ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 06:41 07/05/2010
-
ألسلام عليكم اخواني يارب اتكونون بخير
اخوان عندي صديقي بسوريا بدمشق طبعا من المخضرميين بسوريا مشكلتة كلا اتي
جوازة باكو منو ما اعرف مكللي وحاول ايدبر امرة ينطي فلوس للي باكو مكدر يوصوللهم حاول ايروح يشتكي كالولة خلال اسبوع تترحل
راح لليو ان وحجالهم المشكلة كالولة بسيطة احنى انخابرك وهذا وجهة وذاك وجة صارلة سنة محد خابرة
اشون واحد ايحل مشكلة هذا الجواز العضيم الي من هوة موجود لا ايحل ولايربط ومن ايضيع تطلع مشاكلة وهية انو ممنوع يسافر لمدة سنة ينمنع من السفر وغرامة 800 دولار ما اعرف شكد ممتاكد
اشون يكدر ايحصل الاقامة مال اليو ان بسوريا حتى على الاقل حماية كلشي ايصير
هاي مشكلة
مشكلة الثانية هوة اخو انقتل بالعراق وعندة اوراق ثبوتية بقتلة وشهادة الوفاة وهوة مهدد وميكدر يرجع للعراق وطبعا هوة ميشتغل وية اي شركة امريكية او شركة تابعة للا امريكان
وقدم على اليو ان وصارلة سنتين بالضبط مشاف باب اليو ان بعد مقدم بيهة محد لا خابرة ولا شي
يارييت اتساعدوني بهذا الموضوع جزاكم الله خير
اخوكم جوزيف
-
مشكور اخوية العزيز بيرج على ردك
راح للسفارة كالولة لازم الجواز هذا ميطلع من خارج العراق بس من العراق
ولازم ترجع واذا رجع
ينمنع سنة من السفر
-
ماشاء الله 52 مشاهدة وماكو رد بس مال اخوية العزيز بيرج ???
يا اخوان الي بسوريا ماشاء الله كومة احد ايرد ترة شغلة كلش ضرورية الله ايخليكم
-
اللة يكون بالعون اخوية و انشاللة جماعة سوريا يردون عليك
-
والله يا اخي ما عندي جواب ولا خبرة بهالموضوع و اني حتى مو بسوريا.. اكتب بالعنوان استفسار عاجل لجماعة سوريا
-
اخي جوزيف شوف هاي من موقع وزارة الخارجية العراقية والموضوع خاص باصدار الجوازات في القنصليات العراقية في الخارج
((حالياً يصدر الجواز A حصراً من المديرية العامة للسفر و الجنسية حيث يقتصر واجب البعثة بتنظيم المعاملات وإرسالها إلى الدائرة القنصلية لايصالها الى مديرية الجوزات لغرض الاصدار و اعادتها الى البعثة.(ان هذا الاجراء ساري المفعول لحين نصب منظومات اصدار الجوازات في البعثات))
يعني واجبهم يستلمون المعاملة مالته وهم اللي يوصلوها للعراق وبعدين يسلموه الجواز لمن يصدر.
وشوف التعليمات التالية بالنسبة لفقدان الجواز او سرقته وايضا تعليمات رسمية
((فقدان الجوازات
قد يتعرض المواطنون إلى سرقة جوازاتهم او فقدانها أثناء وجودهم خارج العراق ولغرض معالجة هذه الحالة تتبع الإجراءات التالية :-
1. تملأ استمارة طلب جواز سفر فاقد .
2. يقدم طالب الجواز نموذج إخبار من دائرة الشرطة أو الإقامة في بلده يتضمن رقم جواز سفره وتاريخ دخوله البلد وإعلام بفقدان الجواز .
3. تدون أقوال صاحب الجواز من قبل القنصل عن كيفية فقدان جواز السفر ورقم جواز السفر وجهة إصداره وسبب الفقدان .
4. يقدم طالب الجواز الوثائق التي تثبت رعويته إن لم يكن الجواز صادر من نفس السفارة .( هوية الأحوال المدنية ـ شهادة الجنسية ).
5. يقدم أربع صور حديثة ملونة.
6. تدقق معاملته مع سجلات السفارة ( سجل الإصدار وسجل التمديد ) إذا كان صادر من نفس السفارة
7. تملأ استمارة الجالية والمعلومات المطلوبة عن الشخص ( يحفظ عنوانه الدقيق )
8. ترسل برقية إلى وزارة الخارجية / الدائرة القنصلية للإبلاغ عن فقدان جواز السفر ورقم جواز السفر المفقود وتاريخ ومكان إصداره لغرض ابلاغ مديرية الجوازات بذلك.
9. تقوم الدائرة القنصلية بارسال تعميم الى البعثات العراقية في الخارج يتضمن معلومات عن فقدان الجواز لغرض ابلاغها الى وزارة الخارجية للدولة المعتمدين فيها للحيلولة دون استخدامه من قبل جهات مشبوهة .
