ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البغدادي في 22:58 10/05/2010
-
اخوتي الاعزاء اعضاء المنتدى المحترمون هل اخذ معي جهاز حاسوب لابتوب او اشتري من امريكا احسن علما ان سفري الى ولايه نبراسكا لانكن العاصمه مع تحياتي لاخوتي بماذا تنصحوني تحياتي لكم
اخوكم امير البغدادي
-
اخي العزيزة اخذه وياك بينما تشتري مناك يفيدك اول فترة من توصل وتكدر تربط عالانترنيت بالمطار مثلا اذا تريد تتصل بأحد ويفيدك من تدور على اماكن معينة وبقت يمك هي جنطة لابتوب وشيلها وياك. اختك/سرى
شاركونا التصويت بنعم او كلا عالرابط التالي
http://www.ankawa.com/forum/index.php/topic,411306.0.html
-
اخذه وياك مثل محجت اختي سرى يفيدك بين ما تشتري مناك هو فايدك اهوايه الله يوفقك
-
السلام عليكم
اخوية العزيز اذا انتة مشتري فجيبه وياك , وشعندك اقراص برامج تعاريف جيبهة وياك لان محد راح ايسألك او يحاسبك عليهة , هاي شغلة والشغلة الثانية اذا ما مشتري بعدك فلتشتري من تجي تاخذ احسن مواصفات الابتوب والصناعة خصيصة لامريكا يعني طاك بهواي ارخص واحسن ماتشتري من العراق أو تكدر تشتريه اول متوصل من اقرب بيس باي واعذرني لان كتبتهة بلعربي
اخوك من كنتاكي
-
اخي مثل مااتفضل الاخ اذا مامشتري فهنا هواية ارخص بس جيب وياك ستكر حروف عربية
-
من رخصة اختي ام محمد ما يحتاج ستكر حروف عربية اني اشتريت منا من موقع الامازون ب4 دولارات وموجودة بكل الاحجام والالوان وحتى انواع الخطوط العربية.
-
اكيد الشراء من امريكا افضل بالسعر والنوعية ونسخة الوندوز اصلية وهذا مهم جدا وعندما تصل بالسلامة الافضل ان تشتري من كوسكو costco
-
صحيح سراوي بالامازون باربع دولارات بس اذا هي موجودة كبالة خلي يجيبها وين المشكلة
تحياتي ياوردة المنتدى
-
اي هم صحيح حبي بس مو هو اخونا متعاجز من اللابتوب ههههههههههههه اتشاقه وياك اخوية مو تزعل.
شاركونا التصويت
http://www.ankawa.com/forum/index.php/topic,411306.0.html
-
اخي الحبيب اعتقد انه انت تاخذ اللاب توب وياك وخصوصا انت راح تاخذ فترة هناك الى ان ما تبدي تصفي الامور الاساسية من سكن واحتياجات السكن ومراجعات والخ فهذه كلها فترة راح تاخذ لها وقت مو بالقصير وعليه وجود لابتوب معك راح يسهل عليك بعض الامور واضف الى انه حيكون وسيلة ترفيه للطريق وللفترة الاولى الى حد ما توصل تلفزيون وكيبل والخ ... من الترتيبات
-
اخي الافاضل
اذا كنت ناوي تشتري فاشتري من توصل بخير وسلامه لان ارخص واجود وضمان بالاضافه الى ذلك
ممكن ان تغير جهازك بعد متشتري وبالنسبه للحروف ممكن تشتريها وتاخذها وياك لان ارخص وقد
متلاقيها بولايتك ومتاخذ حجم او وزن
تحياتي
-
نصيحه لازم تشتري قبل ما تجي لان من تصل الف حسبه براسك ودوخه وارسك مصطور و ماتعرف بيش تفكر فعلى الاقل حسبه ناقص
-
اخوية اشتري جهاز من العراق وفضهة !!!!!!!!!!! ولاتدوخ
-
اخوتي الاعزاء اني اشكركم جدا على الاجابه وبارك الله بيكم ومقصرتو وبصراحه هذا المنتدى مسوي عليه فضل ابد ما انساه واعتبرى خارطه طريق لكل شخص ايحب ايسافر وتحياتي للجميع وحياكم الله يا ورود
اخوكم
امير البغدادي
-
اخي انته مخسران خسارة اخذه وياك .... واذا تريد تبيعه هناك وتشتري واحد جديد .. اعرض القديم للبيع يم احد الاخوان او بأسواق اليارد سيل او اسواق السبت والاحد ( مثل ميسميها البعض .. هههه ) وبعدين اشتري مناك من الـ Best Buy اصلي ومحترم
Iron_man
-
اخي العزيز جيب وياك احسنلك ومن تستقر بدله هنا والله الموفق لكل الامور
-
السلام عليكم اخي الغالي تكدر تشتري من اميريكا طبعا النوعية احسن بهواي والمواصفات اتخبل واسرع بس اخذ وياك من العراق نسخة cd xp علمود شنو اخويه اتعربه لمن تشتريه والعمليه تاخذلها دقيقتين او اقل وتاخذ وياك ستكرز يعني طبعة الحروف العربيه اتلزكها وتتوكل اني هيج سويت ولمن وصلت لفنلندا اشتريت واحد بالاقساط حملوه بس 20 يورو على دفعات مدة سنتين ابلاش مو والله ولي التوفيق
-
على الخير سفرك الى نبراسكا اخوية العزيز
اخذ منا لابتوب واتونس بيها بالمطار ومن توصل الى ان الله يفتح عليك الباب وبالسلامة نتمنة تتواصل ويانة من توصل بالسلامة سلامي
-
تحياتي الكم اخوتي الاعزاء والله مقصرتو وصارت عندي فكره بلموضوع بوجودكم الكريم واشكر كل واحد مر بلموضوع وسلامي للجميع وبارك الله بيكم واحب اقول لاخي العزيز مستحيل راح انسى هذا المنتدى وراح ابقى اتواصل لان فضل المنتدى ميونصف واستفدنا منه جميعا وتقبلوا شكري وامتناني لكم
اخوكم
امير البغدادي