ankawa
منتدى الهجرة واللجوء => الهجرة و واللاجئين => الموضوع حرر بواسطة: aomed aldabagh في 00:30 26/04/2010
-
احب اولا اشكر القائمين على المنتدى لان فعلا اثبتوا جدارتكم بمساعدة الناس ونسأل الله لكم التوفيق دائما
انا عندي سؤال احب اطرحه بالنيابه عن زوجي وهو عضو بالمنتدى وسؤالي هو اي ولاية اميركيه هي الانسب للعمل ومستوى المعيشه غير مرتفعه و مناسبه وبالنسبه للمدارس للاطفال اكيد الكثير كونو فكره عامة وعرفو الانسب وياريت تفيدونا بها لان مازال لدينا وقت ونحب نعرف التفاصيل.
عندي سؤال جداااااااااااااااااااا مهم وهو عن الكفيل فنحن ليس لدينا كفيل وهل الكفيل مهم؟ هل نستطيع اختيار الولايه بانفسنا ام لا وهذا سؤال مهم جدا بالنسبه لنا لان نحن لانريد ان يختارو لنا ولايه سيئة مثل ميشغن لانها مزدحمه وفرص العمل قليله جدا والاسباب قرأناها. وهل وجود الكفيل يسرع السفر ام لا؟ اذا كان بسبب اللغه فنحن نتكلم اللغه الانجليزيه بطلاقه وبالنسبة للمقابله فلدينا مقابله اولى شهر 5 وان شاء الله نستفيد من خبراتكم واعتذر عن كثرة اسألتي
ام محمود
-
والله نسمع دائما انه كاليقورنيا مناسبة اكثر للعوائل وبيها جالية عراقية كبيرة ومع ذلك ممكن نسمع اراء اخونا العايشين هناك يعرفون اكثر
-
واللة ياختى السائلة انى هم مثلك محتار باختيار الولاية ومادرى شنو السبب اصحاب الخبرة ميكلونة يابة فلان ولاية زينة وتفيدكم دائما جوابهم دبلوماسى يعنى يكلونة كل ولاية بية محاسن ومساوى وكل ولاية تختلف من وجهة نظر شخص الى اخر ومن هذا الكلام يعنى مينطون جواب شافى انى اكلهم يابة ترة الديج المليح من البيضة يصيح على قول ابو المثل واشكركم اخوانى جميعا اذا تدلونا على الديج المليح
-
اهلا بالاخت الكريمة
احب اكولك وصراحتا انه ولاية منيسوتا جدا جدا ممتازة للعوائل والمساعدات خمس سنين
وهذا الشي متاكد منه مئة بالمئة لان اكثر العوائل الي صارلهة اكثر من سنة يقولون المساعدات خمس سنين
-
اختي العزيز ام محمود بالنسبة اي ولاية احسن ماكو ولاية احسن من ولاية كل ولاية عدها شكل قانون بالنسبة للمساعدات الجو هو بس يختلف والايجارات كل ولاية تنطي اكثر مساعدات تكون ايجارات غالية ووية تنطي اقل مساعدات تكون ايجاراتها ارخص من غيرها وبنسبة للشغل كلهم نفس الحال اذا ما عندج ناس يساعدوج بالبحث عن عمل كلش صعب تشوفين شغل حتى لو عندك لغة وبالنسبة للكفيل اذا ما عندك كفيل المنظمة هي تختار الك الولاية وما تكدرين انتي تختارين ومشكن صح هي مزدحمة بس اني اشوفها احسن الولايات من كل النواحي حسب ما تعلمت عليها والشغل مو بس بمشكن ماكو وانما بكل الولايات وبكل العالم نفس الشي يعانون من البطالة وانشاءلله ربي يوفقكم باي ولاية كانت
-
