ankawa
منتدى الهجرة واللجوء => الهجرة و واللاجئين => الموضوع حرر بواسطة: بوابت عشتار في 00:02 27/05/2010
-
السلام عليكم اخواني واخواتي الاعزاء جميعا واتمنى ان يسهل امركم الله عزوجل بالسفر والعيش بحريه وسلام اما بعد
واخيرا وبعد صبر طويل تم تحديد موعد سفري يوم 7 بالشهر القادم واني من جماعت الاس اي في وسفرتي راح تكون من بغداد الى عمان والى مطار فرانك فورت ومن ثم الى شيكاكو ومحطتي الاخيره هيه تكساس هيوستن
وسؤالي ؟ بما اني عندي ترانزيت المانيا بمطار فرانك فورت اربع ساعات عندي اخويه بالمانيا وصارلي ثلاث سنوات ماشايفه هل يسمحوله بالدخول الى المطار ويسمحولي جماعت الاي او ام باللقاء معه لكي اراء اريد جوابكم ونصيحتكم من اصحاب الخبره والله يوفقكم على كل كلمه تكتبوها
وياريت اسمع جواب الاخت اينجي ام الخبره التي خلقها الله وزرع فيها حب المساعده للاخرين والكل طبعا طيبين بدون استثناء يحبون المساعده
وشكرا لكم جميعا ومنتضر اجوبتكم ونصيحتكم
-
اخي العزيز الاخ زوزك zozk هم اس اي في وطلع على مطار فرانكفورت بالمانيا تكدر تسأله ومبروك عليك السفر وتوصلون بالسلامة ان شاء الله.
-
اخي العزيز غير مسموح لك بالخروج من المطار بس اعتقد هوه يكدر يدخل المطار اذا هو ساكن في المانيا لان اكيد الالمان يدخلون يستقبلون الواصلين للمطار من اقاربهم واهلهم
-
وهذا خط سير الرحلة بموضوع الاخ zozk ان شاء الله يفيدك
http://www.ankawa.com/forum/index.php/topic,415866.0.html
-
اخوية بوابة عشتار اني همينة وياك بنفس الرحلة انشاللة نتشاوف ابغداد تحياتي الك و يشرفني اتعرف عليك
-
شكرا لكي اختي سرى على المعلومات المهمه واتمنى من الله ان يوفقك
هلو اخي ابو راشد اي نعم اخي مقيم في المانيا وعنده جواز الماني بس هل ياترى جماعت الاي او ام يسمحلي اني اشوفه داخل المطار لو لا هذا سؤالي لان دا اموت على شوفته وثاني شي مااريد اعني واجيبه من هامبورك الى فرانك فورت اذا ماكنت متاكد من من السماح اله بلقاءنا واشكرا على جوابك
sniperpain هلو اخي العزيز يزيدني الشرف بالتعرف عليك وانشاءالله نشاوف بالمطار
-
اخي العزيز حياك الله ومبروك سلفاً
بلنسبة الى اخيك فلا يستطيع ان يدخل الى صالة الترانزيت لان هذه الصالة محضور دخولها نهائياً
لان ياما اشخاص دخلوا الى صالة الترانزيت ومزقوا جوازاتهم ورموها في دورة المياة ليطلبوا حق اللجو
ولكن تستطيع مقابلة اخيك بهذه الطريقة اضبط وقت وصولك الى المانيا وحال ما تنزل الى الصالة هناك
شخص في انتظاركم جميعاً يعني القادمين معك بنفس الطريقة وهذا الشخص يتكلم اللغة العربية وربما
قد يكون عراقي واذا كان لديك رقم هاتف اخيك تستطيع ان تخبر هذا الشخص المسؤل وهو يعرف كل
طرق صالات المطار واخبر اخيك بموعد الوصول ليتصل به هذا المسؤل ليسهل امر لقاءك باخيك
