ankawa
منتدى الهجرة واللجوء => الهجرة و واللاجئين => الموضوع حرر بواسطة: BASHARONA في 22:57 17/05/2010
-
السلام عليكم اخوان:
اخواني اني مقدم على الiom في بغداد وعندي كيس نمبر والمقابله الاولى بيد الله.المشكله وهي انو الiom يطلبون قصه بمعنى مثل السؤال الي هوه ليش تريد تطلع الى امريكا وهذا عندي الي شايل همه لان يكولون يريدون قصه وتقنعهم بيهه بس اني المشكله ماعندي اي شي من تهديد اوي الى اخرهه وارجو من الاخوه ان يساعدوني.اخوكم بشار
-
اخي انت مو تعمل مع الامريكان لو لا؟
-
اي نعم من بدايه 2008 لحد الان
-
اي بعد شنو اخوية العزيز يعني انت تمشي بالشارع وتكول اني اشتغل وية الامريكان لو تكتبها بالسي في مالتك من تقدم بعدين على وظيفة خاصة من ينسحبون الامريكان كليا او جزئيا. عيني القصة الحقيقية وانت مراح تكذب بيها انه انت ما دام هذا عملك انت ما تأمن على حياتك وتخاف تكول انت وين تشتغل مو هذا الشي الصحيح؟
شاركونا الاستفتاء بنعم او كلا
http://www.ankawa.com/forum/index.php/topic,411306.0.html
-
صحيح والله واني بس مجرد اريد رأي بهل موضوع لان خوفوني والله.اشكرج هوايه اخت سرى
-
اني بالخدمة اخوية العزيز بس خلي ببالك انه انت فعلا مهدد بمجرد عملك مع جهة امريكية انت هسه جيرانك ما تكدر تكوله انت شنو تشتغل الا من رحم ربي والله يوفقك ويسهل امرك.
-
اشكرج كلش هوايه اخت سرى ونشاء الله الكل يرتاح ويحصل الي يريده
-
اخي العزيز
اني نفس الشيء لا عدنه تهديد ولا هم يحزنزن وكنالهم هيج الجماعه المنظمه
بس كنالهم احنه مجرد اشتغلنه وياكم فاحنه معرضين للتهديد باي لحظه
وخصوصا بعد انسحاب القوات الامريكيه
واخونه ماجلان نفس الحاله حسب ما اذكر قريتلا مره امنزل موظوع بهل خصوص وهو هم كايلا للمحلف لا تهديد ولا كلشي اكو بس مجرد شغلي وياكم ممكن اتتهدد باي لحظه وخصوصا بعد الانسحاب وهسه هو بامريكا
الصدق طريق النجاة
فتوكل على الله ولتخاف
جورجيا
-
اخي العزيز مشكلتي مثل مشكلتك انه ماعندى قصه تهديد وقابلت مقابله اولى والثانيه بعمان وانتظر المحلفين وبصراحه قلق جدا بس الاخوان بالمنتدى طمنونى ويكولون المهم انه اشتغلت مع الامريكان
خليها على الله والله كريم
-
اني ما عندي قصه تهديد ولا قلقه ولا هم يحزنون
خلوها على الله
جورجيا
-
ماكو داعي للقصة.... الصدق الصدق
-
مشكوره جدا اخت جورجيا طمنتيني الله يطمنج انشاء الله احاول ان اقنعهم واكيد بلصدق ويكون يووم سهل انشاء الله
-
اخوان يعني شلون بلا قصه لتورطوا
هو الواحد ديحجي قصه ومشتغل ويه الامريكان ويقدم اوراق ومرات يجي رفض
اخي احجي قصه مختصرة لتتطرق للخطف ا و الفديه
-
اخوية اكو نقطة مهمة.. هو اصلا ليش اي او ام بغداد مسويها بس للي يشتغل ويا الامريكان؟ يعني العراقي العادي مهما كانت حياته معرضة للخطر ممقبول ملفة في اي او ام العراق.. لانه مجرد الشغل وياهم اولا ينحسب تهديد لحياتهم.. وثانيا استحقاق لانهم عرضوا حياتهم للخطر وتعاونوا وياهم.. فانت مجرد شغلك وياهم اخي فهذا بحد ذاته eligibility اما القصة اللي انت تقصدها.. هاي يدوروها من المقدمين من خارج العراق
-
