ankawa
منتدى الهجرة واللجوء => الهجرة و واللاجئين => الموضوع حرر بواسطة: aomed aldabagh في 22:55 06/05/2010
-
ما فائدة الكارت الازرق قبل مقابلة التوطين ؟ وهل يعفي من غرامات الاقامة في الاردن ؟ حين المغادرة
-
اخواني الاعزاء احب اعرف دور الكارت الازرق وهل يعفي صاحبه من الغرامات قبل السفر في المطار؟ وحاليا هو منتهي فهل سيجدد لنا ام لا؟ ومن ناحية اخرى عرفنا انه يجعل صاحبه لاجئ وليس طالب لجوء فارجو التوضيح للفائدة .
وشكرا جزيلا
-
اخي قبل ان اجاوبك وضحلي التالي
وين واصل ملفك؟
ليش ما جددت الكارت؟ لازم تاخذ موعد قبل اسبوعين من انتهائه
بالنسبة للغرامات ما عليك منها.. اصلا انت من تسافر امريكا كل تعامل الحكومة الاردنية تصير وية الاي او ام.. يعني ما راح يطلبون منك غرامات.. بس اخاف قصدك السفر الى دولة غير امريكا.. وضحلي
بالنسبة لموضوع اللاجئ فنعم.. انت الان لاجئ حسب الولاية وليس طالب لجوء.. واكولك شغلة.. فد مرة بابا بالاقامة والحدود جان يسال عن شغلة ما ادري شنو.. طلبوا مال الامم مالته او اقامة.. نطاهم الكارت.. يكول راسا احترموني و بالضحك كايله الضابط منو يحاجيك انت هسة بحماية امريكا :)
-
اخي العزيز شغلة الكارت الازرق هي :
يتاكدون الحكومه الاردنيه من انك سليم وليس مطلوب لان هذا الكارت صادر من الداخليه الاردنيه وقبل الاصدار لازم يروح على المخابرات الاردنيه يعني تزكيه انك ماعندك اي شي موزين بهذا البلد
وهي موافقه من الامم المتحده الرئيسيه في جنيف على انك لاجيء ويمنع تسفيرك خارج الاردن مهما حصل
واما عن الغرامات فهي اوتماتيكيا اذا سافرت عن طريق الامم المتحده فانته راح تكون معفي من الغرامات وهذا يصير اتفاق بين الحكومه الاردنيه والا اي او ام قبل موعد السفر بايام
واما عن تاريخ انتهاء الكارت الازرق فهو يصدر مره واحده ولا يوجد تجديد له ويعتبر مستمسك انك لاجيء وهو احسن من الهويه البيضه مال الامم المتحده يعني من تروح تاخذ حسن سيره وسلوك من المخابرات الاردنيه اذا ميكون عندك هذا الكارت محد يصدرلك حسن السيره والسلوك لان اعتمادهم على الكارت الازرق
اخوك : الفريدو
-
اخي العزيز الفريدو
اسمحلي اصححلك معلومة
اني لمن استلمت الكارت الازرق.. انتبهت انه كاتبين ينتهي بفلان يوم.. سالت البنية كالتلي تجين قبل الانتهاء باسبوعين تاخذين موعد تجديد مثله مثل ورقة الحماية