ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البابلي في 19:35 14/05/2010
-
اخواني السلام عليكم ابشركم اجاني موعد مقابلة من siv وما اعرف شأسوي لان استلمت اول ايميل موجود به اتاجمنت تعليمات عن المقابلة وموعد المقابلة ومكان الدخول الى السفارة بس اني ما اندل بالضبط بوابة رقم 3 يم فندق الرشيد اذا امكن اي واحد مقابل قبل فتره ومن نفس المكان يحكيلي شلون اروح الى ذلك المكان لاني ليس من محافظة بغداد يعني يحددلي المكان بالضبط واكون ممنون منكم اما الايميل الثاني ايضا به اتاجمنت به عنوان شركة DHL ويردون اذهب الى هناك وادفع رسوم مال اربع نفرات واخذ منهم ظرف للمعاملة مالتي لانه احنه عائلة مكونه من اربع نفرات اوكي اني عرفت موضوع البريد بس شوكت اروح قبل موعد الفحص الطبي لو بعده لان لازم قبل المقابلة اتمم عملية الفحص الطبي وايضا دزولي مكانين للفحص واحد اسمه المنضمة الدولية IOM والاخر عيادة الشفاء يعني اختار واحد من عدهن وخالين بيه ارقام تليفون الاطباء علمود اتصل بيهم سؤالي هنا من اتصل بالاطباء همه يحددولي موعد الفحص لو لا اوكي بس همه مادازيلي شلون ادخل الى مكان الفحص واكيد يرادلي ايسكورت زين همه يدبرولي هاي الاشياء لو شلون لعد ارجو منكم ان توضحولي مقدما اشكر كل الي يساعدني للعلم مقابلتي يوم 13/6/2010
-
الاخ العزيز امير اولا: المكان ما اعرف شلون اوصفلكياه اذا انت مو من بغداد بس من تجي لموعد الفحص مالتك بعيادة الشفاء واللي يكون دخولك بيومها من بوابة رقم واحد (وهاي مبينة ومكتوب عليها checkpoint one) بيومها اسأل وراح تكتشف انه بوابة 3 مو بعيدة عنها هواية يعني مشي.
ثانيا: ظروف الدي اتش ال روح من هسه سويها واخذها وياك للبيت لأن انت تروح للمكتب وتدفع على كل نفر 11 دولار للظرف الواحد وتستلمها وتاخذها وياك يوم المقابلة.
ثالثا: الفحص الطبي انت تختار لو لاي او ام لو الشفاء (والشفاء ارخص) تتصل بالارقام اللي عندك وتكوللهم موعد مقابلتك وهم يحددولك موعد للفحص الطبي وتروح عليه وبالنسبة لمسألة الدخول هم يكولولك شتسوي وبيش الساعة تجي اطمئن ولا ترتبك شغلتهم مرتبة وابد لا تخاف بس اتصل بيهم من هسه وحدد موعد.
رابعا: اذا عندك سؤال بعد انا حاضرين ان شاء الله.اختك/سرى
-
اخوية العزيز
اول شي انت اذا كاعد روح يم المنطقة الخضراء واسال عن بوابة رقم 3 اشوية احسن الك
ثاني شي روح لعيادة الشفاء افضل الك خابر الدكتو واتفق وياة وهو راح ايحددلك موعد للفحص وهو راح ينطيك تليفون شخص راح ايساعدك بالدخول هو ايكون سكورت وراح يدخلكم مجموعة لان هي هاي شغلته بعد ما الدكتور ايحدد اعداد اشخاص الي راح يفحصون واختار يوم جمعة انت افضل بعد الاتفاق مع الدكتور وجيب وياك جنسية وجواز وشهادة جنسية والايسسكورت ما راح ايدخللك ابلاش ماكو شي فري بالعراق وراح تاخذ الفحص بيدك وهو فحص دم واشعة صدر ومجموعة ابر لقاحات
طبعا هاي معلوماتي اني قديمة ما اعرف لان سمعت انه هسة اكو دكاترة اجانب يفحصوك وايطول الفحص 2 يوم
واني ممنون الك
-
شكرا للاخت سرى والاخ كونفدنت على سرعة ردودكم بس ياريت اعرف اسم المنطقة الي بيهة بوابه رقم 1 مالت الفحص يعني هم بالقرب من فندق الرشيد لو بغير مكان واريد معلومات عن الفحص الطبي هل يتاخر مثل ماتفضل به الاخ كونفدنت لو يخلص بنفس اليوم وشكرا
-
استاذي امير بابل
دخابر الدكتور مو عندك تفاصيل وارقامهم وافتهم من عندة وين الفحص او مين تدخل واشكوت ايحددلك موعد الفحص ومنو الاسكورت مالتك واخذ هاتف الاسكورت وافتهم من عندة وين توقفله لان هو يجي ويدخللك
والله يسهل امرك ويكتب الك التوفيق
-
اخي العزيز تعرف وزارة التخطيط القديمة البناية الكبيرة لونها احمر ؟ تصير على ايدك اليمين من تعبر من كرادة مريم كأنه رايح لباب الشرجي قبل ما توصل هاي البناية تباوع على جهة اليمين تلكة قطعة مكتوب بيها نقطة تفتيش رقم واحد checkpoint no.1 من هاي الباب تدخل وتظل واكف راح تلكة هواية ناس يجي الاسكورت يصيح اسمك وحسب ما انت متفق وياه بيش الساعة تكون هناك.
