ankawa
منتدى الهجرة واللجوء => الهجرة و واللاجئين => الموضوع حرر بواسطة: ام حمزة في 15:41 09/05/2010
-
السلام عليكم
انا اختكم ام حمزة مقيمة في سوريا منذ 17\6\2007 وقدمت على اليو ان واخذت ورقة حماية في تاريخ 21\1\2009 وسبب تاخيري لتقديم لليو ان كان عندي امل حالي كحال كل العراقيين انه نرجع للعراق الحبيب وبعد الاحداث والاخبار عن العراق رحت
قدمت لليون ومن ذاك اليوم لا احد اتصل بيه ولا احد دز عليه لكن سؤالي هو انه اني كنت في دائرة رئاسية من سنة 1989 ولغاية 1996 قدمت استقالتي وطلعت هل هذه المعلومة اللي اني ذكرتها تؤثر على موضوع اللجوء
واني ماعرف وين اروح وشلون احرك ملفي واكلهم اريد لجوء مع جزيل شكري واحترامي لكل من يرد
-
رفع للمساعدة
-
اعتقد تاثر
-
لا اختي ام حمزة ماياثر اذا اكو هواية الي سافروا كانوا يشتغلون بمناصب حساسة انتي المفروض كل فترة تراسليهم تسالين عن سبب تاخير او تبعثين الهم مناشدة بين فترة وفترة اعتقد هيجي يتحرك الملف وانشاءلله يتلصون بيكم عن قريب ربي يوفقك
-
شكرا عزيزتي على الاجابة هل لديكم ايميل لليو ان في سوريا يخص موضوع اللاجئين حتى اراسلهم ولكم جزيل الشكر والاحترام
-
قسم التوطين سوريا
iomdamascus@iom.int
0991009334
0991009335
0991009336
0991009337
00963-6121370
00963-6121375
-
شكرا حبيتي انجل واتمنى ان تقبلي صداقتي واتمنى ان اتعرف على شخصكم الكريم اكثر انت في اي بلد انا في سوريا في ريف دمشق
-
اتشرف بيج حبي اهلا ومليون سهلا بك اخت عزيزة وغالية اني بالولايات المتحدة وبولاية مشكن واي شي تامرين به تدللي
-
تسلمين ياعيوني اني الي الشرف بالتعرف بيج شلون احصل تلفونج الارضي بمشكن حتى اتصل بيج
-
ان شاء الله يتصلون بيج اختي الكريمة ام حمزة ....
بس التحويل هم يعتمد بالدرجة الاساس على القصة والاحداث والمبررات التي دعتك للخروج من البلد والتهديدات في ذلك الوقت
واصلا شغلك منتهي من اكثر من 10 سنين بس اذا انتي رابطة شغلك القديم مع الاحداث الجديدة بعد الحرب وسبب هروبك لسوريا ان شاء الله يساعدك بالتحويل للتوطين
واذا عندج معلومات جديدة تكدرين اتضيفيها تكدرين تروحين لليو ان وتسوين تحديث للملف واتمنى هذا الشي يساعد بتحريك ملفك
بس انتي اهم خطوة سجلتي بالمنتدى وان شاء الله فال خير على الجميع ونسمع اخبار مفرحة عن قريب
اخوك ابو محمد
عماااااااان.......حاليا
ومرفوض من امريكا 2009 ...سابقا
-
اشكرك اخي ابو محمد واني الله شاهد ماعندي اي ارتباط بعمل حكومي منذ استقالتي واجاني التهديد لان وجدو اسمي في ارشيف الدائرة القديمة
انت شنو سبب رفضك اني سمعت انه التوطين من عمان وتركيا كلش سريعة
مع احترامي وتقديري لكل الحاضرين
-
والله اخي اني ماعندي اي كفيل في امريكا فحسب معرفتك اذا ماعندي كفيل تتاخر شغلتي
-
الف مبروك اخي واتمنى لك من الله التوفيق وادعو ان يكون الله كفيلك في الغربة
-
الاخت ام حمزه
تحيه طيبه
اني اعرف شخص كان مسؤول في القصر الجمهوري بس مو بمركز
كلش كبير وسافر من سوريا الى امريكا بسنة 2008 وهسه ولده
متزوجين وهم سافرو وراه والحمد لله لم يتأخر سفر فلتفكرين بهاذا
الموضوع المهم عدهم الشخص كون منصبه مابي اذيه على بشر
هذا اهم شي عدهم حسب ماشفته والله واعلم واما بلنسبه للكفيل
مابي تأثير على الملف لا يقدم ولا يأخر بنسبه لسير الاجراءات على
الملف واختي كوني واثقه من هذا الشي وان شاء الله يتصلون بيج
باقرب وقت والله يسهل امورج.
