ankawa
منتدى الهجرة واللجوء => الهجرة و واللاجئين => الموضوع حرر بواسطة: ليفيار في 11:44 21/04/2010
-
بسم الاب والابن والروح القدس
اخواني وخواتي من الجاليه العراقيه الموجوده في الولايات المتحدة الامركية تحياتي لكم جميعا
اني اخوكم لفيار عندي مقابله ثالثه ويه اللجنه الامريكيه بشهر الخامس
فوك خوفي وقلقي من المقابله عندي نقطه مدوختني وميزيده الطين بله عليه
نقطه الكفيل والبدون كفيل
اني عندي كفيل بولاية بنسلفانيا مدينة سكرانتون
كفيلي يكيلي الولاية زينه بس اني ممقتنع بيه لانه بكد القوطيه طلعته بكوكل ارث بس هو يكول جبيره بس اني مائثق بيه بعود شخاط لان اعرف بيه مطفي اطفه مني واخاف هسه هو د يكلي اني داشتغل ولايتي بيه شغل واخاف من اروح لهناك الكه العنتين يشتغل بلحلم
وهنا العراقيين بتركيا مختلفه ارائهم وان ضعت بين ذاك وذاك
ناس تكول البدون كفيل اسرع واحسن المنظمه هيه الي راح تحتار بيك
وناس تكول البكفيل هو الاحسن والافضل والاسرع
واني هسه بسالفة الكفيل والبدون كفيل داسوي قاله باله برتقاله وحته هايه مظبطت عله حظي الاغبر ساعه تطلعه هيج وساعه تطلع هيج وهسه اني دايخ بعلم الدوله
ملخص الحجي
شباب اترجاكم رجاء اخوي الي طلعوا للولايات المتحده كلاجئين وشي اكيد مرو بهذا القلق والدوخه مالت الكفيل منو الاحسن شنو الشفتو ا احسن بكفيل هناك لو بدون كفيل وهل الكفيل اله علاقه بلطيران يعني الواحد اذا عنده كفيل يطوه طيران عل سريع والي ماعنده كفيل ينومون عليه طوفه ياخروه الان يجهزوله بيت
ويدبروله مترجم لو ماكو هيج حجي وثانيا الي عايشين بهاي الولاية بنسلفانيا اوعدهم اقارب عايشين بيه ياريت تكتبولي معلومات عامه عنه واني جداممنون منكم اخوكم لفيار
-
نصيحة اخوية تعبر عن تجربة وراي شخصي بدون كفيل احسن
لان من خلال كلامك انت ما عندك ثقة بكلامه فكيف راح تضع حياتك بين ايده لان مسؤلية الكفيل هو الذي يخطط حياتك وهو المسؤل عن تصرفك وهو الذي يبرمج لك الاوقات ويحدد لك الاولويات يعني يعلمك شلون تعيش حياة الامريكان من ابسط الى اعقد تفاصيل الحياة اليومية فاذا عندك الثقة الكافية بيه توكل على الله وليكن كفيلك
-
لا اني كان عندي كفيل واصلا اتصلوا بيه مرة وحده وهاي هية وجود الكفيل مهم جدا جدا اقلها اكو ولايات متحصلها بدون كفيل شنو معناتها معناتها اماكن زينه وعلى كولتنا بيه خبزة ولو تظل على المنظمه يشمروك باماكن ما انزل الله بها من سلطان
تحياتي
-
اذا الكفيل مالتك بهالمواصفات الي كلتها هذا راح ياخر معاملتك وميفيدك بس اذا عندك كفيل غيره تثق بيه يكون احسن وجود الكفيل احسن الك .
ليندا