ankawa
منتدى الهجرة واللجوء => الهجرة و واللاجئين => الموضوع حرر بواسطة: allawe في 23:57 23/04/2010
-
اخواني الاعزاء اني اطلب المساعدة ممن لديهم الخبرة في خطوات معادلة الشهادة في كاليفونيا علما بانه شهادتي صادرة من الجامعة المستنصرية من كلية الاداب قسم اللغة العربية ورجاءا ممن لديه المعرفة والخبرة في العمل بمجال التدريس بهذا الاختصاص الرجاء مساعدتي وشكرا الى الاخوة الاعضاء و بالفعل انهم مسخرين لخدمة المهاجر
-
شنو الغرض من المعادلة؟ للعمل والتعيين لو اكمال الدراسات العليا؟
ادخل على هذا اللنك مال معهد معادلة الشهادات http://www.ece.org/
في حال للعمل والتعيين فاختار document by document
لاكمال الدراسات العليا course by course
افتحلك حساب بالصفحة وامشي بيهة خطوة خطوة بما يخص مليء كل المعلومات المطلوبة واطبع الطلب ووقعه ودزة وية الصك وخلال اسبوعين الى ثلاثة توصلك بالبريد بس لازم تبعث النسخة الاصلية لل syllabus مع كتاب تاييد صحة صدور..اذا تحتاج شي راسلني عالخاص..
بغدادي
-
السلام عليكم بس بلا زحمه شنو هذا كتاب صحة صدور يعني صحة لصدور السيليباس لو الشهاده طبعا ارجو المعذره من صاحب الموضوع لان دخلت دايركت تقبلو تحياتي
-
اي والله بغدادي لو تفهمنا شنو صحة صدور.. يعني اذا اني طلعت سيلبس ومختوم من تسجيل كليتي واذا تريد هم اصدقه.. شنو بعد شهادة صحة
بعد عندي سؤال الله يخليك اخوية.. اذا سويت سيليبس باي سيليبس على مود الدراسات العليا.. وعادلولي.. هذا هم راح يفيدني بالعمل؟
-
الاخ National
اللي متخرجين قبل 2003 راح يطلب منهم المعهد كتاب اسمه original official degree affidavit واللي يثبت بيه ان الشهادة اصلية لان التواقيع والاختام كلهة اختلفت وهو عبارة عن كتاب تاخذه من قسم التسجيل بالكلية ومكتوب بيه اسمك الكامل وتاريخ دخولك وتخرجك من الجامعة ومعدلك للاربع سنوات الدراسية مختوم ومصدق من عمادة الجامعة والخارجية..
الاخت Miss Violet
اعتقد جاوبت على الشق الاول من سؤالك بس السيليبس لازم تصدقي من الخارجية العراقية ومثل متعرفين يحوي المواد والدرجات وعدد الساعات لكل سنة دراسية ومعدلج للاربع سنين وهوة هذا تعادلي يا اما للدراسات العليا يا اما لغرض العمل والتعيين وتكدرين تطلبيهن اثنينهن بس كل واحد سعره يختلف الاول 135 دولار والثاني 85 دولار واذا انتي خريجة اداب او لغات او اي شي يدخل ضمن العلوم الانسانية فماكو اي مشكلة بالمعادلة واي استفسار اني حاضر..
بغدادي
-
زين بغدادي اني بالاردن ومخلصة من الاردن
اكو نقطتين
الاولى ما احتاج صحة صدور مو؟
الثانية ماكو خارجية عراقية هنا.. يعني اصدقها من السفارة والخارجية الاردنية مو؟
اي اخي اني ادب انجليزي
-
شكرااااااااااااااااااااااااااااااااااااااااااااااااااااا
-
يعني كل الخريجين الي قبل سنة 2003 لازم يجيبون صحة صدور الوثائق ومنين نحصل عليها اذا احنا خارج العراق؟
وهل هناك طريقة يتم بها معادلة الشهادة بوقت اسرع للحصول على عمل مثلا ؟
شكرا اخي بغدادي
-
اذا مخلصة من الاردن فماكو اي مشكلة مجرد السيليبس مصدق من العمادة والخارجية الاردنية والخارجية العراقية ما الهة علاقة لان الوثيقة اردنية..
بغدادي
-
اخ freeman2
لازم اتجيب هالورقة واني احجيلك عن تجربة لاحد الاخوان حاليا طلبوهة من عنده وديحاول ايدبرهة.. بس اكو حل ثاني في حال متكدر اتجيبهة فراح يطلبون منك ادزلهم رسالة بيهة تفسير ليش متكدر اتجيب هالكتاب واعتقد ممكن تكول انو ما عندك احد وانك اصلا متكدر ترجع وتشرح ظروفك خصوصا اذا مشتغل وية الامريكان قبل وعلى هالاساس راح يدرسون شهادتك وينطون قرارهم..
بغدادي
-
شكرا يا وردة