ankawa
منتدى الهجرة واللجوء => الهجرة و واللاجئين => الموضوع حرر بواسطة: kunda في 17:28 26/04/2010
-
أخواني الاعزاء جماعة الاس اي في المظلومين اريد اعرف أكو شخص يستحق شارة الكابتن أكثر مني أكو عدنا جماعة من 2008 مثلا؟ منو أقدم شخص منتظر الكوم ابروفال مو يكولك الي يشوف مصيبة غيرة تهون عليه مصيبتة !!!
-
مرحبا اخي
اني قدمت اوراقي يوم 15/1/2010 واخر ايميل اجاني من السفارة يكولي اوراقج كاملة يوم 12/4/2010 مادري هذا ياهلني اكون الكابتن لو لا؟
نادية
-
هههههه والله موضوع حلو عل العموم ...اظن انت الكابتن واني اللوتينيت
اني قدمت اوراقي 02/11/2009 واخر ايميل اجاني من السفاره 31/12/2009
اعتقد اتأهل الى ضابط باس اهم شي مو عريف هههه
ناديه معناتها رتبتي اعلى منك....
اشوكت يجيك الابروفال kunda حتى احل بمكانك
اخوكم رامي
-
اخوان يمكن عمنا ايكو اقدم واخونا العزيز ريفولفر اتصور من شهر التاسع 2009 بس ما متأكدة
-
مثل ماكلت اخت سرى ايكو اقدم مني
بس رفولفر حصل ابرفل يمكن؟ والله ما اتذكر
-
اي حصل خطية قبل 10 ايام يمكن ورة انتظار طويل
-
والله يااخوان اني اول ايميل دزيته بتاريخ 6-9-2009واخر ايميل انه مستنداتي كامله 21-1-2010ولحد هذه اللحظة ما كو شي منتظر سيييييييد كوم اذا واحد شافه بلكي يوصي عليه.
-
اني مقدم بشهر الثامن 2009 والحد هسه ممستلم شي ::)
سلفر الكمش
-
شنو سلفر اخوية مو راح تسافر ؟
-
سرى ::) راح اسافر هذا الشي بالمستقبل :P
اي سراوي انشالله شهر الخامس
بس حبيت اتشاقه شويه
>:( اتمنه ارجع الوقت شويه حته ااخر السفر مالتي ما اريد اساف >:( هسه
:o
-
محد يكدر يكسر الرقم مالتي
بالابروفال طولت ثمن اشهر بالضبط
ولذلك اني جنرال ابو النجمة ونص
واطول واحد طول بالاس اي في (ولو على مالة الجنرال)
هو زميلنا وصديقي SIV2007 اللي هسه بواشنطن
وطول سنتين تقريبا
-
حييييييييييييييييييل على هذا الحجي اني برايفت فيرست كلاس
بس بنفس الوقت يعني اكو امل
رامي
-
اخواني ولو اني صاحب الموضوع بس اكو شغلة مافاهمها وهسه انتو نبهتوني عليها وهي انه اني اول مرة اسمع انه يدزون ايميل بانه الاوراق كاملة (يعني اكو هيجي شي)وشلون تكون صيغة الايميل هذا اني اللي اعرفة انه بمرحلة بنراسكا اكو شغلة الاوراق كاملة لو لا بس بشغلة التقديم للكوم ابروفال ابد ماواصلني هيجي ايميل وراح اكمل سنة!!!!!!!بس تجيني اسئلة متواصلة والله ذبحوني بهالاسئلة وقسم منها كلش غريب وعجيب ---يعني هسه بعد لازم انتظر يجيني ايميل انه اوراقي كاملة وبعدين يالله انتظر الكوم اويييييييييييييلي وصدك اويلييييييييييييييي
