ankawa
منتدى الهجرة واللجوء => الهجرة و واللاجئين => الموضوع حرر بواسطة: asmar22 في 21:22 02/05/2010
-
السلام عليكم ورحمة اللة وبركاتة اخوانى اطلب المساعدة حول اصدار شهادة عدم المحكومية ومنين نبدى بيها وين حاليا مكانها وهية المقصودة (بوليس سيرتفيكيت )
انى اليوم وصلنى ايميل من الان فى سى يردونها منى وانى قبل فترة قريت موضوع كامل عنها بس ما اذكر وين واشلون ابدى بيها وبالرسالة الجاية راح ادز كوبى للايميل الى اجانى اليوم من الان فى سى
اخوكم الاسمر
-
http://www.ankawa.com/forum/index.php/topic,397423.0.html
اخي العزيز هذا موضوع عدم المحكومية للاخت العزيزة سرى ارجو ان تستفاد منه
-
اخونا اسمر اذا انت خارج العراق راح يفيدك الموضوع اللي خلته اختنا انجي مشكورة بس اذا انت بالعراق فهذا الموضوع للاخ العزيز تيتو 80 بيه المكان والاجراءات كلها تقبل تحياتي
http://www.ankawa.com/forum/index.php/topic,384856.0.html
-
السلام عليكم ورحمة اللة وبركاتة
بارك اللة فيكم الاخت انجى والاخت سرى على هذا الرد الكافى بس اريد استفسر ان مكان ها نفس المكان القديم لو تحلوت يعنى المكان الى قبل الانفجار لانها هية كانت قيل الانفجار بساحة الواثق
لان انى صارلى من الشهر العشر السنة الماضية وهسة كامو يردون طلبات منى جديدة من اك الوكت كالو الىكلشى كمل بش التدقيق وهسة دا يردون تصحيحات على الاستمارات منجديد وتقديم شهادة عدم المحكومية وغيرها
المهم شكرا مرة ثانية على كل الجهود الى دااتقدموها للجميع واللة ايوفقكم للجميع
اخوكم الاسمر
-
لا اخوية اسمر المكان تبدل مو خليتلك الرابط والاخ تيتو كاتب المكان والاجراءات اقراها اخوية العزيز واذا عدك بعد سؤال ورة ما تقراها ان شاء الله الاخوة ما يقصرون
-
»
--------------------------------------------------------------------------------
ستى العزيزة سرى دا اقرة بموضوع على بيان الولادة وشفت هذا الحجى واحد من الاخوان كاتبة اقرية رجاءا:وهل اكدر اعتمد علية لو لا ؟
واللة ايفقك للجميع
عدم المحكومية غير مطلوبة بالبرنامج الجديد مال ال5000 اس اي في بالسنة
واذا طلبوه من واحد كحالة فردية المفروض يصير سبع ويكلهم العراق مو من ضمن الدول المطلوب منهم هيجي وثيقة ويشوفهم الويبسايت مالة الخارجية الامريكية اللي بيه التعليمات
شوفوا اخر شي كاتبيه همه هناك:
"Police Records
Temporarily unavailable. Certificates of Non-Conviction have previously been available via the Directorate of Criminal Identification Department in Baghdad. This office sustained heavy damage in a bomb attack and thus, it is not currently feasible to obtain a Certificate of Non-Conviction. "
شوفوا شكد قديمين وتعبانين
وهذا الرابط:
http://travel.state.gov/visa/frvi/reciprocity/reciprocity_3586.html
2.1
-
الاخت العزيزة سرى :
اختى من الرايط الى دزينى الى افتهمت ان مكان الجديد مال عدم المحكومية هوة قريب من ساحة الاندلس يعنى تقريبا يم داثرة الجوازت الرئيسة او يم مستشفى العلوية والواسطى
مع الشكر والامتنان
لكل الجهود الخيرية منك
اخوك الاسمر
-
اخوية العزيز اسمر بالنسبة للرد اللي حضرتك نقلته هو لاخونا العزيز vincenzo ممكن تسأله عن هالموضوع وهو يجاوبك بيه بس اذا تريد نصيحتي انت سويها وما خسران شي يعني اذا ما طلبوها منك عود زايد خير.