والله هاي كلش قويه مال الديج المليح هههههه 000 اخويه وتاج راسي 000 انت تريد ولايه بيها مساعدات وفايخه ومساعداتها دسمه واذا اكولك كنتاكي اللي اني بيها هسه واسويها كمره وربيع الك راح اخدعك واكون محجيت الصحيح 0000 فلازم ننخى جماعتنا بغير ولايات حتى نشوف واني من ناحيتي راح اسالك عن ولاية يوتا وولاية نيوهامشير لان بيها اصدقاء طيبين شرواك وراها انطيكالتفاصيل واني بالخدمه اخويه العزيز وانشالله تكون قسمتك الخير بجاه رب العالمين 0
تحياتي
ابوبشير
-
وردة وشكرا ابو بشير
-
اختي العزيزة ماكو ولاية احسن من ولاية أكو مؤهلات احسن من مؤهلات وانتو ماشاءالله انكليزيتكم قوية مثل مااتفضلتي وهاي اهم ميزة راح تختصرلكم هواية معانات اولها الحصول على عمل مناسب وبسرعة لان المنظمات توظف اصحاب اللغة اسرع من غيرهم واذا ماعدكم كفيل لا يحق لكم باختيار الولاية --تحياتي واحترامي
ام محمد
-
احجيلج عيني ام محمود عن نورث كارولينا وتحديدا مدينة راليه(تجربه شخصيه لاد اقاربي)
بلمدارس رهيبه ومو طبيعيه وللعوائل رهيبه وخصوصا للاطفال يعني الطفل ميشوف مناظر تعبانه بلشارع اتاثر على تربيته لان هاي الولايه اهمشي عدهم الطفل وان يتربى ابصوره صحيحه ;D
الجو حار رطب صيفا بارد شتاءا
الاغلبيه السكانيه هي من السود
المنظمات تعبانه
المساعدات تعبانه
الشغل تعبان وتقريبا ماكو عندج انكليزي ما عندج ماكو فرق :'( لان هي عتبر شبه ريفيه فلشغل ممتوفر بسهولا
هادئه جدا
وكرايبي ضايج منها ويريد يحول لان شغل مده يلكه بيها علما انو هو بللغه الانكليزيه اكثر من ممتاز
وها هي هاي كل معلوماتي عن هاي الولايه
جورجيا
-
نورث كارولاينا ريفية؟؟؟؟
مممممممم يمكن هاي المنطقة بس ريفية والا نورث كارولاينا ولاية ساحلية وحسب معلومات صديقة الي بيها شغل متوفر حسب اللغة
تحيتي
-
بس حلوة هاي مال ولاية منيسوتا خمس سنين تبقى المساعدات
-
نورث كارولاينا ما تعتبر ولاية ريفية ومن ناحية الشغل الكل هنا دتشتغل الكاعد بس التنبل واللي يريد يبقى معتمد على المساعدات بالنسبة للمدارس اني بنتي بالهاي سكول والمدرسة والتدريس والكادر التدريس خرافي يعني يعجز الوصف عن تعاملهم وحرصهم على الطالب اما بالنسبة للطبيعة معروفة بالغابات والخضار والورود همة نفسهم الامريكان يجون من غير ولاية الى نورث كارولاينا علمود الطبيعة اما المساعدات طبيعية لا بيها مبالغة ولا بيها نقصان يعني حقك تاخذة للراس والايجارات من 450 للشقة الى 700 واي سؤال اني حاضر تحياتي
-
دنفش انته اباي مدينه ابنورث كارولينا
جورجيا
-
اني في مدينة دورهام اللي تبعد ربع ساعة عن رالي
-
بصورة عامة حتى لو نسولفلج اختنا العزيزة ما نكدر نعمم عالولاية مثلا فرجينيا السكن بيها للمناطق القريبة من العاصمة واشنطن تكون الايجارات غالية نار ومن تبتعدين عن العاصمة ترخص بسسس بنفس الوقت تقل فرص العمل المساعدات عادية بس التانف عدنا لازم الواحد يشتغل يالله ياخذه يعني يشتغل قصدي يحضر الدورات اللي يسووها ويقبل بالشغل اللي يعرضوه عليه ولازم الاب والام وكل شخص بينا بفرجينيا ساكن بمدينة او مقاطعة ما شايفها كلها ولاعنده خبرة بيها كلها فاني ما اكدر احجي عن مقاطعات اخرى بولايتي وهم عزيزتي تعتمد على كل عائلة وظروفها ووجهة نظرها الله يسهل امركم يارب ويوفقكم
