ankawa
منتدى الهجرة واللجوء => الهجرة و واللاجئين => الموضوع حرر بواسطة: مالايكي في 23:34 25/04/2010
-
اخوكم منتظر الاس اي في من شهر ال11 ولحد الان ماكو ابروفال بس سؤالي
اكدر اطلع بره ((بأي)) دوله واكمل مناك ال اس اي في
لو يحولوني على ال اي او ام
شكرا
-
ليش يحولوك اي او ام اخونا العزيز؟ البرنامجين منفصلين وماكو واحد اله علاقة بالثاني بس مسألة انه تطلع وتكمل مناك ما ادري بيها
-
السلام عليكم
الاخ رامي الله يساعدك ويصبرك بعد اكثر على طلايب الاس اي في
عزيزي انا اخوك من شهر العاشر 2009 ولهس ماكو ما حصلت الكوم بروفل ايضا وانتظر وايضا اخونا الغائب الحاضر ريفولفر قبلي تقريبا بشهر ويمكن صار اسبوعين من حصل الكوم فمسالة التاخير عادية جدا عند الجماعة واعتقد الاخ فنشيزو الله يطول عمره 8 اشهر يا الله حصل الكوم وبالنسبة لسؤالك حول السفر لبره لاي دولة وتكمل مناك اعتقد تصير وخصوصا اذا تكدر تروح لعمان الاردن يكولون اسرع وهذا الشي انا سالت بيه اخونا حمادة الله يحفظه وهو نصحني بالسفر لعمان وانا هسه جاي ارتب للسفر للاردن اذا ما اجاني رد هذا الشهر.وحتى اذا قدمت اي او ام همين اسرع من الاردن .
تقبل تحياتي وتمنياتي بالموفقية
اخوك
Echo 9
-
شكرا الك اخت سرى
محد يعرف ايصير اكمل مناك لو لا ؟
شكرا
اشكرك اخويه ايكو والله اعرفكم انت ورفولفر دائما اتابع اخباركم
بس والله ما اعرف ....لان لا انت اي ولا لا معلك
انشوف شيصير الله كريم
والله ما اعرف اسافر لو لا
اخاف اطلع ومصاريف ولعبان نفس وبعدين ايكلولك ماكو
الله معنا اجمعين
-
طبعا اني دااعاني من نفس المشكلة وعندي نية اسافر الى لبنان او تركيا حتى اكمل بس مااعرف اذا يصير او لا ولو اعتقد انه مايصير او ممكن تتعقد الامور اكثر اذا نسافر بس اخوية العزيز اسمحلي بسؤال يعني انت من قدمت بشهر 11ولحد الان ابد ماوصلك منهم اي شي مثلا سؤال استفسار ماطلبوا منك صور الجوازات مثلا ؟لان اني هلكوني بالايميلات والاسئلة وكلها اجاوبها وبسرعة ولحد الان ماكو اي شي واني اكثر من المدة مالتك بهواياوماكو (كوم ابروفال )سيء الصيت ليهسة
-
:o :o :oشنو فنشنزو حصل كوم ابروفال واني ماادري خلي اسحب اقسام واصعد للسطح لان اليوم هوايا انفجارات ابغداد عادي اذا احرك الجو محد يعرف لخاطر عيون فنشنزو يعني بقينا بس احنا كم واحد من القدماء واني ناوي اشيل شارة الكابتن ورا فنشنزو بس والله عيب عليه المفروض ينزل موضوع خاص بهالمناسبة يالله موفقين جميعا
-
اخوان ...
اكيد يصير وماكو اي مشكلة لانه هم ماراح يسالوك وين انت هسا من تاخذ الورقة كوم ابروفل... لانه بس من دز اوراقك 360 وال 230 تكتب وين تريد المقابلة مالتك تسويها ....
لكن ؟؟؟
راح تكون عندك مشكلة بقائك في اي دولة المدة اللي راح تبقى بيها اذا اكثر من ستة اشهر لازم تحضرلهم ورقة عدم المحكومية وبس .
