ankawa
منتدى الهجرة واللجوء => الهجرة و واللاجئين => الموضوع حرر بواسطة: اسد العراق في 21:23 10/05/2010
-
السلام عليكم
الى الاخوة الاعزاء وخصوصا الي ساكن في ولاية فرجينيا اريد ان اعرف كيف هي الحياة في فرجينيا من ناحية العمل والسكن والمساعدات ارجو افادتي
والشكر الجزيل
اخوكم اسد العراق
-
اخي العزيز ولاية فرجينيا ولاية حلوة وجميلة جدا الطبيعة والخضار غالب عليها بالنسبة للعمل ما اكدر اكوللك شي حاليا بس هي من الولايات القريبة عالعاصمة وبصورة عامة فرص العمل افضل بيها لأن ممكن تسكن بفرجينيا وتشتغل بالعاصمة وهي منطقة مرغوبة بالسكن لأن هادئة والمواصلات بيها موجودة ومريحة والمترو يصل الى اماكن كثيرة خصوصا القريبة من العاصمة واشنطن دي سي واكو مشروع مترو ديشتغلون بيه الان يحاولون يغطون مناطق جديدة
اكو جالية عربية وعراقية بس حسب المناطق توجد هنا جالية ايرانية واغلبهم يشتغلون.
احنا ساكنين بمنطقة بيها قلة من العرب ومنطقة حلوة بالنسبة للايجارات دائما اخذها قاعدة ماكو حار ومكسب ورخيص مثل ما يكولون الايجارات هنا يمنا مو رخيصة لانه قريبة عالعاصمة ومرغوبة بس كلما تروح بالمقاطعات البعيدة عن العاصمة تقل الايجارات وطبعا اذا وحدك مو مثل العائلة يعني اكو مناطق ممكن يسكنون بيها عزاب بس ما ترهم للعوائل.
بالنسبة للمساعدات هاي ما اعرف بيها الاخ ابو راشد في طريقه بالسلامة ان شاء الله الى هنا وهو يكدر يكوللك ان شاء الله. احنا هجرة خاصة واجينا على حسابنا اذا انتو عائلة فأكو برنامج يعطوك بيه دورات بشغل او لغة حسب وضعك ولازم الام والاب يشتغلون وهذا اني منزلته بالتفصيل الممل في موضوع منفرد هذا الرابط اله
http://www.ankawa.com/forum/index.php/topic,403207.0.html
واذا عندك سؤال بعد تفضل وان شاء الله ما نقصر وياك. اختك/سرى
-
اخي اسد العراق انت باي مدينة في ولاية فرجينيا لان كل مدينة تختلف عن الثانية بالمساعدات والايجارات ونظام المنظمة ممكن ذكر اسمه المدينة
-
وهاي بعض المواقع اللي دورنا بيها لمن ردنا نأجر وتكدر تطلع عالمدينة او المقاطعة اللي راح تروحلها حتى تكون عندك فكرة واضحة.
هذا الموقع وبيه باسفل الصفحة اسماء المناطق من تروح عالمنطقة تطلع صفحة بيها البيوت او الشقق حسب ما انت تريد واكو بيها صور مع مواصفات السكن والسعر وقسم يكوللك السعر تعرفه من تخابر على رقم معين.
http://www.rentals.com/Virginia/
وهذا ايضا تختار المنطقة وتروح عليها وتشوف الاسعار
http://www.apartments.com/Virginia
وهذا همين كلش حلو يومية بيه تحديث او اعلانات جديدة
http://washingtondc.craigslist.org/nva/apa/ وتكدر انت تختار المنطقة اللي بفرجينيا وتدور بيها.
-
الشكر الجزيل الاخت szsz على ردك وهتمامك باخوتك العراقين وانا ممنون منك كثيرا بس اريد اسال بالنسبة للعمل اني مهندس ميكانك ولدي خبرة كهرباء سيارات وزوجتي كوافيرة حاصلى على شهادة خبرة من مصر بدرجة ممتاز هل ينفعنا في امريكا والا الا تاخذ كورس عدهم هناك
مع احترامي وتقديري لكي اختي العزيزة
ويفقكي على مساعدة اخوتك
-
شكرا لكي اخت انجي على ردك وهتمامك ومساعدة اخوتك العراقين بس والله لحد هسة ما اعرف بيا منطقة بس اعرف الولاية وانشاء الله اليوم اعرف في اي منطقة في ولاية فرجينيا واكتب وارجو منكم افادتي
مع احترامي وتقديري
لكي ولكل الاخوة المخضرمين في المنتدى الرائع
-
وهذا دليل ولاية فرجينيا للاخ ابن بغداد ان شاء الله اتحصل منه معلومه مفيده
http://www.ankawa.com/forum/index.php/topic,305322.msg4420709.html#msg4420709
-
اخي العزيز اسد العراق
انتظرني كم يوم واني رح اسولفلك على وضع المساعدات
لان اني بعدني ما واصل
اختي سرى شلونج ان شاء الله بخير
احنه هسه بلوس انجلس وكلش حلوة
تعبانين ومنهوكين من السفر وباجر ان شاء الله طايرين لفيرجينيا
-
شكرا y.a.r.a على الموقع ومساعدتك
والاخ ابو راشد انشاء الله توصل بالسلامة
وتستقر وتوفق بحياتك
مع تحياتي و تقديري للجميع
-
مشكورة حبي يارا عالرابط لولاية فرجينيا.