-
الاسكا ما كو غيرها تفيدكم
مصطفى
-
الاخ او الاخت السائله
اكو موضوع منشور بالمنتدى لاحد الاخوان ما اتذكره
فيه مقارنه بين كافه الولايات من كافه النواحي يكدر
اي شخص معرف الولايه الملائمه له. بس لو احد الاخوه يتذكر الرابط
مع تحيات اخوكم
سامي من مصر
-
موقع لموضوع سلاما العراق عن الولايات اضافات الاعضاء لكل واحد منهم يتكلم عن ولاية
http://www.ankawa.com/forum/index.php/topic,330695.0.html
اخي العزيز سامي كان موضوع الاخ الكبير سلاماالعراق
بالنسبة للمساعدات طبعا تخلف مثلا ولكم جك قبل كان 450 حاليا تغير وهم لا تعتمدوا على المساعات الي مر عليها سنة لانه قانون امريكا يتغير به بعد البنود بين فترة وفترة دائما متابعة االتغيرات الي تحصل بالمساعدات والتغيرات الاخرى
-
السلام عليك يااخوية العزيز
كل الولايات زبالة وعيونك الحلوة لان كلها قهر بقهر والمساعدات كلاوات
ينطوه بيد وياخذوه بالايد الثانية وياهة جمالة
ومثل ما كالوا الربع اذا المساعدات شوية زينة فالسبب لان الايجارات عالية والعيشة غالية والعكس صحيح ..يعنني ما سويت شي
والمنظمات كلهم حرامية ماكوا احد بيهم خير باستثناء قليل منظمة العائلة اليهودية فذولة شوية امورهم ماشية وعدلة
اني اكلك الشغلة الوحيدة المتوفرة وبلاش هي الكشره مالتهم فقط ... لان بس تلكيهم يضحكون بوجهك وما قبض من وراهم.... وغيرها من السوالف ومثل ما يكول ابو المثل خليه سكته يالفته
اسير الغربة
-
شكر جزيل للجميع على ردودهم ماقصرتو
وطبعاالاسئلة بحر لاتنتهي وسؤالي هو اذا عجبتني ولاية مثل مينيسوتا وماعدنا كفيل شنو الحل ؟
انا اخاف اترك لهم الشغله لان مو اكيد يحطونا بمكان زين واحنا لدينا اطفال اثنين ولد 3سنوات ونصف وبنت 6اشهر
لهذا ياااااااااااريت تكولولي شسوي لان كفيل ماكو ماعدنا في مينيسوتا وخايفه لا يخلونا في ميشغن واختي في ميشغن لها شهرين ونعرف الضغط الي على الولايه هناك. حابه اعرف وجهة نظركم
ام محمود
-
احسن وارخص وافضل ولايه للعمل واكثرها بعدا للعنصريه و افضل مساعدات واكبر ولايه بامريكا وجوها مثل جو العراق وبلا منازع
تكساس
بكل مدنهه واي واحد يتصور غير ولايه افضل متوهم
اكله تعال لتكساس وشوف الفرق بينهه وبين الولايات البقيه
بشرط يرادلك سياره فقط
-
ابو عبدالله الورد والله العظيم حجيك على الراس
صحيح اني ما شايف ولا ولاية بس من حسب ماسالت واستفسرت
تكساس وبس
واذا الله كتبلي الجيه الى اميركا فما اروح غير الى تكساس
اخوك الزغيرون ابو شموس
-
وعيونك عندي ناس بكل ولايات امريكا ما عدا نيو مكسيكو وراح يروح بيهه صفاء عن قريب ان شاء الله
