ankawa
منتدى الهجرة واللجوء => الهجرة و واللاجئين => الموضوع حرر بواسطة: سامسونج في 08:50 25/05/2010
-
السلام عليكم ورحمة الله وبركاته لكل من موجود في هذا المنتدى ولقد دلني احذ الاصدقاء على هذا المنتدى وقال لي بأنه هو المنتدى الذي يحل المشاكل والمصاعب ويعطي الاجوبه الشافيه حتى لو كانت ضدك لذلك ارجوكم ساعدوني باجوبتكم والله ايسهل حياتكم اني قابلت محلفين واحسست بانهم يريدون ان يرفضوني لانهم اكدو على مساله وهي انني كنت طالب لجوء في السويد ورفضوني وعدت الى العراق قبل سنه ونص تقريبا كما تعرفون هذه الدول قامت بارجاعنا جميعا وبدأ يسألني المحلف لماذا عدت وانت مهدد الم تكون في امتن وانا اقول له نعم عدت لاني لم احصل على اقامه وزوجتي واطفالي في العراق وكانت النتيجه هي الرفض بحجة العراق امن وعدت من اجل زوجتي واطفالي وهو يكرر هل كان ممكن ان تبقى وانا اقول له نعم بضع اشهر وسيعتقلوني ويرجعوني قصرا لذلك انا عدت طوعا اما لماذا قلت لهم فذلك لانه انا عدت عن طريق نفس المنظمه ولا يمكن ان اخفي شيئا خاصة وانا اديت القسم وانا احترم القسم مهما كان ارجوكم اسعفوني هل سيرفضوني ام ماذا انا مهدد منذ فتره ولا املك اي شي في العراق لاني بعت الاول والتالي من سافرت ماذا افعل اذا رفضوني والله ضاكت الدنيا حيل بعيوني شسوي بعد اللجوء الى الله انا الجئ لكم وبارك الله فيكم واسف على الاطاله.
-
اخي لتخاف هذا مو سبب حتى يرفضوك ابدا بعدين اكو ناس متهددة من سنة 2005 و2006 وطلعو من العراق قبل اشهر فقط واخذو موافقة المحلف اهم شي انت كنت صادق وياهم بكلامك واطمئن ان شاءالله عن قريب تفرحنا بنتيجة قبولك ..تحياتي واحترامي
ام محمد
-
عيوني سامسونغ
المحلف اصلا معليه بكل هذا الكلام.
المحلف هو موظف خاليه بس علمود ينطي رأيه بيك من ناحية انه انته تخوف لو لا. وبس.يعني انك ممكن تهدد امن امريكا او المواطنين وبس.
معليه شسويت مسويت انرفضت قبل لو لا وشعندك رجعت.
اصلا حتى القصه مال التهديد هاي بس تدخلك للمحلف. بس المحلف يخليك تعيدهه بس علمود يتفرج على تصرفاتك وانفعالاتك وهاي هيه.
حبيبي
انته تكره اليهود:لا
انته مشترك بجريمه قتل:لا
انته تريد تتزوج وحده لخ بأمريكا:لا
انته كذاب:لا...انته محتال:لا... هذني سؤالين مو مباشرين بس هو يريد يعرفهن خلال كلامك.
راح تندمج بالحياة الامريكيه:طبعا
ليش تريد تروح لامريكا:ما اكدر استقر بالعراق.
مع التقدير
-
اخو العزيز انت من سئلك المحلف هاي الاسئلة ماطلب منك اوراق الرفض او كلولك راح انجيك مع السويد اوراقك ثاني شي انت من ارجعت ما اخذة ورقة من الصليب الاحمر السويدي تثبت بة انه انت جنت لاجئ بالسويد لان اذا ما طلب منك هاي المعلومات اشلون راح اجيك عليك فانا اعتقد انة السئلة استفزازية
-
اخويه اكو كثير من الاخوه هنا في المنتدى مرفوضين ومسجونين اثناء خرجوهم لاوربا
وانقبلوا وسافرو بعد ان رجعوا لبغداد فا نشاء الله خير وهذا اسلوب يتبعه بعض المحلفين
للحصول على معلومات اكثر
اتمنالك التوفيق
-
لتخاف أخوية العزيز .. نام وخلي أبطنك بطيخ صيفي كما يقول المثل .. لا علاقة أمورك القديمة
بما يجري مع المحلف وأنا أؤيد القول والكلمة لغسان الأشقر .. تحياتي
أبن خير
-
لتخاف أخوية العزيز .. نام وخلي أبطنك بطيخ صيفي كما يقول المثل .. لا علاقة أمورك القديمة
بما يجري مع المحلف وأنا أؤيد القول والكلمة لغسان الأشقر .. تحياتي
أبن خير
-
تحيه حاره جدا:
احب ان اشكر كل الذين ردوا على اسئلتي المحيره وحقا اقول انكم رائعين في مشاركتكم هموم الناس والمحاوله في مساعدتهم وعلى فكره تره مشاركة الناس مشاكلهم فن وارقى فن , فشكرا من اعماق قلبي لكم واتمنى من الله عز وجل ان يوفقكم ويجعل دربكم مستنيرا بصفاء النيه التي انتم عليها شكرا لكم احبابي جميعا.
-
شكرا لك اخي غسان على التوضيح والراي الصريح والصادق الذي ادليته للاخ السائل
تسلم ايدك والله يوفقك