بالنسبة للمكان اني ما رايحتله لأن من سويناها كانت الدائرة القديمة ولذلك خليتلك موضوع الاخ تيتو فالافضل انه تسأله عن المكان بالضبط وممكن تبعثله عالخاص واسمه هو Teto80 تقبل تحياتي وان شاء الله موفق.
-
اخوان منو كال اتحول مكانها قبل كم يوم خابرت صاحبي يشتغل بيها كالي بعدها بنفس المكان بساحة التحريات شوكت ماتجي نسويلك عدم محكومية بس الفقرة السخيفة بالموضوع انه لازم العائلة همينة تاخذها وياك
-
يجوز هسه رجعوها للمكان ورة ما اتصلحت
والعائلة كل واحد فوق ال16 سنة لازم تاخذه وياك اكيد.
-
حبيبي اني صاحب الحجي
وهم دزولي الان في سي يريدونه
وكتبتلهم مثل هذا ردي اللي حضرتك نقلته هنا
وهم كتبت تعهد على نفسي وطبعته و وقعته ودزيته الهم ك PDF
كتبت بيه انه اني vincenzo ابن ام vincenzo ما محبوس او محاكم او مرتكب اي جريمة بحياتي غير بس مرة غرموني المرور 30 الف دينار عراقي لان رقم سيارتي جان ما واضح ولهذا وقعت ومشت السالفة
تدري اني ليش هيجي سويت؟؟
لان هاي الوثيقة ما مطلوبة من بعض الدول ومن ضمنهه العراق
بس اللي يطلبهه عادة فد موضف تعبان ومطفي فلازم نوضحلة ونصير سباع
مو مثل بعض الاخوة والاخوات هنا بالمنتدى وخارجه مع احتراماتي يخافون ويتجفون الشر ويروحون يطلعونهه وناطين لزمة علينه كلنه
هذا رأيي وانت بعد بكيفك تريد تاخذ بيه او تريد تسمع كلام اختي szsz والاخرين
بس خلي ببالك انه اني ما اطلعه لو تنكلب الدنيا لان برايي احنا مو مجرمين ومجيكينه امنيا بصورة كافية واللا ما كان شغلونه وياهم واذا لحوا مستقبلا بطلب هالورقة المضحكة مستعد اكلب الدنيا عليهم بطريقتي الخاصة واكو محامين امريكان اصدقاء ديتابعون هالموضوع
اذا تريد تمشي على حسب رأيي كلهم الدائرة تفجرت وهو اصلا ما مطلوب وانطيهم اللنك مالتهم اللي اني ذاكرة
وبقت يمك بعد
بالمناسبة عندي عشرات الاصدقاء اللي هسه بامريكا ولا شايفين ساحة التحريات
احنا ناقصين علاسة ;D ;D
-
الاخ asmar22 ....
المستمسكات المطلوبة وهي :-
-------------------------------------
1- شهادة الجنسية .
2-الجنسية .
3-بطاقة السكن .
4-البطاقة التموينية .
5- جواز السفر .
6- صورتان شخصية ملونة لكل فرد صاحب الطلب .
كل المستمسكات الاصلية تكون معاك وتعمل نسخ ملونة لكل وحدة وتخليها في فايل لكل شخص بالغ وهذا الفايل تنطيه الهم والاصلية وياك .
المكان هو ...
ساحة الواثق - مركز شرطة العلوية - مقابل فندق ايكال - بالقرب من مطعم كرسبي .
مدة استخراج الورقة المطلوبة ( 15 ) يوما اي اسبوعين منذ استلام المستمسكات وعمل الاجراءات بخصوص اخذ البصمات .
وتدفع رسم ( 10 ) الاف دينار لكل فرد .
والاجرءات كلها تاخذ يمكن ساعة اذا ماكو ازدحام .
تحياتي
النسر الذهبي
-
اليلام عليكم اخوانى الاعزاء وبارك اللة فيكم
واتمنى الموفقية للجميع انشاء اللة ياررررررررررررررررب
اخوكم الاسمر