الاسكورت ياخذ 10 دولارات عالنفر ويوصلك ومن تخلص يجي ياخذك.
-
من تروح لبغداد روح على مكتب من مكاتب الDHL الموجودة بالايميل عندك واخذ الظروف منهم قبل يوم المقابلة.
الفحص الطبي على وقتنا بالشفاء كان يوم واحد رحنا بال6 ونص الصبح على موعدنا وية الاسكورت مال المستوصف وخلصنا بال11 ونص تقريبا وحسب اللي وياك شكد اكو ناس.
الكبار يفحصون سريري الرجال يفحصهم طبيب والنساء طبيبة (حتى الاطفال) ويفحصون اشعة صدر وتحليل دم ياخذون منكم وقياس ضغط. الاطفال (اتصور تحت سن 13) فقط سريري ولا تنسى دفاتر اللقاحات للاولاد تاخذها وياك.
-
ااخوية البابلي بالتوفيق سهلة ان شاء الله
-
الشكر الجزيل الى الاخت سرى العزيزة والاخ كونفدنت والاخت امنيه على ردودكم داعيا من الله ان يوفقكم لعمل الخير وشكرا
-
تحيه عطره من سماء بغداد الغاليه
اخويه العزيز اموري اول شي احب اكلك الف مبرووك وانشالله تكون سهله عليك ابن عمي
وثاني شغله اني راح اوصفلك الوصف الدقيق وانشالله راح متيه بيها
ابن عمي اول شي راح ابلشلك بالفحوصات
انته اجتيلك مقابله في يوم مثلا 1-6 من الشهر القادم انته الي عليك اتسويه انو اتخابر الطبيب اول شي الي اسمه دكتور احمد راح تصل بيه واتكله يابه اني مقابلتي يوم 1 من شهر القادم واتله اريد اسوي الفحوصات هالاسبووع وكله يايووم اكو مجال اجي هوه راح يختارلك على سبيل المثال يوم الاربعاء القادم
وانته اتكله اشون راح اطب هوه راح يكلك اكتب رقم الاسكورت مالتنه وهوه يحددلك الموعد وانته اول متخلص ويا الطبيب اتخابر الاسكورت اتكله يابه اني يوم الاربعاء عندي فحوصات واتصلت بالطبيب وانطالي رقمك حته اتصيرلي اسكورت وهوه راح يكلك يابه اريدك ساعه 7 اباب النظام سيطره رقم 1 جيك بوينت 1 الي هيه بوابه القصر الي اول متنزل جسر الجمهوريه اكو حرس واكفين انته اتكله ابو التكسي نزلني بنزله الجسر يم الترافك لايت
وانته بعدين اي واحد اتشوفه من الحرس لو المرور كله وين البوابه مال القصر هوه راح يكلك رووح مناك
طبعا تتفتش من قبل الجيش العراقي وكلش طبيعي ووراها راح يكلك فووت منا وانته راح اتطب تلكه كدامك سقيفه حواها هوايه ناس من مؤضفين وعمال وناس جايين على الفحوصات
انته راح تنتضر الحد ميجيك الاسكورت راح اتشووف بيده سجل ويقره الاسماء حته تدخل
كلش سهله الشغله ابن عمي
والمستمسكات الي اتوديها وياك هيه
الورقه مال فحوصات الي هيه بالملف الي دزولك ياه السفاره الي مكتوب بيه موعد المقابله مالتك الي رقم البيج 3
وصوورتين لكل فرد من افراد العائله او انته ودي 4 احتياط
واجوور الفحوصات هيه
للفرد الكبير 185 دولار واذا اكو لقاحات راح اتكلفك 205 دولار
وللصغار مبلغ 145 دولار وانته هم اكد ويا الطبيب وراح يكلك
هاي بالنسبه للفحوصات
-
واما بالنسبه للمقابله في السفاره الامريكيه الي في بغداد الي مقرها في منطقه الخضراء
شووف ابن عمي
بالنسبه لموقع البوابه رقم 3 الي هيه جيك بوينت 3 الي صايره في كراده مريم
اشون راح توصللها
شووف ابن عمي انته كل الي عليك اتكول لابو التكسي اريد ارووح كراه مريم وكله نزلني يم الترافك
الموقع هوه صاير بنفس الشارع الي راح اتسوي بيه الفحوصات اي من تنزل جسر الجمهوري مو راح تنزل عالفحوصات بنزله الجسر هذا لا اتكمل كله كبل وينزلك بالترافك لايت بنهايه الشارع نفسه انته كله ابو التكسي نزلني يم حيدر دبل ابو الفلافل الي بكراده مريم