هذه اسلم طريقة وصدقني حدثد معي عندما وصلت الى مطار هيترو في انلكترا والتقيت بشقيقتي
التي لم اراها منذ 18 سنه وبقينا في مطار هيثرو اربع ساعات وبعدها كملنا المشوار الى شيكاغو
اتمنى ان اكون قد وفقت في تقديم المساعدة
اخوك / ابو شذى الوردة
-
ابو شذى الورده ربي يوفقك ويحميك ويسهل امرك ويرزقك ويشفيك من كل مرض لانك كفيت ووفيت بالمساعده صدكني من يرحم من في الارض يرحمه من في السماء
ولو راح ادوخك بس حبيت اتاكد عند صولي الى مطار فرانك فورت اعطي رقم اخي الى موظف الاي او ام حتى يتصل بيه وياخذني الى مكان هوه يحدده الموظف لغرض اللقاء بااخي
مع فائق احترامي لشخصك الكريم ياابو شذى الورده
-
عزيزي الكريم اشكرك من اعماق قلبي على دعائك هذا المنبعث من قلب انسان صادق ومؤمن
فاتكل على الباري عز وجل وهو ارحم الراحمين
نعم يااخي حال وصولك الى مطار فرانك فورت اخبر هذا الشخص بالامر ومن حقك ان تطلب منه
المساعدة لان هذا من واجبه هو مكلف بواجب تقديم وتسهيل معاملة جوازاتكم وتسفيركم
الى شيكاغو واخوك الوردة ابو شذى في خدمتك لو كانت اقامتك في شيكاغو كنت سترى
كيف اقوم بواجب الخدمة والضيافة واني ابو شذى اخو خيتي
اتركك في رعاية وحفظ الله
-
مبرووووووووووووووووووووك بوابت عشتار ويوم نشوفك امريكي من صدوك
قبلااااااتي
-
اسفة اخي بوابت عشتار ماشفت موضوعك..... اخي العزيز مثل ماذكر اخونا الغالي شذى الورد
في حالة وحدة يكدر اخوك يشوفك من تنزل بالمطار ترانزيت بالمانيا وتكون مضبط الوقت وبمساعدة الشخص الي يكون بانتظاركم بالمطار بس بهذة الحالة تكدر وانشاءلله تلتقون وتفرح بشوفته وانشاءللة رحلة موفقة والوصول بالسلامة ربي يوفقك بكل خطواتك وربي يكون معك
-
مبروك اخويه ويارب التوفيق بكل حياتك المقبله والحظ السعيد
بس سؤال انت من جماعة الاس اي في بعدين دكول هل يسمحولي جماعة الااي او ام شنو غلط مطبعي لو اني افتهمت خطأ لو جماعة الاي او ام هم مسؤولين عن الرحلات الي من (الاي او ام ) و ( الاس اي في ) ولو اني اعرف المنظمتين منفصله عن بعضهم تماما
المهم توصل بالسلامه وتلتقي باخوك ان شاء الله
-
عزيزي الكريم اشكرك من اعماق قلبي على دعائك هذا المنبعث من قلب انسان صادق ومؤمن
فاتكل على الباري عز وجل وهو ارحم الراحمين
نعم يااخي حال وصولك الى مطار فرانك فورت اخبر هذا الشخص بالامر ومن حقك ان تطلب منه
المساعدة لان هذا من واجبه هو مكلف بواجب تقديم وتسهيل معاملة جوازاتكم وتسفيركم
الى شيكاغو واخوك الوردة ابو شذى في خدمتك لو كانت اقامتك في شيكاغو كنت سترى
كيف اقوم بواجب الخدمة والضيافة واني ابو شذى اخو خيتي
اتركك في رعاية وحفظ الله
والله كفو منك ومن امثالك انت سيف المجرب والله وربي يحميك ويحفضلك شذاوي الورده وتتربي بعزك وسلامتك
كفيت او وفيت ابو الطيب على جوابك الجميل
سلامس الى الاهل
-