ملاحظة : المادة (7أولاً) من قانون جوازات السفر رقم (32) لسنة 1999 يتضمن منح الشخص الذي يفقد جواز سفره النافذ المفعول في الخارج جواز مرور صالح للعودة الى العراق وتتخذ الأجراءات القانونية بحقه 0
جوازات المرور
تمنح جوازات المرور في الحالات التالية :
1. عندما يفقد المواطن جواز سفره ويرغب بالعودة الى العراق
2. في حالة فصل طفل أو مرافق من جواز سفر مرافقه لأجل العودة إلى العراق .
3.في حالة سحب جواز سفر مواطن ويرغب بالعودة إلى العراق
4.في حالة تسفير شخص معوز الى العراق . المستمسكات التي يعتمد عليها في اثبات الرعوية في ما يخص الفقرة ( 1 ) أعلاه
أ . هوية الاحوال المدنية.
ب. شهادة الجنسية.
ج. صورة جوازسفر طبعة نافذة.
يملأ المواطن استمارة تتضمن معلومات عن اسمه ومواليده ومحل إقامته ورقم جواز سفره السابق إن وجد وعنوانه في العراق مع أسماء الأشخاص الذين يستدل عليهم وعناوينهم.
الاجراءات العملية لإصدار جواز المرور
1. تدون المعلومات في حقول سجل إصدار جوازات المرور(النموذج المرفق) وتوضع صورة المواطن في السجل مع ذكر المستمسكات التي استند عليها في إصدار جواز المرور وأسماء المرافقين وصورهم مع مواليدهم.
2. تدون المعلومات وتوضع صورة المواطن ومرافقوه في الجواز وتختم الصور بختم القنصلية.
3. تدوين رقم الجواز وتاريخ إصداره وتاريخ إنتهائه ( التي عادة تحدد بستة أشهر).
4. يدون في صفحة التأشيرات ما يلي : أصدرنا هذا الجواز لفقدان جواز سفر حامله أو لفصله من جواز سفر .... لتمكينه من العودة إلى العراق .
5. يوقع جواز المرور من قبل القنصل ويختم بالختم القنصلي مع ذكر اسم القنصل باللغتين. ملاحظة :-
يستعمل هذا الجواز لسفرة واحدة و هي العودة إلى العراق و يسلم عند نقطة الدخول إلى الأراضي العراقية.))
اذا تحب ارجع للموضوع التالي اللي اخذته من الموقع الرسمي
http://www.ankawa.com/forum/index.php/topic,397423.0.html
تقبل تحياتي اخي جوزيف واتمنى هاي المعلومات تساعدك على حل مشكلة صديقك.
-
اكلك جوزيف اسهل من الجواز بالعراق ماكو
اي شخص من دائره الجوازات يكدر ايطلعله جواز ويدزولهياه لسوريا وفضت راحت
والبصمه يدزهه بالانترنيت للعراق
مو فد مشكله
تبقى مساله الختم مال الدخول الي بسوريا
هاي ما اعرف اشلون راح ايدبرهه
-
اخي مؤقتا يكدر يطلع جواز s من العراق و هوة في سوريا و خلاص بفلوس مثلما الايرانيين جاي يسوون ماكو شي صعب بالعراق و عندك فلوس
مصطفى
-
هاي حلوة مال تراجع السفارة حتى يعفطوله
-
يوصي احد من اهله يسويله جوازمن العراق بفلوس
-
الموضوع مو موضوع شلون يحصل على الجواز هاي سهلة وتنحل
لكن الاهم عند الحصول على الجواز الجديد كيف ينقل ختم دخوله الى سوريا الى الجواز الجديد
وجوازه الي داخل بيه اصلا ضائع ؟؟؟؟؟؟؟؟؟ هوة هنا السؤال
بس اخي اتمنيت انه اساعدك بس انشالله راح اعمل على الاتصال بالاقارب والاصدقاء بسوريا
واحاول انشالله ماقصر بعون الله وبعون الطيبين الي بسوريا
ملاحظة اخي الكريم \\\\ تكدر تراسلني على الخاص بخصوص الموضوع وتنطيني اسمه الكامل؟
وتاريخ فقدانه الجواز ؟ وهل لديه نسخة من الجواز الضائع ؟ وتاريخ دخوله اخر مرة الى سوريا؟
اذا لكيناه خير على خير حتى لو صارلة اكثر من سنة من فقده؟
واذا مالكيناه ممكن نساعدة ؟
ارجوا المراسلة على الخاص
-
مشكوريين اخواني الاعزاء وبارك الله بيكم وشكر خاص لا اخت سرى بارك الله بيج اختي العزيزة
وشكرا جزيلا مرة ثانية
اخوكم جوزيف