اخوج ابو حنين /سوريا
-
الاخت ام حمزة ....
انا سبب رفضي كان الاختيار الرابع (عدم المصداقية ) وكنت في سوريا وكانت مقابلة المحلفين جدا مزعجة في وقتها وجميع العوائل القابلو كانو منزعجين وحتى نتائج الرفض كانت بالجملة وكثير من العوائل انرفضوا ونفس الاختيار اكثرنا ...ولحمد لله على كل حال
والان انا قدمت من جديد في عمان قبل ايام والله كريم ...ولسفر كله قسمة ونصيب يا اختي
وتحياتي للجميع
ابو محمد
-
اختي اي عمل رسمي بدوائر الدوله وخاصه بالجؤء في سوريا ياثر على التوطين وبصراحه يجوز تتاخر شغلتك لان يعتبرونك من النظام السابق مستفيده مثل الظباط والرفاق الحزبيين وانشالله تفرج عليك قريبا الله ارحم الراحمين
-
شفت رد الاخت انجي وحبيت اضييف شي احنه ليش كل واحد يفتي بكيفه لازم رد يكون دقيق وقرات الاخت انجي تكول هواي ناس طلعو مراكز حساسه وانه اخالفها الراي وخاصه في سوريا الظابط والرفيق لايقبلون نهائيا حتى وان راجع البعض منهم قسم التوطين يجيلهم تاجيل الى مدى بعيد والي مراكز حساسه همين تتاخر شغلتهم خلينه نكون واقعيين اله عدهم اسباب قويه واوراق تثبت يعني مثلا لاسامح الله قتل خطف اصابات واضحه لان بسوريا هوايه عراقيين والقبول بيه هوايه شروط ولو تحبون اذكركلم اهم المقبولين بسوريا القصد انو ماكو شي مستحيل بس همين اكو ظوابط يمشون عليها
-
اخي طيوب اني متاكدة كل التاكيد من كل كلمة كتبتها وفعلا هوايه ناس سافروا وهما مشتغلين اماكن حساسة سوى ضباط او عمال القصر او الحرس الجمهوري او غير وظائف اخرى وما اريد اذكر الاسماء الي هما كانوا اعضاء ويانه وهسى هما وصلوا لامريكا - وثانية كل الردود كالوا نفس كلامي اشمعنا بس ردي هو الي انتقد ؟
-
ام حمزة ربي يفرجها ان شاء الله عن قريب بس انتي سوي مناشدات وحاولي قدر المستطاع تتواصلين وياهم وتابعين قضيتج واخي طيوب حبيت اكول شئ وهو اول الناس اللي طلعوا وجابوا لجؤ هم الناس الكبار بالمناصب والناس اللي مشتغلة بمناطق حساسة وكانت في وقتها انذاك اسهل من الان ولكن عمل المنظمة يتطلب هواي وقت وممكن ان يكون هناك اجراءات اطول بالنسبة للعسكريين او خلافه ولكن اسباب الرفض ليست مقترنة بمجرد العمل في مناطق حساسة وعليه ان كان سيحدث فسيحدث تأخير للتأكد والاستعلام والخ .. وهناك اناس تم رفضهم وذلك كون اسمائهم كانت مرتبطة بأسماء ناس مطلوبين او ماشابه
اخذ عندك احنا هنا موجود في وجبتنا هذه عميد وكان مأسور لدى ايران وعاد الى العراق في 94 او 96 وواصل حياته كعسكري وهو الان مقدم في الاي او ام ومقبول من قبل المحلفين
-
اخي العزيز طيوب
اني اعرف هوايه ناس سافرو ظباط ومراكز بلدوله ورفاق حزبين
بس هذا الشي يعتمد مثل ماكلت سابقآ اذا الشخص بنظر الun
او الوفد كان مؤذي للبشريه ميقبلوا وبنسبه للحزبين اذا كان منصبه
قيادي بلحزب ميقبلو . وللعلم اني اعرف واحد ظابط وصنفه صواريخ
وبرتبة رائد لحد دخول الامريكان وافقو عليه وسافر لامريكا.