اسفة اخي بوابت عشتار ماشفت موضوعك..... اخي العزيز مثل ماذكر اخونا الغالي شذى الورد
في حالة وحدة يكدر اخوك يشوفك من تنزل بالمطار ترانزيت بالمانيا وتكون مضبط الوقت وبمساعدة الشخص الي يكون بانتظاركم بالمطار بس بهذة الحالة تكدر وانشاءلله تلتقون وتفرح بشوفته وانشاءللة رحلة موفقة والوصول بالسلامة ربي يوفقك بكل خطواتك وربي يكون معك
شكرا على مشاركتك اختي اينجي وعلى المساعده وشكرا على دعاءك لي
ربي يوفقك ويحميك من كل خطر بحياتك واتمنى لكي السعاده والحياة الكريمه
سلامي لشخصك الطيب
-
شكرا لك اخي عمر عراقي على التهنئه الجميله لي وتمنالك الموفقيه والسعاده والحياة الكريمه
ســـــــــــــــــــــــــــــــــلامي لك وين مابتكون
-
مبروك اخويه ويارب التوفيق بكل حياتك المقبله والحظ السعيد
بس سؤال انت من جماعة الاس اي في بعدين دكول هل يسمحولي جماعة الااي او ام شنو غلط مطبعي لو اني افتهمت خطأ لو جماعة الاي او ام هم مسؤولين عن الرحلات الي من (الاي او ام ) و ( الاس اي في ) ولو اني اعرف المنظمتين منفصله عن بعضهم تماما
المهم توصل بالسلامه وتلتقي باخوك ان شاء الله
هلو اختي العزيزه وشكرا لدعائك لي وربي يوفقك
الجواب على سؤالك اني من جماعت الاس اي في ومقدم على مساعدات من الرست بنفت يعني سفري راح يكون على احسابهم همه يحضرولي كل شي من تحديد موعد الرحله الى السكن وباي مكان فه موضفو الاي او ام همه الي راح يتكفلون برحلتي من بغداد الى هيوستن يعني منظمة الاي او ام هيه ام الفضل لانها ساعدتني على السفر
واكو طريقه ثانيه اكدر اسافر بيهه وهيه ان اسافر على احسابي وباي وقت يعجبني بس مااريد اجازف لان امريكا كبيره واول اسبوعين راح اسكن بالفنادق لحد مااقدم على المنظمه مال المساعدات يعني اخلص فلوسي كلهن
فه الاضمن والاحسن موضفو الاي او ام يقومون بتوجيهي بالسفر
كلامك صحيح اختي بان المنظمتين منفصلات عن بعض بالتقديم على السفر
ولكن حين الحصول على فيزه للسفر فه راح انكون ممنونون الى الاي او ام مدى الحياة لتسهيل سفرنا الى الولايات المتحده الامريكيه
اتمنى ان يكون الشرح وافي وواضح وشكرا لكي مجددا ياطيوبه
-
مفهوم اخويه بالتوفيق والحياة السهله في امريكا ان شاء الله
تعبتك وياي
-
مبروك اخوية بوابة عشتار على الموعد ..اني بعون الله ايضا موعد سفري يوم 7 وان شاء الله نتشاوف بمطار بغداد واني ايضا اس اي في ومقدم بنفت حالي من حالك لكن الفرق هو وجهتي ولاية كولورادو ...حرامات لو شوية يخلونه نفتر بفرانكفورت قبل منروح لمطار شيكاغو كان تكمل الشغلة ;D
يله خيرها بغيرهها وتحياتي الك ;D
-
مبروك اخوية بوابة عشتار على الموعد ..اني بعون الله ايضا موعد سفري يوم 7 وان شاء الله نتشاوف بمطار بغداد واني ايضا اس اي في ومقدم بنفت حالي من حالك لكن الفرق هو وجهتي ولاية كولورادو ...حرامات لو شوية يخلونه نفتر بفرانكفورت قبل منروح لمطار شيكاغو كان تكمل الشغلة ;D