اختي ام مشمش الرفض اذا يجي مو لان القصة ممقنعة لو مثلا عجبهم يرفضون.. يكون على الاغلب بسبب الريكومنديشن مثلا يشيل ايده اللي مقدم الريكومينديشن.. او اي سبب اخر او اسباب امنية.. لكن العراقي اللي مشتغل وية الامريكان في العراق رفضهم ميكون على القصة لان مجرد شغله وياهم بحد ذاته خطر على حياته وهمه واعيين لهذا الشي تماما
وانت طبعا مو راح تقدم وتكول والله اريد اسافر لان اشتغل وياكم.. اكيد لا لازم تكوللهم انه حياتك مهددة باي وقت بسبب شغلك وياهم وانه مالك مستقبل بالعراق لان طول العمر راح تظل خايف على حياتك وحياة عائلتك لا فد يوم احد يعرف و يقتلوك
-
اختي ام مشمش الرفض اذا يجي مو لان القصة ممقنعة لو مثلا عجبهم يرفضون.. يكون على الاغلب بسبب الريكومنديشن مثلا يشيل ايده اللي مقدم الريكومينديشن.. او اي سبب اخر او اسباب امنية.. لكن العراقي اللي مشتغل وية الامريكان في العراق رفضهم ميكون على القصة لان مجرد شغله وياهم بحد ذاته خطر على حياته وهمه واعيين لهذا الشي تماما
وانت طبعا مو راح تقدم وتكول والله اريد اسافر لان اشتغل وياكم.. اكيد لا لازم تكوللهم انه حياتك مهددة باي وقت بسبب شغلك وياهم وانه مالك مستقبل بالعراق لان طول العمر راح تظل خايف على حياتك وحياة عائلتك لا فد يوم احد يعرف و يقتلوك
لعد من يسالوا وين تهددت وشوكت وماذا كتب بالتهديد ولماذا هددت هاي قصه لو لا؟
-
اي اختي هذا اذا متهدد.. بس اذا ممتهدد مو اشكالية اصلا همه يعرفون شكد حياة اللي اشتغل وياهم مهددة بالخطر.. بالعراق غير الدول المجاورة.. هي اصلا بالعراق للي مشتغل وياهم بس
-
اي اختي هذا اذا متهدد.. بس اذا ممتهدد مو اشكالية اصلا همه يعرفون شكد حياة اللي اشتغل وياهم مهددة بالخطر.. بالعراق غير الدول المجاورة.. هي اصلا بالعراق للي مشتغل وياهم بس
يعني ذا ممتهدد ليش يطلعوا زماله لو ديصييف ؟ عموما اني كلت راي لصاحب المومضوع ومو غرضي اقنعك
انشاء اله صاحب العلاقه يجد الفائده في ردودنا
-
مثل ما كالت الاخت سرى بالضبط وخلي في بالك انو البرنامج من متطلباته انو تكون اشتغلت مع جهه امريكية وعملك مع هذه الجهه هو سبب جدا مقنع لتعرض حياتك للخطر وهمه ميريدون منك اكثر من ان تكول هذا الشئ وصدكني اني جنت مثل حالتك من قابلت ماجان عندي سبب مقنع بس كلتلهم اني اخشى على حياتي وحياة اسرتي بسبب عملي مع الامريكان خصوصا انو منطقتنا يعرفون هذا الشئ ودائما يوصلني كلام مو حلو بهذا الخصوصو ومن هالسوالف انته رتبها بس لاتروح زايد ولاتختلق قصص مو موجودة على ارض الواقع
تحياتي
ابو راشد
-
تحياتي الج حبيبتي ام مشمش :)
فعلا هي اراء وتتباين.. دمتي بخير
-
اختي العزيزة ام مشمش اني افتهمت قصدج كلام فايوليت صحيح بس ما عرفت شلون توصلج الفكرة حبي
احنا اللي دنكوله انه لا يروح ويكوللهم والله ترة اني ما عندي اي تهديد واريد اجي لامريكا سفرة اكيد لا!! ولا انه يكوللهم قصص خيالية ما صايرة وياه لأن حبل الكذب قصير
القصد عزيزتي واختي الغالية انه يكول انه هو مشتغل وية الامريكان وبسبب العمل هو ما يكدر يعيش حياة طبيعية لأن يخاف انه الناس اللي يعرفوه ممكن ينشروها بالمنطقة انه مشتغل وية الامريكان وهي هاي الحقيقة وهذا بحد ذاته تهديد وهو شوف شلون يرتب الكلام بس مو يختلق قصة تهديد ما صايرة لان يجوز ينسى وما يكدر يثبت كلامه وبعدين تتعقد الامور وكلام ابو راشد سليم بهذا الصدد. تحياتي الج اختنا العزيزة الغالية.
