ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 15:21 26/05/2010
-
السلام عليكم اعضائنا ومشرفينا الكرام اليوم اتصلوا بية المنظمة الدولية للهجرة وابلغوني انه تم تاجيل استلام ظرف المحلفين من يوم 29-5 الى يوم الاثنين 31-5 طبعا اني جماعة عمان شنو يعني هذا التأجيل رفض لو نقص معلومات الي عندة معلومة اكون ممنون وان شاء الله التوفيق للجميع ....
-
اي اخي اني اكلك ليش
اني اليوم جنت بالمنظمة.. وهواية ناس قسموهم.. اخي هواية ناس وازدحام فعلى مود اكو هواية ناس راح يجون يوم 29 فقسموكم على الاغلب هذا اللي افتهمته
لا اخي لا تقلق معليه بالرفض والقبول
-
انشاء الله خير ربي يسر امرك بأذن الله
ابو شهد
-
لا اخوية لتخاف مو رفض, انت لو منطيك رفض جان كلولك تعال يوم الثلاثاء او الاربعاء لانه الثلاثاء والاربعاء يكون دائما للمرفوضين, وبالنسبة للقبول هو معروف دائما يكون يوم السبت, ومن يصير زخم عليهم يقسمون الباقيين على يوم الاحد او والاثنين, فبالنسبة للاثنين ترة مو رفض, دائما يكون 30% قبول و 70% قيد الدراسة.
-
يارب الكل مقبولين
عيني كابتن علي يسمع منك ربي .
اخوية لورنس العراق ، طمنا على الاخبار اول باول ..
-
ان شاء الكل مقبولين اخوية لتشيل هم كول يا الله واتوكل
-
احزنتي بخبرك اخي الغالي لورنس :'( :'( :'( :'( :'(
بس انشالله مثل ماكال الاخ كابتن علي وباقي الاخوة انه وربي يسمع منة انه يكون نظرا للزخم ؟؟؟؟؟؟؟؟
حسب علمي وعلم الجميع ومثل ماحصل سابقا انه يوم السبت هوة القبول مئة بالمئة
اما يوم الاثنين يكون قيد الدراسة ( نظرا لنقص المعلومات او الاثباتات التي لديك في مقابلة المحلف) (اي لم يقتنع المحلف بموضوعك مئة بالمئة +او لاسباب اخرى دعته لاتخاذ موقفه بتاجيل او دراسة موضوعك فيما بعد)
عند استلامك المغلف يوم الاثنين راح تعرف الاسباب حسب مامذكور في الورقة ؟؟؟؟؟
وعلى ضوئها تكدر تقدم لهم الاجوبة للاسباب التي ادت الى وضع ملفك قيد الدراسة
اما باقي الايام الثلاثاء والاربعاء اكيد انه للمرفوضين
ونصيحتي لك هية ؟؟؟؟؟؟؟؟ لتشيل هم ولاتفكر كثيرا ولاتنتظر منهم اي شيء استمر بحياتك الطبيعة ونساهم نهائيا وراح يجي يوم يتصلون بيك ويكولولك مبروك وعليك اكمال اجراءاتك للسفر
بس نصيحة اخوية لاتفكر واذا ماتنساهم وتنسى موضوع سفرك نهائيا راح تتعب هواية
كول يا الله وبعد لاتسولف بهذا الموضوع بعد نهائيا وتوكل بالله وارجع لشغلك وحياتك لان صدكني تتعب وتدمر من التفكير والقال والقيل واذا ربك قاسملك السفر راح يجي اليوم الي يتصلون بيك
ولو اني البارحة واليوم مريض جدا والان يالله رجعت لوضعي ؟ بس بنفس الوقت انسدت نفسي لكل شيء من سمعت اخبارك وكلش زاد التعب عندي والقهر والتفكير بموضوعك
بس ماعندي شي اكولة غير ادعيلك بكل خير لانك طيب وابن عائلة وتمنالك الموفقية بكل شيء
تحياتي الك ياغالي
-
الله كريم لورنس العراق لدير بال اتسافر اتسافر وين تروح قابل اطير
-
اتمنى فعلا سبب التاجل لوجود الزخم
يللا مابقة شي ، بس باجر
وشيجيب باجر وتصبر شلون -- باجر تلتقي ويا أي او ام
وللرفع ↑↑↑↑↑↑
-
مرحبااخي العزيز توكل على الله ان شاء الله خير واتمنى تخبرنا غدا مذا حصل معك
-
للرفع