ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو ريم في 12:40 06/05/2010
-
السلام عليك
ما الامكانيات القانونيه لتغير موعد السفر وكم المدة الزمنيه يعطون بها لتغير موعد السفر لمره ثانيه وكيف ذالك يرجى من الاخوه ان يخبروني ولكم كل الحب والتقدير وشكرا
-
اخ ابو ريم بالدورات التثقيفيه نصحونه انو منأجل موعد السفر لان متعرف شكد يأخروك يمكن يشمروك سنه دتنتظر موعد سفر هاي وحده وثنين لأسباب معينه يخلوك تأجله ولمره وحده اسباب مقنعه لازم يقتنعون بيها
حسب مكالتلنه ام الدورات يعني مثلا الاولاد الي عدهم امتحانات يردون ياجلون السفر هذا مو سبب مقنع او تريد فتره طويله قبل السفر حتى تبيع املاكك هم مو سبب مقنع ف نصيحه لتأجل وهمه همين نصحونه لنأجل لان متعرف اذا اجلت مره وسمحولك واجوي خابروك على موعد جديد ومشلت التلفون لان مسمعته محسيت راح يلغون الكيس مالتك ويكولون هذا ميريد يسافر ومتعرف الضرف الي حتصير الله يسهلك
-
اخونا انت مأجل قبل وشكد انطوك فتره
والتأجيل الى بسبب مقنع وبأثباتات يعني عندك سبب يقتنعون
بي مثل عندك عمليه وتجيب تقرير يثبت انت عندك عمليه وتاريخه
مثبت في التقرير او ممثل وملتزم بعقد ولازم تكمل العقد لوجود
شروط وغرامات في العقد وتثبت هذا لل iom والله يسهل امرك.
أخوك :ابو حنين
-
أخي أبو ريم
اني على حسب معلوماتي نقلا عن المنظمه أن التأجيل يكون لمره واحده لمدة شهر والمانع يجب أن يكون صحيا بتأييد من القسم الطبي التابع للمنظمه.
يعني في حال كان عندك أو عند أحد من أفراد عائلتك مانع صحي يتوجب عليك الرجوع للمنظمه اللي راح أطبائهم المختصين يقيمون الحاله وأن كانت تستدعي التأجيل فسوف يتم ذلك. وسبب صعوبة التأجيل هو أن المنظمه قد قامت بالتحضيرات اللازمه كحجز بطاقات السفر وتأمين سكن لكم وما ألى ذلك من أمور
نصيحتي ألك أذا كان المانع قوي أرجع للمنظمه قبل موعد السفر بأطول فتره ممكنه وحذاري حذاري من أنو تترك رحلتك من دون تبليغ المنظمه لأن هذا الشي ممكن يكلفك أغلاق ملفك.
تحياتي
-
تكدر تاجل عادي بس يكون اكو سبب مقنع وقوي والتاخير بعد ذالك لتحديد موعد سفر اخر يعتمد على الحجز والفيزا لا يوجد وقت زمني محدد
-
اذا انت مقدم من بغداد فالتأجيل صعب جدا
اني صار عندي انزلاق غضروفي وماقبلوا أأجل السفر ولحيت عليهم بالايميل وما اجلوني غير ايام معدوده فقط يعني كل شئ ما استفاديت