يله خيرها بغيرهها وتحياتي الك ;D
هلو اخويه الغالي شكرا لك على التهنئه الجميله وانشاءالله نشاوف بالمطار حتى لو كانت وجهتك الى كولورادو اهم شي انك حصلت على هذي الفرصه التي يتمناها كل الشرق الاوسط شلع وربي يوفقك ويسهل امرك بامريكا
اخوك عــــــــــــــلي الحلي
-
الففففففففففففففففف مبررررررررررروك اخويه على الموافقه
اخـــــــــــــــ اسير الروحـ ــــــــــوك
-
ها علاوي الحلي هذا هم واحد ثاني هم راح ينشتل ويانة 12 ساعة بعمان ;D ;D ;D تحياتي الك اخوية دوزي و انشاللة نتشاوف ابغداد
اخوكم وليد السعداوي
-
مبروك اخي العزيز وانشالله سلامة الوصول وتشوف اخووك علمود تصير الفرحة فرحتين وسؤالي الك وبدون زحمة شكد طولت تنتضر الفيزا بعد المقابلة وشكد وراها يلة كملولك الحجز جماعة ال iom ورة ماقابلة واستلمت الفيزا وراها بشكد خابروك علمود الحجز مالطيارة وشكرا الك اخي العزيز
اخوووك ابو محمود
-
مبروك اخي تحديد موعد السفر شايف كل الخير انشالله
بلكت المهاجرين يجاوبوك بعد ويفيدوك :) لان اني لاجئة ماعندي معلومات عن الهجرة
-
مرحبا اني بالنسبة الي ما عندي علم بهالامور والاخوة الي ويانة بالمنتدى مقصروا بالجواب على سؤالك بس اني حبيت افوت اباركلك على موعد السفر وان شاء الله ياربي تكون سفرة سهلة وتوصلون بالسلامة وتبشرونة بوصولكم ان شاء الله
تحياتي
بنت العراق 84
-
الف الف مبرووووووووووووووووووووووووووووووووك وشايف الف خير
-
الف مبروك على السفر وان شاله التوفيق للجميع
-
السلام عليكم لهواني واخواتي الاعزاء على التبركه والتهنئه لي على موعد السفر واتمنى لكم من كل اعماق قلبي ان يوفقكم الله ويسهل امركم بالسفر وانشاءالله اباركلكم همينه حتى ارد الجميل لكم
سلامي لكم جميعا
ام دوسه
اسير الروح
غزالة البصرة
بنت العراق
Miss Violet
koka75
-
مبروك اخي العزيز وانشالله سلامة الوصول وتشوف اخووك علمود تصير الفرحة فرحتين وسؤالي الك وبدون زحمة شكد طولت تنتضر الفيزا بعد المقابلة وشكد وراها يلة كملولك الحجز جماعة ال iom ورة ماقابلة واستلمت الفيزا وراها بشكد خابروك علمود الحجز مالطيارة وشكرا الك اخي العزيز
اخوووك ابو محمود
هلو اخويه ابو محمود اسف على التاخير بالجواب على سؤالك وماكو اي زحمه وتدلل
اخي اني قابلت يوم 30-3-2010 وبدون حسد ههههههه اجتني رساله من السفاره تعلمني وتكولي بعد اربع ايام روح ال الدي اج ال حتى تستلم الفيزه فه رحت وراء ثلاث ايام ومن فتحت الضرف وشفت الجواز وبيه الفيوه لكيت الاصدار مال الفيزه يوم 31-3 يعني وراء يوم واتصور لاني لامزوج ولاخادم جيش ولاحزبي وعمري صغير ودرت بيه السفيره باني خريج وكلتلهه اتمنى ان اعيش بسلام وامان واشتغل وادرس فه الحمد لله مشت الشغله وحصلت على الفيزه ودزيتهه الى منظمة الاي او ام وره يومين وضليت انتضر بحدود الشهر ونص يله اجتني رساله من خلود الحموي من عمان تكلي حددلي موعد سفر هذا الرساله كانت يوم 20-5 فه كلتلهه اريد اسافر يوم 25-5 اتصور عاقبتني لاني مستعجل وشمرتني يوم 7-6 المهم الي يصبر هذا العمر كله بقت على كم يوم وانشاءالله اسافر والله يوفقني
