ankawa
منتدى الهجرة واللجوء => الهجرة و واللاجئين => الموضوع حرر بواسطة: fadinet2 في 21:17 27/04/2010
-
السلام عليكم
اخواني وصلت لجورجيا يوم 14 4 2010 والحجي بيناتنا ماعندي بس 500 دولار بجيبي الله وكيلكم فاذا اكو واحد يعرف الطرق مال منظمات ينقذني لبين مااشوف شغل والقهر فوكاها عندي 2 اطفال وحفاظات وحليب والله كريم
اني ساكن بجورجيا - اتلاانتا - كلاركستون - رجاء من اخوانا العراقيين اللي عنده معلومة بهذا الخصوص يفيدني اشكركم
-
الف مبروك اخي العزيز لوصولك بالسلامة لولاية جورجيا انشاءلله ربي يوفقك بالولاية انشاءلله الاخوة الي بنفس الولاية مايقصرون بالرد
-
الحمد الله على سلامة الوصول ويارب يفرجها عليكم وان شلء الله الاخوة الي بولايتك مايقصرون
-
حمد لله على السلامة وان شاء الله ولاية الخير عليك وعلى عائلتك والاخوة والاخوات اللي بنفس الولاية ان شاء الله ما يقصرون
-
مساء الخير على الجميع
الفففففففففففف الحمد لله على سلامتكم . وانشاء الله موفقين في ولايتكم .
(لاتفكر فلها مدبر) ربك يفتحلك طرق متكون على بالك فاستعن بالله .
-
الف الحمدلله على سلامتك انت والعائلة ويارب تتيسر امورك وكلشي يصير تمام اخي المفروض مساعدات المنظمات أول يوم وصولك وان شاءالله تمشي امورك الى أن تلكي شغل واعرف عائلة وصلوا ويانة بنفس اليوم والله اخي كان معهم 350 دولار فقط وهسة الحمد لله مشت امورهم --
-
السلام عليكم اخي الغالي
الله ايرزقكك وايسهل امرك اخوان اهل الغيره شباب وينكم اوكفوا ويه اخونا
للرفع وين اهل العراقيين اهل الغيره
-
السلام عليكم
الحمد لله على سلامة الوصول وربك يدبرها بحوله وقدرته والخلقك ما ينساك ابد وين ما تكون
ال 500 $ خير من الله الى ان ربك يدبرها وتلاكي شغل وان شاء الله اخوانك ب جورجيا ما يقصرون .
باحد المواضيع لاحد الاخوان اسمه على ما اذكر طارق البصري الرجال كال ما عنده بس 400 $ والجماعة ردوا عليه انه ما يحتاج فلوس من يوصل وان شاء الله العراقيين اللي بجورجيا يردون عليك اخوية الغالي وما يقصرون بالنصيحة والتوجيه والارشاد . ربي يكون بعونك
تقبل تحياتي
Echo 9
-
اسأل الله العظيم ان يبارك لك في ما معك ويرزقك من حيث لا تحتسب وان يحفظ الاطفال والعائلة الكريمة
اخوكم ابو راشد
-
حمد الله على سلامة وصولك اخي العزيز
وانشاء الله ربي يبارك لك بلمبلغ الي عندك
ويوكفلك ولاد الحلال يا ربي
ويا ريت اتوافينه اباخبارك واخبار منظمتك لان اني انشاء الله اذا الله راد شاده رحالي الى جورجيا
ام سبايكي
جورجيا
-
مرحبا اخونا شنو ماكو احد بمنطقتك تساله ولا عراقي هناك اتصور تستفاد من اللي يمك وتدور بمكانك افضل
وبالتوفيق
-
حمد الله عل السلامه
اني عايش بجورجيا بس بعيد عن كلاركستون بالبدايه انته اكيد متحتاج لمبلغ من المال لان المنضمه راح تتكفل بس لمده ثلاثه اشهر او اكثر وانشاء الله هذا امبلغ الي يمك تكدر تمشي بي امورك والمنضمه الي جاي عليه اكيد راح تشوفلك شغلك ويمك بكلاركستون كلش هوايه عراقيين ويكدرون يرتبون امورك وبالتوفيق انشاء الله