اي واحد يسولفلي على اي ولايه اشوف تكساس افضل منهه بهوايه للعراقي
وبس من يوصلون راح يشوفون الفرق والكلام الي دا اكوله
تحياتي الك اخي الغالي ابو الشموس الورده
-
اخوية الوردة ابو عبد اللة انت مو تكول جوها مثل جو البصرة ومن تجى بيها متحس انت با مريكا عبالك بلهند لو بلمكسيك وكتلى سياتل مساعداتها احسن اللة يخليك ولو زحمة عليك لتحيرنى وين اروح لسياتل لو لتكساس واشكرك
-
اخي العزيز والورده ابو عبودي
كل واحد ولايته بنظره كلش حلوه انته تكول سامع وعندك اصدقاء بكل الولايات وماكو احسن من تكساس اني اكولك اني رايح لحد الان 12 ولاية مفترهه مو سامع ومالكيت احسن من ولايتي تينسي بكل شي بس مانكدر نجبر احد ونكله تعال هنا لان يجوز مايتوفق ويضل يلوم بينه انتو ورطتوني هي الله وكيلك كلهه حلوه وكلهه بيهه محاسن ومساؤي والي يريد يشتغل يلكه الشغل واذا على الجو ماشاء الله تخبل وحلوه ماعدا المناطق الشماليه والثلوج والاخ حماده فرحان ويكول تعالوا لمنيسوتا بعدك خلي يجيك الشتاء وشوف شونهه منيسوتا من البرد والثلج المهم خلوهه على رب العالمين وان الله يقسملك تلروح وثانيا من توصلون ماعجبتكم تكدرون ترحون لاي ولايه تعجبكم بدون تردد
-
اختي العزيزة ام محمود احسن ولاية هي الولاية الي مابيها عرب حتى عراقين لانه يكون الشرطي بازع من مشاكلهم وبالنسبة للمدارس فكل مدارس امريكا اوكي وممتازة من ناحية التعليم واكو في بعض الولايات مدارس بس للبنات اذا ما تلائمج المدارس المختلطة والعوائل موجودة بكل مكان وملائمة وين متروح والشغل مادام عندج لغة فتمشين اكو ميت شغلة على الانترنت و تكدرين تكملين دراسات اذا بعدج نشطة على الدراسات من جديد فتوكلي على الله وانشاالله بالسلامة توصلين
طبعا اني بعدني مرايحة بس اقاربنا راحو وكالو الحياة اوكي وشجعوني كلش واتاقلمو وهم عائلة صغيرة بس هي وزوجها وهي عاقر بس هناك توفقو وصارت عدهم بنوتة بسبب الطب المتقدم في امريكا ودتكمل دراسات عليا هي وزوجها وسعيدين بسبب الارادة والاصرار وحب العمل فلا تترددي يا اختي العزيزة واسفة لاطالة الرد بس حبيت اشجعج واشجع المترددين على السفر
-
اخوية الوردة ابو عبد اللة انت مو تكول جوها مثل جو البصرة ومن تجى بيها متحس انت با مريكا عبالك بلهند لو بلمكسيك وكتلى سياتل مساعداتها احسن اللة يخليك ولو زحمة عليك لتحيرنى وين اروح لسياتل لو لتكساس واشكرك
حبيب اني ما كتلك ياهو الاحسن انت لو تنتبه للي كلته جان شفت اني مسويلك مقارنه بين الاثنين
وكتلك انت الي تختار
تحياتي وانتبه للرساله واقراها مره لاخ
-
ابو عبد اللة الوردة علكيفك ويانة ولتصير عصبى سامع المثل اللى يكول لاحظت برجيلها ولاخذت سيد على اخوك انى انطانى الملف قيد الدراسة ونامت الطابوكة علية يعنى يمكن لااشوف تكساس ولا واشنطن ولا غيرها وارجو المعذرة اذا ضوجتك