ankawa
منتدى الهجرة واللجوء => الهجرة و واللاجئين => الموضوع حرر بواسطة: laser77 في 20:51 29/04/2010
-
السلام عليكم شباب
اكو قرار صدر جديد من الرئيس اوباما ......
هسة اي واحد عمره اقل من 21 سنة او مزوج وعندا اطفال يروح باي مكان يريد يشتغل ويروح يحجي وياهم وكولهم اريد اشتغل يمكم بس مو انتوا تنطوني الراتب ؟؟؟؟؟ وراح اعيد باي مكان ويروح للمنظمة المسؤولة علي ويكلهم اني ليكت شغلة واريد منكم تشملوني بالقرار اعلاه وهو 10$بلساعة وهم راح يتصلون بلشركة التي راح تشغلك وتتفق وياهم وينطوك كارت وينزلون بي الراتب مالتك وهذا الشي صار ويا اخويا الاصغر مني وعمره 19سنة والحمد لله راح يباشر في العمل يوم الاثنين القادم .واني لحد الان ماعندي سوشل سكيورتي فاماكدر اشتغل.
وعلما الفترة المحددة للعمل هي من 1-5-2010الى30-9-2010 وهي خمسة اشهر.
واني اسف لان مدا اتواجد دائما لان ملتهي بلمعاملات.
اخوكم laser77
-
زين اخونا ليزر بلكي نص القرار اذا عندك او الرابط لأن اكو ناس محتاجين اعرفهم وبلكي تفيدهم هاي الشغلة الله يبارك بيك
-
الله يبارك بيك اخوية العزيز ليزر على روح المحبة والتعاون والمساعدة مع اخوانك واخواتك بالمنتدى
تمنياتي لك بالتوفيق والف شكر على هذه الاخبار الحلوة
-
اخوية زين اني عمري جوة ال 21 بس ممزوج مشمول بالقرار لا ؟
-
حبيبي ممكن نص القرار بالانكليزي اشو ممقتنع بهذا الشي لانه ناس هواية عطالة بطالة وهوم ليس هواية بالشارع اني مدا اشكك بكلامك لتفهمني غلط بس اذا تكدر جيب نص القرار بالانكليزي حتى الناس تستفاد واشكرك هواية
-
اخونا ليزر بلكي القرار بدون زحمة عليك
-
قرار جيد :)
لكن شمعنى ال21 بالتحديد ؟ >:(
يعني وباقي الاعمار شبيهم ؟ >:(
قابل ابو ال21 عنده 3 ادين و4 رجلين مثلا ;D؟
طبعا هذا الكلام مو الك حبيبي وانما للي شرع القرار
-
اخواني سن 21 بالنسبة لامريكا هو سن البلوغ القانوني اني هيجي اسمع.. بس ما ادري ليش مع انه قبل 21 يكدر يطلع لايسنس ويكدر حتى يتزوج على 18 سنة مو؟
اخي سنايبر هو يكول لو عمرك جوا 21.. لو متزوج وعندك اطفال يعني وحدة من الثنين.. ويمكن اذا جوا 21 ومتزوج وعندك اطفال تصير اقوى :)
-
يعني اني فوك ال 21 بس عندي طفل مشمول بهالشي ؟؟
اشو ما سمعنة عن هالقرار
مادام انت تكول اخوك اشتغل يعني القرار موجود
زين انت تكول الى 30 - 9
يعني يلغون القرار ؟؟؟
بس لا تنام علية طابوكة و ما الحك ههههههههههههه
لعد اني راح اروح اشتغل بهوليود هههههههه
-
هاي شباب ماعندي الرابط او الويب مال القرار بس والله اخويا استلم الفيزا كارت اللي راح ينزل بي الراتب والكل مشمول للي مزوج وممزوج اقل من21سنة ومزوج وعندا طفل حتى لو عمرة 60 سنة واني ان شاء الله من راح يطلعلي السوشل سكيورتي مالتي راح اشتغل واني عندي اطفال وعمري 33سنة.وتدللون وروحو للمنظمات مالتكم وطلوا القرار من عيونهم لان كل الولايات مشمولة والله علما اني من شيكاغو.