-
الاخت ام حمزه السلام عليكم
ان شاء الله يخابروكم بس اريد اكلج فد شغله انتي سجلتي عام 2009 وهسه احنه بال2010 يعني صار سنه وشويه تدرين اني مسجل على اليو ان عام 2006 عام 2010 يله حولوني توطين فاطمئني ان شاء الله مراح يبقى واحد اذا ما يخابروه والله ارحم الراحمين
-
السلام عليكم اخواني واخواتي الاعزاء
اليوم عندي سؤال من جارتي اللي هسه كاعدة يمي وشوفتها المنتدى اللطيف الصادق وسلمت على الجميع وعدها سؤال هو شنو الفرق بين التوطين واللجوء وتكول اذا طلعت الى بلغاريا وحصلت على الجواز البلغاري مال اللجوء اكدر اروح غير بلد واقدم هناك على لجوء جديد وهل صحيح انه في اي بلد اوربي بعد الخروج منه تسقط الصمات بعد 6 اشهر ولكم جزيل الشكر والاحترام
-
السلام عليكم اختي العزيزة ام حمزة وسلام وتحية حارة لكل الاعضاء
اختي العزيزة اتصال اليون بيج يعتمد على مدى قوة القصة مالتج واذا كانت مدعمة باثباتات
اتمنى يتصلون بيج باقرب وقت
-
الأخ طيوب ..
اخي العزيز هناك الكثير من اللاجئين العراقيين الذين سافروا الى امريكا وموجودين في العديدي من الولايات الامريكيه منها على سبيل المثال اريزونا وهيوستن وفرجينيا وكاليفورنيا ومينيسوتا ولاس فيغاس وولاية اوهايو وغيرها من الولايات الاخرى وهؤلاء كانوا ضباط كبار في الجيش والحرس الخاص ومنهم ضباط في جهاز الامن الخاص وضباط في المخابرات وضباط في الامن العامه والاستخبارات العسكريه وضباط في الحمايات الخاصه وعدد كبير من الرفاق الحزبيين بدرجة عضو شعبه وعضو فرقه وهناك اعداد اخرى تنتظر السفر من مثل هؤلاء .. وللعلم كثير من هؤلاء سافرو من سوريا والاردن لان اكثرهم متركزين في هذه الدولتين ..
اختي ام حمزه ..
عملك السابق لن يؤثر في شيْ على الاطلاق طالما نكي مستقيله منذ عهام 1996 ولكن في المقابلات تجنبي ذكر المعلومات الحساسه عن عملك السبق لكي لا تدخلين معهم في متهات الاسئله الفرعيه ..
تقبلي تحياتي
اخوكم شمعة
-
كل من لم تلطخ ايديهم بدماء العراقيين مهما كانت رتبتهم ومركزهم في الدولة السابقة
الابواب مفتوحة لهم في اي مكان اذا انطبقت عليهم نصوص اللجوء
-
الاخت ام حمزة الصبر مفتاح الفرج وهذا النوع من المعاملات يحب الصبر وان شاء الله ماكو اي شئ يأثر على قضيتج من حيث مكان العمل او المنصب والله يسهل عليكم اجمعين
-
السلام عليكم
قبل اسبوع وصلتني رسالة من اليون حول الحصة الغذائية في تاريخ 19--6 واليوم وصلتني رسالة تكول على صاحب الملف الحضور الى مركز دوما بعد الساعة العاشرة فمل فتهمت شنو يحتاج اروح ويا زوجي لو ماكو داعي
-
اختي ام حمزة و الله اني اعرف اعضاء فروع و اعضاء فرق و شعب بحزب البعث و هسة يسمعون حسج بالمانيا و بالسويد و حسب ما سولفولي اصدقائي الي بالمانيا كالو اشو عضو الفرقة اجانة من سوريا و الاردن و حصل توطينو اقامة و احنا الي صارلنا عشر سنين كلشي ماكو فما اعتقد تاثر هاي السالفة