هذي قصتي كلهه واي سؤال اني حاضر ابو محمود الورد
-
ا لف مبروك موعدالسفر
وان شاء الله تشوف اخوك في المطار
-
ماشاء الله عيني بارده ثلج عليك .... اني صارلي شهور عالشحن وكلشي ماكو ... الله يوفقك صديقي الرائع بوبة عشتار وانشاء الله تنفتح الك كل الابواب
-
مشكووور اخوية بوابت عشتار ونشالله ربي يوفقك ويفتحها بوجهك ونشالله سلامة الوصول
شكرا عالمعلومات
اخوووك ابو محمود
وللعلم فقط اني اليوم كملت الفحص الطبي اني وعائلتي ونشالله المقابلة في يوم 14 في الشهر القادم اي شهر السادس ادعولي بسهلوة المقابلة وشكرا لجميع الاعضاء
-
اخي العزيز بوابت عشتار
مبروك والف تهنئة على موعد السفر في رعاية وحفظ الباري عز وجل والله يفتحها على
وجوه كل العراقيين الطيبين الصابرين والظافرين باذن الله سبحانه وتعالى
صبراً ياشعب الصابرين صبراً فمن لنا سواك يالله فعليك اتكالنا وتوكلنا ارحمنا واشفع
حنانك ورحمتك علينا جميعاً آمين
ودمت في رعية وحفظ الرحمن وان شاء الله توصلون بخير وسلامة وسفر ميمون
-
مشكوره ياام شموسه الورده على التهنئه الجميله وربي يوفقك ويحميك ويخليلك شموسه الورده
الف شكر لك
اما بخصوص الحافي ابو عين البارده واكلبوهه بكرك فه الله اليستر من عينه لاني اعرفه حق المعرفه ويوميه التقي بيه ههههههههه
حبي الله يخليلك بنيتك عوفني بحالي خل اسافر ياعمشوني
شكرا لك حبي
-
اخي العزيز بوابت عشتار
مبروك والف تهنئة على موعد السفر في رعاية وحفظ الباري عز وجل والله يفتحها على
وجوه كل العراقيين الطيبين الصابرين والظافرين باذن الله سبحانه وتعالى
صبراً ياشعب الصابرين صبراً فمن لنا سواك يالله فعليك اتكالنا وتوكلنا ارحمنا واشفع
حنانك ورحمتك علينا جميعاً آمين
ودمت في رعية وحفظ الرحمن وان شاء الله توصلون بخير وسلامة وسفر ميمون
اخويه ابو شذى الورده
الكلام يعجز عن وصف امتناني واحترامي لشخصك الكريم على كلامك الجميل ودعاءك لي والى جميع العراقيين وكثر الله من امثالك في داخل العراق وخارجه
وطلبي من رب العباد ان يحميك من كل خطر ويعطيك الصحه والعافيه في بلاد الغرب ويرزقك بالرزق الكثير
وان يجعل لك شذاوي الورده بوتقت العلم والمعرفه في المستقبل حتى تكون علم من اعلام المعرفه
ماعساني ان اقول غير انك انسان بعمنى الكلمه
وسلامي الى الاهل
-
ها خويه بوابة ... مو تره ما اخليك تسافر ... تدري ليش ؟ لان ما اكدر افارق هيج صديق عزيز عليه ... انشاء الله تطلع فيزتي اللي نامت عليهه تي ووله واسافر وراك ... بس انت ادعيلي وياك ولا تنسانه