اخوكم laser77
-
الله يبشرك بالخير يعني بعد ماكو ازمة عمل
زين حتى ما تعتبر معونات
يعني يكلك احسن ما ننطي فلوس وكاعد
خلي يشتغل ويفيد اي احد
هو ماخذ ماخذ
-
اخي ليزر ادري شنو هيه
يعني انروح للمنظمه انكلهم تعالوا شوفولنا شغل لان اخو ليزر لكا شغل على قرار اوباما ؟؟
مدا افتهم الصراحه
اي غير اكو قانون تشريعي بهذا الموضوع نستند عليه
اي قابل اوباما مثل المقبور يصدر قرارات بكيفه
اخي مثل ما كالتلك سرى الورده
فد رابط للقانون حتى نفتهم شنكول من نحجي لان هاي امريكا مو العراق وتروح تحجي ولو تصيب لو تخيب
ولا تزعل من كلامي بس هذا واقع
لو شتكول انت .
-
واللة هذا الي ردت اكولة اخوية التكساسي عاشت ايدك وننتضر جواب من تلاخ ليزر
-
مشكور حبيبي ليزر
تحياتي
Alazawi
-
شكرا على الخبر بس ممكن نعرف انت بيا ولايه وشسم المنظمة الي دتنطي الفلوس هاي؟
-
والله اخي هذا خبر كلش حلو واحنا كلنه محتاجي,بس اخي الكريم كمل جميلك ويا نا وساعدنه ,يعني اخوك منين سمع بالخبر ومن راح قدم على العمل شكاللهم شنو هو القرار الي على اساسه قبلوا حتى نعرف احنه هم شلون نتصرف.تعرف اخي انت المنظمات شلونه هم بلا ياه هلله هله كلشي ميقدمون ,وبالنسبه لمنظمتنه متتحجة وما ادري شلون اروح اسالهم على هيج معلومه وما عندي اي اوليات عليه
-
هاي شباب مرة ثانية
والله ماعندي الرابط او اللنك مال القرار بس ان شاء الله راح اجيب النص مال القرار ؟ اسم المنظمة مالتي هي
heart land alliance
بشيكاغو موقعها
وباجر راح اروح للمنظمة واجيب القرار وتدللون.بس هم روحوا للمنظمات مالتكم وسألو ما بيها شي.
اخوكمlaser77
-
مشكور اخونا العزيز ولو انت تورطت ويانة بس علمود الفائدة مشكور الله يبارك بيك وبتعبك
-
اشو الناس القدامى محد كال شي علة القانون اشو بس اخونا ابو الموضوع جاي جديد لامريكا وحتى سوشيل نمبر ماعندة وسمع بهذا الخبر شنو يجوز احنا معايشين بامريكا والله ما ادري اخوية ابو الموضوع اذا رحنا للمنضمة وكلنالهم اكو هيجي شي راح يضحكون علينا لان ماكو مستند بايدينا واذا ماكو مستند بايدك المنضمة تحلم تنطيك معلومة مفيدة لانه كلهم حرامية وميريدون الناس تستفاد
-
صح اخي العزيز الذكي اني خابرت المنظمة كالوا ما سامعين هيجي شي جائز بولايتة هو اكو لا تنسى كل ولاية تختلف عن الثانية وكل منظمة هم تختلف بالنسبة النا كالوا ما سامعين هيجي شي !
-
صح اختي العزيزة انجي كلامج ذهب بس الاخ صاحب الموضوع كال القانون معمم لكل الولايات وبصراحة من يوم اللي كتب هذا الموضوع ماكو جريدة ما اشتريت واتابع الاخبار اريد فد شي يدل علة هذا القانون ملكيت صدكي ما اعرف لانه اذا صحيح اكو هواية ناس محتاجة هذا القانون اني مدا احجي عن نفسي عندي شغل والحمد لله بس اكو هواية ناس رجعوا للعراق لانه ماكو شغل لانه بصراحة حرام يرجعون للعراق واكو هيجي قانون جاري المفعول والناس متعرف بيه فاني اطلب من الاخ صاحب الموضوع للمرة الثانية ان ينشر القانون او اذا ميعرفة خلي المصدر اللي سمع منة ينشرة حتى اخوانة العراقيين يستفادون مو يرجعون للعراق لانه الواحد اذا عندة شغل وعايش ليش يرجع واشكر صاحب الموضوع مرة ثانية
-
اخاف بس لا القرار هذا بس بشيكاغو
و الرئيس اوباما من شيكاغو
يعني هاي تكريت (العوجة) مال امريكا ههههههههه
و ما يعينون بس الشيكاغيوون (التكارتة )
-
السلام عليكم شباب
صحيح كلام اخونا ليزر اني اليوم رحت للمنظمة مالتي وهي world relief بشيكاغو وكلتلهم عل البرنامج الجديد وكالو اي لكيت شغلة كلتهم اي لكيت كالو اوكي تعال باجر ونترس فورم ونحجي ويا الشركة اللي راح تشغلك واحنا نطيك فيزا كارت ونطيك 10$بلساعة ولمدة خمسة اشهر.
