ankawa
منتدى الهجرة واللجوء => الهجرة و واللاجئين => الموضوع حرر بواسطة: صقر الجزيرة في 10:06 01/05/2010
-
مرحباً أخوان آني مقدم على برنامج الSIV وأجاني أيميل بموعد مقابلة تقريباً بنهاية الشهر الخامس 2010 ولكني رزقت بمولود جديد والحمد لله اليوم فما هي الاجراءات الواجب أتباعها في مثل هذه الحالة أفيدوني رجاءاً ومثل ما تعرفون الجنسية والجواز مال الطفل تستغرق وقت وآني ما بقالي سوى تقريباً 3أسابيع؟
ولكم مني جزيل الشكر.
-
اولا اهلا وسهلا بك وثانيا الف مبروك للمولد الجديد ربي يخليه الكم ويتربه بعزكم وبنسبة لسؤالك تروح للمقابلة بس تضيف اسمه ومن تكمل اوراقه ترسلها الهم بس هم انتظر رد الاخوة الاخ صفاء هو يعرف هذا الشي اكثر لان هو كان عنده نفس الحالة اضافة طفل
-
آني جداً ممنون أخت أنجي ودا أنتظر ردود ونصائح الاخوان وشكراً لنصائحكم.
-
أخوان وينهم أهل الخبره؟ شنو بس مشاهدات بدون ردود؟ منتظر ردودكم أخوان؟
مع فائق شكري للجميع.
-
الاخ صقر الجزيرة,
الف مبروك على المولود الجديد, بالنسبة للي لازم تسويه هسه انه تضيف المولود الجديد للمعامله مالتك مال اس اي في,تروح للمقابله مالتك بس الي تسويه انه تاخذ ابنك وياك وتاخذ وياك الاستمارة DS-230 بارت 1 و2 متروسه باسم ابنك وياها الصورة الملونه مالته طبعا راح يسالون عن مستمسكات الطفل تكللهم انه من تكمل راح ادزلهميا بال DHL.هاي افضل طريقه علمود لياجلون المقابله مالتك وتتاخر.
واذا تحب تكدر ادزلهم ايميل تبلغهم انه انرزقت بطفل وراح يكلولك جيبه وياك للمقابله وجيب اوراقه الرسميه,الي هي بيان الولاده والجنسيه والجواز ,القرار يعود لحضرتك.
موفق انشاء الله ومبروك مره ثانية.
اختك ليندا
-
اكو فد معلومه نسيت اذكرها قد تفيد الاخوة والاخوات في المنتدى وهي اذا انت مقدم على الاس اي في وصار عندك طفل جديد بعد اصدار الفيزا الك الطفل راح ينضاف مباشرة وياك ويكدر يسافر وياك بدون متسوي اي اجراءات اله.
هذا الي مذكور بالانترنت على موقع السفارة الامريكيه في بغداد.
ليندا