اخي ابو راشد شلونك يارب تكونون بخير وتوصلون بالسلامة وتنورون فرجينيا وان شاء الله من توصلون وتشوفون الولاية راح يروح التعب.
الاخ العزيز اسد العراق بالنسبة للكوافيرة اللي اعرفه انه لازم تاخذ رخصة عمل بس اعرف وحدة عراقية هنا تشتغل مو بمحل حسب ما عرفت بس تروح للبيوت وتاخذ اجرة عاليوم حسب عدد الساعات بس ممكن اسأل وارجعلك خبر. بالنسبة للهندسة الميكانيكية هاي تعذرني ما اعرف بيها واذا عرفت شي اكيد اكوللك تقبل تحياتي وان شاء الله من تعرف منطقتك هم كولنا. اختك/سرى
-
تسلمين اختي سرى على ردك السريع والوافي شكرا لمجهودك
مع تقديري لكي
-
وهذا الموضوع يحتوي مجموعه روابط فرجينيا
ان شاء الله تستفاد منه
http://www.ankawa.com/forum/index.php/topic,375421.msg4376073.html#new
-
الاخوه والاخوات الاعزاء اشكركم على ردودكم الطيبه وتعاطفكم معي في هذا الموظوع سالتوني على اسم المقاطعه والمدينه هذا اسم المقاطعه والمدينه Turnham Green ct \sterling va \ stateis va هذا عنوان الكفيل مالي فارجو اعطائي معلومات عن هذا العنوان وهل هنالك مقاطعه بهذا الاسم او في غلط بالعنوان فرجاءا معلومات كامله عن هذا المكان وانا اشكر كل من ساهم في الرد على الموظوع واتمنى لكم دوام الصحه والعافيه اخوكم اسدالعراق
-
اي اخوية العنوان صحيح بالنسبة للمنطقة بس طبعا ناقص بالبداية رقم البناية او البيت مال كفيلك طبعا انت شايله من العنوان مو صحيح؟ المهم المنطقة صحيحة.
-
شكرا اختي العزيزه على ردك السريع ونفسك الطيب ويانه اختي صح اني شلت الرقم من العنوان ولو راح اتعبج ويايه ممكن اعرف طبيعة البلد هايه شنو بالنسبه للمساعدات والشغل والعيشه بيه والايجارات وانا اشكركي جدا وممنون جدا منكي اختي العزيزه والى كل الاخوان والاخوات الي شاركونه بهذا الموظوع شكرا وتقبلو تحياتي اسدالعراق
-
بالنسبة للمساعدات اني ما اكدر كلها انطيك معلومات عنها بس انت وياك عائلة لو وحدك؟ لان تفرق بالمساعدات. اما بالنسبة لستيرلنغ فهي منطقة حلوة بصورة عامة والايجارات ممكن اجيبلك روابط منها تاخذ فكرة.
-
شوف الرابط التالي تروح عالشقة اللي مكتوب بيها sterling,VA لأن هذا الموقع يخلون المدينة اللي انت تريدها والمدن القريبة منها همين.
http://www.apartmentguide.com/apartments/Virginia/Sterling/?order=asc&sortby=pricelow
والموقع التالي من يكون عندك اسم بناية معروضة شققها للايجار او اسم مجمع سكني وتريد تشوف التقييم الماخذه هذا الموقع يفيدك
http://www.apartmentratings.com/rate/VA-Sterling.html
واكو مواقع هواية احنا هيج سوينا من اجرنا واسأل كفيلك عن المنطقة يعني بيش الايجار يمهم؟ ومثل ما كتلك العائلة مو مثل الاعزب وبالتوفيق ان شاء الله.
-
شكرا اختي العزيزه انا وزوجتي فقط انا ممنون جدا واشكر جهودك الطيبه معي و مع كل من يحتاج الى معلومات في هذا المنتدى الرائع والله يوفق الجميع
-
حسب ما عرفت انه العائلة بصورة عامة مساعداتهم احسن بس ما اكدر انطيك رقم محدد لأن احنا اجينا هجرة خاصة وعلى حسابنا يعني بدون منظمة. الله يوفقكم اخي العزيز تقبل تحياتي.
شاركونا في الاستفتاء بنعم او كلا
http://www.ankawa.com/forum/index.php/topic,411306.0.html
-
مساء الخير عليكم جميعا اخواني واخواتي الاعزاء اليوم عرفت معلومه جديده بخصوص الكفيل مالي الي ساكن في ولاية فرجينيا انهو اذا اتصلو بيه يروح هو عليهم ويوقع ويتكفلني بس من اوصل الى الولايه حتى بالمطار ميجي يستقبلني هل هذا ينفع ام ابحث عن كفيل غيره ومن الله العون والتوفيق
-
اعتقد انه ممكن يجون من المنظمة يستقبلوك والافضل تخلي الكفيل يتأكد من انه اكو احد يجي يستقبلك من المطار.