تحياتي
النسر الذهبي
-
زين اخونا النسر الذهبي هو اللي مقدم من بغداد مو راح يكون رقم الكيس مالته بادي بالاحرف مال بغداد؟ يعني هاي مو مشكلة؟
اخونا خوندا الاخ فنشنزو من حصل الكوم نزل موضوع وباركناله بيه ولو هو كال ما اريد مبروك ويسمنوا هههههه
-
اخ kunda اشكرك لمرورك واني من شهر ال11 بس صحح ودز ورجع ... ما كلك لبدايه ال1 كالوا اوراقك ببغداد تجييك امني لو اداري والله ما اذكر ولحد الان ما ادري شنو ؟ هاي قصتي
اشكركج سرى على مرورك
النسر الذهبي حجيك صحيح بس ماراح اسويها لاتروح تتعرقل واني ماناقص
شكرا الكم
-
الاخت سرى ...
رقم الكيس ابدا ماياثر بموضوع التقديم او المقابلة ... لانه كان عندي هوايا اصدقاء في بغداد وطلبوا مقابلاتهم تكون في لبنان تركيا مصر او الاردن .
لكن يفضل عدم اختيار الاردن كونهم يكرهون العراقيين اللي يشتغلون وي الامريكان وهذا الكلام هو عن حقيقة وواقعة مع احد الاصدقاء الذين قابلوا في حينها قبل عامين . ... هنا الكلام عن الاردنيين في المطار لانه الدخول كان صعب في حينها وسؤال واستفسار للعراقي الذي كان يدخل الاردن وليس الذين يعملون في السفارة الامريكية.
فقط للتنويه لا اكثر .
يعني عادي الشغلة ومابيها اي تاثيرات على المعاملة ... فقط مثل ماذكرت بخصوص مسالة الاقامة في اي دولة اللي هي ستة اشهر فما فوق .
والاخ رامي ان شاء الله تجيك الكوم ابروفل .
تحياتي
النسر الذهبي
-
>:(يمعودين اسمي كوندا بالكاف مو بالخاء منين جبتولي هاي الخوندا واسم كوندا معروف بعنكاوا اذا اكو بيكم واحد من اهل عنكاوا القدماء (عنكاوا كمنطقة مو موقع الكتروني)وبالنسبة للموضوع ترة هي صدق حيرة واعتقد السفر واكمال المعاملة خارج العراق ماراح يقدم او يؤخر شي غير انه مجرد تعيش فترة بالدول المجاورة ههههههه اهم شي تحصل الكوم
-
الاخ رامي البابلي,
بالنسبه لحضرتك اذا تريد تروح دوله ثانيه وانت مسبقا مقدم على الاس اي في ابغداد, اني راح اتكلم عن تجربة اذا انت تريد تكمل المعاملة مالتك من ذيج الدوله واذا تريد المقابله مالتك تصير بذيج الوله الي راح تروحلها لازم تنقل الكيس مالتك الى الدوله الي راح تروحلها وهاي طبعا راح تاخذ شهرين او ثلاثة هاي سابقا اني احجيلك يعني قبل سنه تقريبا هيجي الاجراءات بالسفاره اذا تريد تحول قضيتك من دوله الى اخرى وبصراحة راح تضيف تعقيدات وتاخير على قضيتك واتصور انت في غنى عنها, اضافه الى عم المحكومية الي لازم تحضها اذا بقيت اكثر من 6 اشهر بهاي الدوله.. والخيار لحضرتك وبالتوفيق انشاء الله.
اختك ليندا
-
شكرا الكم اخوان
شكرا الك ليندا لمرورك الطيب
وان شاء الله من يجي الابروفال ...اخلي موضوع بيه جكليت وشربت
يارب
-
العفو لا شكر على واجب اخ رامي وانشاء الله يجيك الابروفال في القريب العاجل.
اختك ليندا