ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 11:32 16/05/2010
-
السلام عليكم اعضائنا ومشرفينا الكرام عندي صديق رح يجي الى امريكا خلال هذا الشهر ان شاء الله كلفني اساله عن الدراسة الدبلوم اوالبكالريوس ممكن لو لا بالنسبة للاجيء وكل تفاصيل الدراسة اذا احد يكدر يساعده اني اعرف اكو هواية مواضيع نكتبت على هذا الموضوع لكن قسم ما لكيتة وقسم مو كلش استفاديت منها الرجاء الي عندة معلومات عن الدراسة بالنسبة للاجيء نكون ممنونين وخاصة اذا بالتفصيل يعني شنو المطلوب منه اوراق وفلوس وهو بولاية مينيسوتا حيروح ان شاء الله .... وشكرا جزيلا
-
شباب وين ردودكم مو الولد دينتظر واني دكيت على صدري لا تفشلونة يمعودين لخاطر الله ......
-
خويي انتة اتصور جماعة امريكا هسة فرق التوقيت عدهم نص الليل واكيد اكيد راح واحد منهم على الاقل ايجاوبك خلال الساعات القادمة فاصبر ولاتصير (عباس المستعجل)!!
اخوك صفاء الكرخي
-
اخي العزيز حتى لو هوة لاجيء عالاي او ام يكدر فورا ورة ميخلص معاملات تسجيله بالدوائر الرسمية ويستلم الاي دي والسوشيال سيكيوريتي كارد يباشر فورا بالتقديم سواء على الجامعة او الكوميونيتي كوليج "دبلوم" حسب نيته بس خلي ايجيب وياه وثائقة الجامعية او الاعدادية مصدقة من الجامعة او التربية والخارجية ويكدر ياخذ قرض اذا يدخل جامعة للحصول على البكلوريوس او ببلاش اذا يدرس دبلوم ويشتغل بالكوميونيتي كوليج..
بغدادي