-
السلام عليكم
ارسال اوراق الكام ابروفل بتاريخ 2-12-2008
استلام الكام ابروفل بتاريخ 23-8-2009
تقريبا 9 اشهر
بس امانة اني جنت هامل الموضوع
-
اني الكابتن بلامنازع يااخوان
اني قدمت اوراقي 26/6/2009 ولحد الان مامستلم الكوم
واوراقي بالسفارة الامريكيه بالعراق صارلهن شهرين وهم ماكو شي
-
maitham70 جيب ايدك اليسرى ارفعها شوية خلي اشدلك الشارة مال كابتن بكل جدارة واستحقاق والله غلبتني بس سرعة قبل لا يجيك كابتن اخر ماخليتني اتهنى بشارة الكابتنية ديلله اخذ ابروفال حتى انتا تلبسني شارة الكابتنية
-
شكرا جزيلا kunda على وسام الكابتن انشاء الله راح نكون على كد المسؤليه
وهسه انتم الوريث الشرعي لي على الوسام شكرا مره ثانية
-
اخوان اني قدمت بتاريخ 22/11/2009
واستلمت الايميل اللي يكول اوراقي كاملة وصارت بالسفارة بتاريخ 23/3/2010 ولحد الان ما مستلم الكوم ابروفل , يعني صارلي خمسة اشهر من قدمت وبعدني دا انتظر الكوم ابروفل ..... شنو رتبتي؟ ارهم اصير لوتينت لو لا ؟
-
اهووو
نسيت انه ميثم هسه هواي غلبني
واني هسه اجاني ايميل من الان في سي انه انت ضمن جدول المقابلات يعني فد كم يوم وندزلك موعد فحص ومقابلة
يلله ميثم سبع ويستاهلهه ;D ;D ;D
-
السلام عليكم
هذا اموضوع وين كان مضموم اشو هسه يا الله شفته .
عمي هم زين مو انا الكابتن لان انا بشهر العاشر 2009 ولهسه ماكو كوم بطرك المغذيات .
خوش موضوع الواحد يصبر روحه بيه .
عاشت ايدك اخ kunda وياليت الاخوة والاخوات يتواصلون ويانا باخر التطورات والمستجدات
Echo 9
-
والله اخوان اني على البرنامج القديم مال الجنرال وماخذ الابروفال على الاس اي في مالتي من 2008 وبعدني بالعراق قبل اسبوع قابلت وهسة دا انتظر الفرج. ادعولنا. اما الرتبة ما اريدهة لان اكره العسكرية.هههههههه ;D :D
-
تحية لكل الاخوان الصابرين,
اني مقدمة على الاس اي في من شهر الرابع 2009 , ومقابلتي بالسفارة جانت بشهر التاسع ولحد الان ممستلمه الفيزا, كل مرة ادز ايميل للسفارة استلم بعدها نفس الرد انه بالمعالجة الادارية , انشاء الله تفرج على كل شخص دينتظر الفيزا مالته.
