ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 11:04 22/05/2010
-
السلام عليكم اعضائنا ومشرفينا الكرام الرجاء ممن عندة معلومات اذا شخص حامل فيزة متعددة لمدة سنة بجوازة ومسجل باليو ان مع عائلتة بس الى الان مصار شي جديد على ملفة باليو ان يريد يروح امريكا ويطلب لجوء منو ينصحة يسوي هاي الخطوة وشنو بعدها يكدر يسوي شي ممكن ياخذ السوشيل نمبر لو لا وخلال شكد المتوقع الرجاء النصيحة لانه الرجل فعلا في حيرة من أمره ....
-
والله خويي سؤالك عبالك حزورة..
قريتة يمكن 5 مرات وماطخت عندي ...
ارجو التوضيح اكثر حتى انفيدك بالجواب!!
ابو سارة
-
حبيبي ابو سارة اكو شخص حاصل على فيزة زيارة الى امريكا يريد يروح لهناك ويطلب لجوء بس يعني يدخل بفيزة ويروح يقدم لجوء هل يجوز هذا الموضوع لو لا ؟
واذا يصير ورة شكد ممكن يصير لاجيء وياخذ حقوق الاجئين كرقم وطني و مساعدات وهاي الامور لانه هو حيترك اهلة بالاردن ينتظرون اليو ان لانه هم مسجلين باليو ان ولكن الى الان لم يتم توطينهم لذلك هو يريد يختصر الوقت ويروح ويطلب لجوء قبل ما تنتهي الفيزة مالته شنو رايكم ممكن يحصل لجوء لو لا ؟؟
-
الاخ السائل الكريم
ليس لدي اجابه مفيده لك ولكن
الاخت انجي ممكن اتجاوبك وتنطيك
عنوان محامي يتكلم عربي ممكن ينظيك
الجواب الصحيح وتقبل مروري
اخوكم سامي من مصر
-
اخي لورنس نعم يصير ويوكل محامي بطلب لجوء من داخل الولايات المتحده ولكن ليست
مضمونه ممكن ينقبل لجوءه وممكن لا واحتمال تعتمد على المحامي وكفاءته واكو ولد اعرفه اهله
بامريكا امه واخته وابو كان يدرس بامريكا ايام الشباب ولكن مو وياهم هسه المهم الولد راح عن طريق
فيزه وقدم على لجوء ولكن طلبه انرفض وهسه مقدم على استئناف والله كريم واعرف ولد اخر راح
لامريكا عن طريق وفد رسمي وطفر مناك وقدم عن طريق محامي وانقبل لجوءه انشاء الله وضحت
الصوره
تحياتي
-
الله يسهل امرك ان شاء الله تحياتي نور العيون
-
حبيبي الغالي لورنس والى من يهمه الامر ايضا للمستقبل
صاحبك يكدر يدخل اميركا بالفيزا مالتة ويقدم على لجوء؟؟؟؟؟؟؟؟؟
هنالك من قدم على لجوء وخلال الستةاشهر الاولى من تقديمه يطلعلة الرد بالقبول
واذا طلعلة رفض ممكن يستاءنف وهوة وحظة؟
اكو ناس قدمت على لجوء داخل اميركا لكن خلال سنة او سنتين او خمس سنين او اكثر وهاي نقلا عن احد الجوارين لحد الان لم يعطوهم اللجوء
يعني يكدر يبقى في اميركا حتى لو لم يعطوه حق اللجوء وحتى لو بعد 15 سنة
كل ماهنالك بعد الست اشهر الاولى عندما ينظرون طلبه ويرفض ويقدم على استئناف و بعدها يطلعلة هوية عمل يكدر يعمل بيهة . الى ان يبتون بموضوعة بالقبول او الرفض بس على العموم حتى لو رفض يكدر يبقى
يعني اكو ناس صارلهة سنين تعمل على حسب الاصول لكن لايملكون اي اوراق لجوء او غيرها من الاوراق الثبوتية فقط هوية العمل وهذا ما يحدث للجميع هنا للي يرفض قبول طلبه باللجوء
جيراني طبيب يعمل في مستشفى اميركي ويحمل هوية عمل لكن للاسف صارلة خمس سنين ماقبلوه ومايكدر يسافر خارج اميركا لان اذا خرج بعد نهائيا عمرة مايدخل اميركا
ارجوا ان وصلت الفكرة نشالله هم بكرا راح يعطوني المزي من التفاصيل الدقيقة
-
نعم يكدر يقدم لجوء والتقديم يكون بتوكيل محامي الهجرة واذا حصل لجوء يستلم حقوق كاي لاجئ
بس الولكم جك مايحق اله ومن ناحية غير مساعدات يستحق والمدة تاخذ وقت بين التقديم الى يوم المقابلة حوالي 6 اشهر والتكاليف حسب الانتقاق مع المحامي هو من يوصل لامريكا بالفيزا خلي يقدم لجوء قبل انتهاء مدة الفيزا