وكلام اخويا ليزر طلع صيح 100%100
والله يبارك بي يارب .واكول لكل الاخوة روحو للمنظمات مالتكم وسألو عل البرنامج .وهو خمسة اشهر فقط.
toneyosf
-
زين اخواني اللي ما اجه على منظمة وين ممكن يسأل؟ وسؤال اخر اللي جايين صارلهم اكثر من 8 اشهر هم مشمولين بالموضوع؟ ووين ممكن يسألون؟ ومشكورين والشكر موصول لصاحب الموضوع على افادة اخوانه
-
مشكور اخ ليزر على الخبر الرائع ومفهوم كلامك يعني القرار لكل من يبلغ اقصى شي 21 سنه ومادون امااكثر فلا يشمل وبالنسبه للشخص المتزوح فينطبق عليه القرارل بغض النظر عن ا لعمر ا لكن اي شخص فوق ال21 وغير متزوج فلا يشمله وهذا قرار شوي غير مغهوم ولكن هذا ما موجود بشكل عام ونتمنى التوفيق للكل
-
الاخت انجي اني اسف اذا عبالج دنصنف
بس اشو الموضوع بس بشيكاغو و اني استغربت
ذكرني بايام قبل
-
اخواني واخواتي الاعزاء
كلام الاخ صاحب الموضوع صحيح هناك قرار صدر من قبل الحكومة لمساعدة اللاجئين العراقيين بتوفير فرص عمل لهم والحكومة هي تدفع الراتب على ان الشغل لمدة من 30 الى 40 ساعة اسبوعيا لان قبل يومين زوجي ذهب للمنظمة (الاثيوبية ) وملئ استمارة وان شاء الاسبوع القادم سيباشر بالعمل ضمن هذا البرنامج والراتب عشرة دولارات بالساعة
وان شاء الله هذا القرار يشمل كل الولايات
هنوة (شيكاغو )
-
حبي هنوة يعني بس اللي اجوا عالمنظمات ؟
-
اعتقد حبي بس اللي عن طريق المنظمات لان الاستمارة تاخذيها من المنظمة اولا وبعدين توديها لصاحب العمل حتى يوقعها
-
ولو تعبتج وياية بس اكو ناس بفرجينيا اعرفهم واريد اكوللهم يروحون يعني اكولهم يروحون عالمنظمة اللي اجوا وياهة؟ هم جايين قبل اكثر من 8 اشهر وتسلمين مشكورة عالرد.
-
ولايهمج حبي اي سؤال اني حاضرة
القرار اطبق بالينوي ومااعرف بغير ولايات خلي يروحون للمنظمة ويسألون
-
زين اخت هنوة يصير تنزلون الاستماره عالاقل ؟
الموضوع بعده بس بشيكاغو (صارو 3 )
-
شكرااا اخوية على الخبر وبارك اللة بيك
-
هلو شباب يمكن على حجي الاخوان بس بشيكاغو اشو محد تيحجي بس اني جبتلكم وحسب مااعرف رئيس ولاية اللنوي مسوي هذا القرار . وهذا الموقع يمكنكم التفضل واسف عل التاخير شباب
http://www.dhs.state.il.us/page.aspx?item=48877
اخوكم laser77
-
والله اني هوايه عندي من هاي المواضيع بس متردد انزل بيها موضوع لان اخاف من الردود مال الاعضاء
يعني اذا واحد سمع بخبر زين وحب يفيد الاعضاء او الزوار يتردد اخواني انتو اقرو الخبر وكلكم دارسين وتقرون انكليزي او اكثركم استندو علا الخبر ودورو بلنت لو تردون حار ومكسب ورخيص الولد جزاه الله خير نقللكم الخبر من حبه الكم
ارجو ان تكون وصلت الفكره وهاذا الكلام ما قصد بي احد للعلم
ملاحضه اخوان الي عنده خبر ينزل بي موضوع وبارك الله بي ومشكور
بارك الله بيك على هكذا تعليق لانه نحن نعاني مثلما انت تعاني
التعليقات تاتي جزافاً والأسئله ما انزل الله بها من سلطان وكأننا في أحد صفوف مسلسل حجي راضي.