اختكم ليندا
-
السلام عليكم اخواني المظلومين جماعة الsiv وبدون كوم
اني من كلت( كابتن) ماقصدت على غرار الرتب العسكرية قصدي كابتن مثل مباريات كرة القدم غالبا اقدم لاعب يستحق يشيل شارة الكابتنية لفريقه ومن نزلت الموضوع اتفاجأت بالعضوين العزيزين ايكو 9 والرواد اني كنت متصور انهم بامريكا من زمان لانه اثنينهم مخضرمين بالمنتدى ابد مااتوقعت انه بعدهم بالعراق
على مايبدو انه شغلة الاس اي في اتغيرت هوايا وهسه صار بيها تأخير مو طبيعي يعني الشغلة اختلفت الله يصبرنا جميعا ويحنن قلوب الجماعة علينا
لاتنسون انه كابتن الاس اي في لحد الان هو الاخ ميثم
-
اخوية العزيز خوندا احنا قدمنا عالاس اي في اول من انفتح البرنامج الجديد بالعاشر 2009 وقابلنا بشهر العاشر 2010 بس الحمد لله الفيزا ما تأخرت فهو ترة الاس اي في يطول واللي ما يطول هذا استثناء تحياتي
-
والله اعتقد حسب رأيّ المتواضع ان الأخ العزيز maitham70 هو الكابتن واعتقد هو استحقاقه مدرب , تحياتي الك حبيبي ميثم والله يفرجها عليك وبالتوفيق انشاء الله وتحياتي الى صاحب الموضوع kunda المحترم . تحياتي ... جاك
-
سراوي خيتي البرنامج بال2008 بدأ وانتو قدمتو بال2009 لان بعدنا ما واصلين لشهر العاشر بال2010 ;D ;D ;D ;D
-
السلام عليكم حبايب
شكرا جزيلا على ترقيتكم اياي الله يسهل على الجميع يارب
اني راح اطلع على برنامج IOM والكوم لي هسه مامستلمه
بالمناسبة اني هم كابتن على برنامج IOM لان مقدم بشهر السابع 2008 وهسه منظر الامنية والله كريم
وارحم الراحمين
-
يابه مو داكول ان ياقدم واحد بيكم مقدمن من 9-4-2003 والحد هسه ماعندي ابروفل يعني والله حرام ليش متخلوني عريف يابه ما اريد كابتن :'( :'( :'( :'( :'(
-
انشاء الله الكل يترقى وتتقدم بمعاملاتها ..... ::) ::)
Iron_man
-
اخوان لا تحسبون من تاريخ التقديم حسبو من تاريخ استلامكم رسالة تكول انو اوراقكم بالسفارة في العمارة هههههه لان من هذا الوقت رح يبدي الشغل بالقضية بالبداية جيب كتاب وودي كتاب كلها جمع معلومات الفعل والكول من تخلص الاوراق ويبدي التجييك الاداري تحياتي
-
;D ;D
صدك فنشنزو للتصحيح اخواني قدمنا بال2008 وقابلنا بال2009 سوري مرة ثانية
-
اخونا سلفر بس لايطلعلنا واحد ويكول اني مقدم من وقت احمدحسن البكر هههههه
هو قبل كم يوم سألت حضراتكم شلون شكل الرسالة اللي تكول انه اوراقك كاملة وهسه بالسفارة ممكن احد يسويلها كوبي ويدزها حتى اعرف اني مستلم هيجي ايميل منهم لو لا لان واصلني تريلة ايميلات منهم بس مااعرف شلون صيغة هذا الايميل الدتحجون عنه منو يعرف بلكي نستلم الكابتنية من المخضرم ماردونا قصدي ميثم
-
تحيه عطره من سماء بغداد
اخويه العزيز Kunda انته غير اتراسلني عالخاص حته ادزلك ياها
اخويه غالي والطلب رخيص
هسه من راح تكتمل اوراقك بالسفاره الامريكيه راح يدزولك هيجي ايميل
اتفضل
Dear Sir,
We are writing to confirm that we have received all of the necessary documentation to process your Special Immigrant Visa Chief of Mission approval application. Your case is currently under review at the U.S. Embassy in Baghdad. We will contact you in the event we need additional documentation or clarification or as soon as a decision has been made. If you have questions, please email us at IraqSIVApplications@state.gov.
واي شي تحتاج اني بخدمتك خادم صغير الك
اخووك سلفر
-
اخونا يمكن بعد الاخ كونفيدينت اقدم واحد
-
أشكرك ياسلفر ياورد عمي انت طلعت كولد عيار 21 صافي مصفى منو كال انت سلفر والله اني بعد ماواصلني هيجي ايميل بهذه الصيغة بس اخر تطور صار عندي انه دزوا خمس اسئلة للكفيل مالتي أبو الريكومنديشن وهو جاوبهم بس الحجي قبل شهر وليهسة ماكو شي يعني اوراقي لحد الان ماكاملة ؟؟؟؟