-
اختي العزيزة ام مشمش اني افتهمت قصدج كلام فايوليت صحيح بس ما عرفت شلون توصلج الفكرة حبي
احنا اللي دنكوله انه لا يروح ويكوللهم والله ترة اني ما عندي اي تهديد واريد اجي لامريكا سفرة اكيد لا!! ولا انه يكوللهم قصص خيالية ما صايرة وياه لأن حبل الكذب قصير
القصد عزيزتي واختي الغالية انه يكول انه هو مشتغل وية الامريكان وبسبب العمل هو ما يكدر يعيش حياة طبيعية لأن يخاف انه الناس اللي يعرفوه ممكن ينشروها بالمنطقة انه مشتغل وية الامريكان وهي هاي الحقيقة وهذا بحد ذاته تهديد وهو شوف شلون يرتب الكلام بس مو يختلق قصة تهديد ما صايرة لان يجوز ينسى وما يكدر يثبت كلامه وبعدين تتعقد الامور وكلام ابو راشد سليم بهذا الصدد. تحياتي الج اختنا العزيزة الغالية.
اختي العزيزة سرى مشكورة على التوضيح اني حجيت وجهت نظر مو اكثر وانشاء الله صاحب الموضوع ياخذالتعليق الي يعجبه واهم شي نكون فدنا
تحياتي الج
-
وتحياتي الج ياوردة.
-
طبعا مجرد شغلك وياهم هاي كلش كافيه لان تتعرض باي وقت للتهديد مو الا هسه راح تتعرض جائز مستقبلا وكلا اني خايف وهي هاي الحقيقه لان النفوس الضعيفه هوايه وما اعرف باي لحظه يهددوني
وثانيا وهو المهم
مو المهم القصه المهم المحلف يحس ابصدقك تجاهه وهذا هو اهم شيء
جورجيا
-
اني حسب راي المتواضع... يمكن اكدر اساعدك معتمدا على قدرتي بتحليل الاراء و المواقف..وانت احكم .
خلال عملك ويه الامريكان اكيد فوك السنه ...مصادف انو حسيت بيوم نوع من الخطر على حيات؟ مصادف صارت حاله بيوم انو كلت ويه نفسك والله انعلست...مصادف فد يوم خفت على حياتك من موقف ما بسبب شغلك وياهم؟......انت احسن شي تتذكر هاي الامور و تركز عليه و تتذكر اليوم و التاريخ و المكان و بيا مناسبه و شويه اتضخم الموضوع و اتكبره الشله و اتسويه ظلمه......بهيجي حاله انت ممكذب و احذاث واقعيه ولا يمكن الخطاء بسرده واحتماليه الخربطة بالحجي قليله.
شنو رايكم اخوان؟ مو بل ينطلع بيه....هههههههههههه
تحياتي للكل
ارمنيان
-
يمعود ماينرادلها روحة للقاضي مجرد عملك مع الامريكان هو تهديد بحد ذاتة بعد القصة شلون تصير؟
-
مشكووووورين للاخوه وصدك وصلتوني لشي جنت محتاجه كلش وصدك الاخوه بوقت الشده يساعدوك واني كلش ممنون من عدكم.اخوكم بشار
-
اكيد مملحك عليه اول عرضه بس شايفه ومعيود على القناة الاولى بوكتهه ولتخاف مو صغير كلش هههه ومشكور جدا منك