسلام ختام
-
اولا الف مبروك للمقابلة انشاءلله تكون القبول بعون الله وبنسبة لسؤالك ليش ما قابلة زوجتك وابنك هما يركزون اكثر لصاحب الكيس واذا قصتك ما بيها اشياء تخص زوجتك وابنك فما يسالون شي بس السؤال يكون لصاحب الكيس اكثر بالتوفيق اخي يارب القبول
تذكرت هم شي اختي من سوت مقابلة الوفد القصة كانت خطف ابنها مع والشرح الباقي بالقصة لزوجها والكيس كان باسم زوجها بالمقابلة الوفد بس قابلوا الاب والابن اختي وباقي اولادها ما خلوهم يبقون بالغرفة مال وفد يعني ابد ما سالوهم شي لان القصة كانت خاصة بالاب والابن بس حبيت اوضحلك يمكن انت نفس الحالة
-
الف مبروك اخونا العزيز الله يسهل امركم يارب ومشكوووووووووور على طرح تجربتك لفائدة اخوانك
تقبل تحياتي
سرى
-
بالموفقية اخي بس والله حمام شمس محترم رجعنا مسطورين من ورة الحر بس اني المحلف مالي جان ينرفز وماعدة اي مرونة الله اليستر
-
الله يسهل للجميع بها اليوم العصيب من ورة حمام الشمس وان شاء الله الموافقة من قبل للمحلفين لجميع العراقيين المقابلين في هذا اليوم