ankawa
منتدى الهجرة واللجوء => الهجرة و واللاجئين => الموضوع حرر بواسطة: kunda في 20:56 23/04/2010
-
السلام عليكم جميعا القدماء والجدد في هذا المنتدى الرائع متمنيا النجاح والسفر والموفقية لجميع رواد هذا المنتدى --سؤالي ياناس ياطيبين هو انه اني مقدم على اس اي في ومكمل كل الاوراق المطلوبة بترتيب ودقة لكن صار فترة طويلة ماكو غير يدزون اسئلة واني اجاوب مثل شلون ماخدمت عسكرية شنو البلدان اللي زرتها وشلون كان وضعك بالبلد الفلاني وششتغلت وشتعلمت وشنو الاعمال اللي تتقنها ومع منو كنت تلتقي ومنو اصدقاءك الدائميين وتصوراوا مدى غرابة الاسئلة وهل صايرة ويا احد غيري لو بس اني ؟؟؟ومع ذلك كنت ولاازال اجاوب بكل صراحة على قدر المستطاع مع العلم انه انا عشت خارج العراق تقريبا تسع سنوات بس كلها بالبلدان العربية المجاورة ولحد الان ماكو اي تقدم غير انهم راسلوا السوبر فايزر مالي ابو الريكومنديشن وسئلوه الاسئلة الخمسة (الكليشة المعروفة مال حسن سيرة وسلوك وانه مااشكل تهديد للامن القومي ومن هالسوالف)زين سؤالي هو يوجد رفض متوقع بالموضوع واذا اكو رفض راح يدزولي ايميل يعلمني انه انرفضت لو مجرد يغلسون وهاهية؟؟؟؟مع الشكر للجميع
-
اذا اوراقك كاملة ومسؤولك السابق جاوبهم بايجابية فانشاء الله ماكو رفض
واذا لا سمح الله انرفضت يدزولك ويكولولك السبب هم على الاغلب
-
والله حسب علمي اخي محد جا رفض من الاس اي في ما اعرف اذا باقي الاخوان يأيدوني بس هي الاس اي في تتاخر هسه لان التجييك الامني صار قبل متاخذ الكوم بروفل يعني قبل جان التجييك بعد الكوم لذللك التأخير يصير هشكل ما اعرف اذا باقي الاخوان عدهم غير شي ومؤكد
-
الاخ Kunda,
اذا حضرتك مسافر لاكثر من دولة وباقي اكثر من 6 اشهر باي دوله فطبيعي راح يسالوك هوايه اسئلة,ويجوز ياخرون قضيتك شوية لحد ميتاكدون انه انت ما عندك شي يهدد امنهم خلال سفراتك خارج العراق,صارت هوايه انه يطلبون من المقدمين على الاس اي في انه ادزلهم وثائق رسمية او اوراق ويستلموها وبعدين يسالوك انه ترسلها الهم من جديد طبعا هذا الشي سووه ويه اغلب المقدمين على الاس اي في وبصراحة ما اعرف ليش يمكن يحبون يتاكدون من شي بس اكيد الهم فد غاية على كل اذا انت ما عندك شي وتعرف نفسك انه ممسوي شي يهدد امنهم اومخالف لقوانينهم لتتصور راح يجيك رفض,لانه مو بسهوله شخص ينرفض بالاس اي في, الا اذا جا عنده مشكله امنيه وتاكدوا انه هذا الشخص راح يشكل خطر على الامن الامريكي,وطبعا الشي الي راح يساعدك هو تزكية مسؤولك الامريكي الي راح ياكدلهم انه انت متشكل خطر على الامن مالتهم فلتقلق استمر بمعاملتك وحاول وجاوب على اسئلتهم وهذا شي روتيني وانشاء الله تحصل الموافقة والفيزا وبالتوفيق.
اختك ليندا
-
شكرا اخواني على الردود --يعني هسه اذا التجييك الامني قبل الكوم ابروفال يعني على هالحجي اذا الواحد يحصل الابروفال مايبقالة اكثر من شهرين او ثلاثة اذا مو غلطان ويحصل الفيزا مو هيجي؟؟؟
والان عندي سؤال كلش كلش قوي واريد اصحاب الخبرة والاطلاع يجاوبوني اولا اني سافرت الى الاردن قبل ثلاثة عشر سنة وطلعت منها تهريب (قجغ)ومارجعتلها ابد زين هسه اذا انقبل على الاس اي في ويسفروني الى امريكا عن طريق الترانزيت بالاردن مااعرف السلطات الاردنية هل راح تعتقلني او تمنعني من الدخول او ترجعني للعراق على اعتبار انه اني غادرت بلدهم بصورة غير رسمية؟؟؟؟
وثانيا اني ذكرت للامريكان انه كنت خارج العراق بس ماذكرت انه طالع تهريب فهل هذا الشي ضروري ان اذكرة لو انتظر من يسألوني على التفاصيل ؟؟؟مع الشكر لكل من يجاوبني وينطي رأيه اخوكم كوندا العنكاوي
-
اخويه العزيز صاحب الموضوع
الامريكان يردون منك بالسؤال الي موجه الك من الفورم DS157
اذكر الدول الي انته مسافرلها اخر 10 سنين زين انته ليش ذكرت انو انته طالع اردن قبل 13 سنه ؟
وهذا الشي غلط منك
بس احب اطمنك انو الامركان مالهم علاقه بالاموور لان الي يهمهم انو انته متشكل اي تهديد على امن ولايات المتحده الامريكيه
واما بالنسبه للسلطات الاردنيه
مراح يمنعوك من دخول الاراضي الاردنيه لان انته بالجواز مالتك اكو فيزا امريكيه ومحد مراح يوكفك لان اكو موضف من ال IOM ينتضرك بالمطار فعادي لتدير بال
فانته بلغ السفير بهالشي
كله انو جوازاتنه ضاعت واحنه رجعنه من عمان بوقت صدام عن طريق اوراق من قبل السفاره العراقيه لان الجواز جان غالي وصعبه كل شخص يطلع الجواز بسبب الحصار وقله الماده
هذا احسن جواب الهم
تحياتي الك
اخووك سلفر
-
اشكرك اخوية سلفر اني فعلا جاوبت حسب السؤال بالفورم واللي هو الدول اللي سافرت الها اخر عشر سنين لكن بعدها اجاني استفسار على ايميلي وهو شلون ماخدمت عسكرية وهنا اجا جوابي انه قبل 13سنة سافرت الى الاردن وبوقتها كان لازم اخدم عسكرية لكن اني سافرت اثناء العطلة الصيفية ومارجعت الا اتغير النظام وطار صدام بس هو ماكو سفر الا عن طريق الاردن والله اني هوايا خايف من هذولة الاردنين لا يسوولي لغوة بالمطار يعني مااقدر اروح عن غير طريق مثلا؟؟؟