الاخ eng.a7med عزيزي اذا اني عندي بضاعة اشكال و الوان و انتة تريد تشتري هل اكدر اجبرك تشتري مني طبعا لا فالامريكان عدهم مئة الف عراقي مقدم لجوء فاي سبب مهما كان بسيط يستبعدون اي فايل و ما مجبورين يكولون حتى ليش الى ان يقلصون العدد الى الف او الفين و هكذا يعني مو مسالة همة هم يغلطون لو لا ؟ هية بكيفهم مئة بالمئة
مصطفى
الاخت miss violet ..
اولا: تصحيحا لمعلوماتك ولا اعرف كيف ومن اين جئتي بهذه المعلومه لأنني لست في امريكا على الاطلاق وانما انا في احدى دول الجوار العربيه ولا ازال بانتظار الفرج من الله .. والرجل صاحب القضيه موجود معي ايضا ..
ثانيا : اما موضوع الهبطات والخوف الذي ذكرتيه .. فأقول شجاعة الانسان هي في قدرته على مواجهة كل شي وليس الهروب من الاشياء حتى وان كانت سلبيه .. ومن تجارب الناس نتعلم اشياء كثيره وعلينا ان نتعلم من قصة هذا الرجل ومن غيره ايضا لكي نعرف كيف نعالج الامور اذا لا سامح الله اصابتنا مثل هذه المصائب بدل الهروب منها ..
ثالثا : بالنسبة للرجل ( لا ضام شي ولا صاير شي وياه) .. والريكمنديشن كان قوي جدا لدرجه ان الضابط الامريكي المباشر عليه كتب بالنص (( مستعد لضمانته على مسؤؤليتي الشخصيه)) وكل تفاصيل الركمنديشن كانت قويه جدا .. وبالمناسبه الرجل ليس عنده خدمة عسكريه لانه دافع بدل نقدي وعندما دخل الامريكان الى العراق كان الجرل في السنه الاخيره في كلية اللغات قسم الترجمه وتخرج عام 2004 في الشهر السابع وعمل مع القوات الامريكيه في نهاية الشهر العاشر من عام 2004 .. يعني باختصار شديد حتى حدمه وظيفيه مدنيه مشكوك فيها ما عنده نهائيا ... وزوجته معلمه في دار حضانة اطفال وايضا ليس عندها اي شي ممكن ان يسبب رفض .. والرجل باختصار شديد ( اي شي ما عنده لا عسكريه ولا مدنيه ولا جرائم ولا غيرها ) وحتى المحلف في المقابله قال له ( معاملتك بسيطه كلش وفيها كل الشروط المطلوب ) يعني بمعنى اخر المحلف اعطاه موافقه في المقابله نفسها ...
انا شخصيا اعتقد ان الرجل كان ضحيه حالة اشتباه بالاسم دفع هو ثمنها غاليا وبهذا الشكل الماساوي ... وطبعا الامريكان ( رحمة الله على والديهم ) لا يذمرون سبب الرفض نهائيا وهذه كارثه اخرى من كوارثهم في التوطين ..
الاخ dr 1985
المثل الشعبي يقول (( المكتوب على الجبين لازم تشوفه العين )) والمفروض ان تكون عندنا الشجاعه الكافيه لمواجهة مثل هذه الحالات لان اي واحد منا قد يقع فيها لا سامح الله ويجب ان نتعلم منها كيف نعالجها ..وبعدين احنه العراقيين ينطبق علينه المثل اللي يكول .. (( متعلم على الهبطات قلبي )) ..