ankawa

منتدى الهجرة واللجوء => الهجرة و واللاجئين => الموضوع حرر بواسطة: TIKTAKTIKTAK في 15:56 04/05/2010

العنوان: طلب صوره قيد من بغداد الى خارج العراق؟؟
أرسل بواسطة: TIKTAKTIKTAK في 15:56 04/05/2010
اخواني و اخواتي العزيزين,,,
شلون واحد ساكن بره العراق يطلع صوره قيد ؟؟ مع العلم السفاره ما اطلع صوره قيد ...و دائره الاحوال المدنيه اتقول الطلب الا يكون معنون...
الغايه من الطلب اثبات الحاله الزوجيه ...
هاي شلون اسووووويها محتاجه مشوررررتكم
العنوان: رد: طلب صوره قيد من بغداد الى خارج العراق؟؟
أرسل بواسطة: عراقي هواي في 17:22 04/05/2010
انت وين بره بدوله اجنبيه لو عربيه اذا اجنبيه تسويه لاغراض الترجمه اعتقد يمشي الحال لان راح يصدق من من الداخليه والخارجيه واذا دوله عربيه.هاي الاخوان يجابوك عليهه لان ما عرف وتقبل مروري
العنوان: رد: طلب صوره قيد من بغداد الى خارج العراق؟؟
أرسل بواسطة: TIKTAKTIKTAK في 18:51 04/05/2010
تسلم أخويه ع الرد..اشرحلك التفاصيل علمود تتوضح الصوره اكثر..
اولا : الدوله هي المانيه و السفاره اب برلين موقفه اصدار اي تأيدات أو اي شئ رسمي ...ماعرف ليش اسمها سفاره ..لمهم قالو طلعوا صوره القيد من بغداد و و ثقوها من الخارجيه يلا المانيا تعتمد عليها ...
راجعنا دوائر بغداد ...قالو هسه صاير بيها فيكه الا اتكون معنونه الى دائره معينه ...
هنا سؤالي
اني محتاجتها لاكثر من دائره في المانيا و كل دائره الها اسم
شنو هو العنوان الي لازم اكتبه ؟
العنوان: رد: طلب صوره قيد من بغداد الى خارج العراق؟؟
أرسل بواسطة: ســـرى في 19:01 04/05/2010
زين تكدرون تطلعون كم نسخة على عدد الدوائر اللي تريدوها؟
العنوان: رد: طلب صوره قيد من بغداد الى خارج العراق؟؟
أرسل بواسطة: عراقي هواي في 20:24 04/05/2010
استاذي العزيز بهاي الحاله شغلتة كلش سهله ليش لان انت راح تطلبهه لاغراض الترجمه وبهاي الصورة مراح تكون بيه عنوان بس حاول تخلي اللي يستخرجهه الك يسويلك اكثر من نسخه مصدقه حتى تستعمله كل ما تحتاجهه واني الممنون
العنوان: رد: طلب صوره قيد من بغداد الى خارج العراق؟؟
أرسل بواسطة: Karadi في 23:05 04/05/2010
اخوية العزيز

شغلتك ماكو ابسط منها يمعود

اول شي الرصافة كلها ويمكن الكرخ همينة سوو  بناية الجديدةل المديرية الاحوال المدنية والجنسية براس شارع الصناعة

هسة انت تريد اطلع صورة قيد 57 شراح اتسوي

ادز اي واحد من عائلتك الي وياك بالقيد يروح للمكان المذكور قبل مايدخل للبناية يلكي كاتب عرايض ...

يروح علية يكلة عندي معاملة مال صورة  قيد للترجمة ؟؟ مو يكلة مال زواج

راح يسويلك فايل و يطلب منك

هويات الاحوال المدنية نسخة مال عائلتك كلها انتبة كلها لانهم وياك بالقيد

والباقي المستمسكات العادية مع تايد مجلس بلدي اذا بطاقة السكن قديمة قبل السقوط

واكو اجرائات بعد لازم يسوية اذا احجيها يراد جريدة اعتقد اي واحد بغداد يعرفها

ملاحظة ...معاملة سهلا جدا جدا جدا ولا دوخ

بس كون يروح الصبح لان من يقدم المعاملة راح يكلولة ارجعلنة بعد ساعتين كون يستلمها قبل 11 الصبح

وبعد ماتكمل راح يطلبون منة فلوس بحدود 15 الف لغاية الترجمة

خلي يكللهم لا اني اترجمها واصدقها من الخارجية شكرا"....

والباقي تعرفة يترجمها عند اي مكتب مثل مكتبة نادر بالكرادة خارج

وهنا اكو فيكة من يترجم يكللهم اريد فد 4 نسخ طبق الاصل

راح يترجمون القيد اربع نسخ كلها مكتوب علية نسخة طبق الاصل

ويروح يصدقها من الخارجة والسلام

حظك حلو دماغي صافي وسولفتلك

واني الممنون


كــــــرادي



العنوان: رد: طلب صوره قيد من بغداد الى خارج العراق؟؟
أرسل بواسطة: ســـرى في 23:12 04/05/2010
مو هي الاخت يمكن بسوريا اخواني مو بالعراق.
العنوان: رد: طلب صوره قيد من بغداد الى خارج العراق؟؟
أرسل بواسطة: UN في 00:53 05/05/2010
بعد شكو نحلت القضية والاخوان مقصرووو بارك اللة بيكم


اختي : TIKTAKTIKTAK

un