ankawa
منتدى الهجرة واللجوء => الهجرة و واللاجئين => الموضوع حرر بواسطة: مايوو في 18:08 07/05/2010
-
اخوان سؤال
حصلت كرين كارت هل من الممكن العوده للعراق للزياره وارجع مره ثانيه اكو ولد راحو ورجعو عادي واكو يكولون منعو دخولهم وكلولهم انتو لاجئين شلون رجعتو لبلدكم وهم عدهم كرين كارت
واكو يكولون حسب قناعه ضابط الجوازات يعجبه يدخلون ضايج ميدخلون
وشكرا
-
الاخ السائل هو مو شغلة ضايج لو لا بس الافضل انه تكون عندك حجة مقنعة للعودة للعراق لأن هم مو انطوك لجوء وانت ترجع للبلد اللي انت طالب لجوء منه بسبب الخوف مو صحيح؟ يعني شنو حجتك للزيارة ؟ وهاي شغلة مهمة ودير بالك من ورة شغلة محاولة التفجير مال التايمز سكوير بنيويورك هسه مشددين على منح الجنسية وحتى اكو مشروع قرار هسه يريدون يناقشوه انه يسحبون الجنسية من اي مواطن امريكي يثبت تعامله او معاونته او اشتراكه او تمويله لاي عمل ارهابي. فأخي عندك حجة مقنعة وشكد راح تغيب عن امريكا وبالعراق وين راح تروح ليامحافظة؟؟ هاي كلها خليها ببالك قبل ما تقرر تروح لأن راح يسألوك بيها./ اختك سرى
-
مرحبا
سؤالي للاخوة اني زوجتي وابني عدهم كرين كارت صار تقريبا 5اشهر وينوون الذهاب لبغداد زيارة لمدة شهر لاسباب عائلية هل المفروض يبلغون دائرة الهجرة قبل السفر واعلامهم بالاسباب علما احنا هجرة مو لجوؤ وهل سيواجهون صعوبة او منع بالعودة الى امريكا وهل لازم يسوون ترفل دوكيومنت علما انها تكلف هواية وتستغرق فترة طويلة ارجو الاجابة الصحيحة مع شكري الجزيل
-
اخوية اذا انتو هجرة عادي ماكو مشكلة وما يحتاجون الترافل دوكيومنت الا اذا ناوين يبقون سنة فما فوق وراجع تعليمات الUSCIS بهذا الخصوص.
-
اخي العزيز 000
بعد الحصول على الكرين كارت ينتهي وضعك كلاجئ الى الابد ويتحول قانونيا الى مقيم دائم وليس لاجئ وكونك مقيم دائم يحق لك الفر لاي بلد بالعالم شرط ان لا تتجاوز 180 يوم واذا كانت اكثر من 180 يجب ان تحصل الى موافقه للدخول للولايات المتحده من الهجره 000 المزاجات ليس لها دور بالقانون وانما الضوابط الواضحه وبالمناسبه جارتي هنا عراقيه كانت لاجئه واخذت كرين كارد وهسه صار لها اسبوعين ببغداد زياره 0000
تحياتي
ابوبشير
-
مرحبا
بلنسبة لكرين الكارد حسب علمي
لايحق لحامل الكرين كارد العودة الى العراق واذا الشخص قرر العودة عليه ان يتحمل المسؤولية حماية نفسه
فالافضل عدم الرجوع
مع فائق الاحترام والتقدير
-
اخي العزيز 000
ممكن تذكر مصدر المعلومات هذي لان هواي سافرو للعراق بالكرين كارد ورجعو امريكا وشغله طبيعيه جدا بس اذا عندك مصدر رسمي للمعلومات نكون جدا ممنونين منك وجهودك مشكوره اخي العزيز 000
تحياتي
ابوبشير
-
كل واحد يحكي شكل!!!