اول متنزل من التكسي راح اتشووف جيش عراقي بس كله يابه وين صايره البوابه مال فندق الرشيد سيطره رقم 3 هوه راح يكلك اعبر الشارع واطلع مناك اول متطب للسيطره هيه عباره عن ممر ضيق اتطب تلكي اول سيطره جيش عراقي وتتفتش وبعدين راح تلكي ثاني سيطره اوعنديين وبعدين ثالث سيطره اكراد وراها كوللهم من وين اطب على فندق الرشيد للساحه راح يكلولك طب بالنفق الي صاير قريب من السيطره مال اكراد وتنزل النفق راح من اتكمله وتصعد على الجه الثانيه راح اتشووف سيطره مال الفندق بيها رومانيين راح يفتشووك واتطب عالرسبشن مال الفندق الامانات انته كوللهم اني عندي مقابله بالسفاره ولتخلي الجنسيه مالتك يمهم او اي مستمسك لان راح يردوها منك اثناء المقابله
وراها راح يكلولك انتضر بالساحه الي راح اتشووف بيها نافوره وكلش حلوه وساحه جبيره مال الفندق انته تنتضر هناك الحد ما تجيلك السياره الخاصه بالسفاره الي هيه نيسان كوستر لو ازرق وراح ينزل واحد منها وراح يصيح اسامي وعلى الاسامي راح تركب بالكوستر وودي موبيلك وياك كلش عادي وهسه نيجي على المقابله شنو المطلووب منك اتسويه
انته بيوم المقابله ملزم ان اتودي الورقه الي بيها الموعد مال المقابله مثل ما وديتها وياك بيووم الفحوصات وهمه على ضوئ هذا راح يدخلووك اتقابل القنصل
وشكو اوراق مترجمه اصليه انته دازها الهم اتوديها وياك واتودي وياك الضرف الاصفر اثناء المقابله الي هيه مال DHL الي راح اتجيبه من فندق فلسطين مرديان بشارع السعدون الي صاير قريب من ساحه الفردوس اتودي وياك 44 دولار ورقم الكيس نمبر مالتك وتاخذ الضرووف وياك بيوم السفاره طبعا تاخذها قبل المقابله اقل شي باسبووع حته تضمنها ابن عمي
ولتنسه الورقه مال المقابله بيها الوقت والتاريخ المقابله لان مراح اتقابل من دونها
واكو شغله مهمه الي لازم اتسويها قبل المقابله اقل شي اب سبوعين انو اتراسل العنوان الي راح اكتبلك اياه واتبلغهم انو انته ماعندك اسكورت حته اتطب للسفاره اتقابل وهمه بواجبهم راح يخلوم بالقائمه الي راح يقره اساميكم قبل متصعدون السياره حته ترحون للسفاره وها العنوان واتخلي رقم الكيس مالتك وتكتب اسمك الكامل بيه وعدد الافراد المرافقين وياك بالمقابله
BaghdadIVAccess@state.gov
تحياتي الك اخويه واي شي تحتاج اني بخدمتك وره
اخوك سلفر
-
(http://www3.0zz0.com/2010/05/14/22/591895848.jpg) (http://www.0zz0.com)
اخي هاي صوره للمكان
بس هسه متغير لان ماكو صوره حديثه بالكوكل لشوارع بغداد
-
شكرا جزيلا للاخوان سلفر وابو عبد الله والله ماقصرتو تسلمون احبائي
-
اخوية امير مو تنس ولو انت بالحلة بس تعال لبغداد قبل بيوم من موعد الفحص الطبي وهم قبل المقابلة مال السفارة بيوم لأن لازم من الصبح انت تكون موجود هناك اذا موعد الصبح بال8 او ال9 وموفق ان شاء الله وترة ما تطول فعليا للمقابلة من 10 الى 20 دقيقة.
-
اشكرج يا احلى اخت ادعي من ربي يحفظج من كل مكروه وينور طريقج اكيد يا اختي العزيزة ان اكون قبل بيوم في بغداد
-
اخوية بالتوفيق انشالله اني مقابلتي انشالله وراك بيوم واحد اي في يوم 14 في شهر السادس وشكرا للاخت سرى وللاخ ابو عبدالله التكساسي والاخ سلفر عالمعلومات القيمة الي الجميع راح يستفادون منها والله وفيتو وكفيتوا شكرا للجميع وبالتوفيق اخي امير البابلي
اخوووكم ابو محمود