ankawa
منتدى الهجرة واللجوء => الهجرة و واللاجئين => الموضوع حرر بواسطة: ليلى البغداديه في 20:30 28/05/2010
-
مساء الخير للجميع اني انقبلت توطين بامريكا وعندي موعد سفر بعد حوالي شهر ومقيمه حاليا بالاردن ولكن المشكله اني انخطبت لرجل اردني ولا اعلم هل اعقد هنا ام عندما اذهب ابدأ بمعاملة لم الشمل بصراحه اني محتاره خايفه اذا عقدت بعمان يأثر على ملفي واذا ما عقدت بعدين تكون صعبه من امريكا وكم سوف يطول الوقت حتى اكدر اسحبه ارجوكم دلوني ولكم كل المحبه يا هلي وناسي
-
حبيبتي احسن شي روحي هناك واخذي كرين كارت بعد سنة وبعدين رجعي للاردن وعقدي ورجعي لامريكا وسويلة معاملة بس هي صحيح اطول وهم اتكدرين اسالين المنظمة
-
عيني اليسا2 اشكرج غمرتيني بلطفج اني سمعت انه لو بس خطبه ما تطول 6 شهور صحيح لو لا ومشكوره حياتي
-
اختي العزيزة ليلى اني برائي تروحي تضيفين خطيبك الى معاملتك احسن ما بعيدين تاخذين الكرين كارت وترجعين تسوين معاملة لم الشمل اولا راح تنتظرين سنة او اكثر على ما تاخذين الكرين كارت وكولي فد شهر او اكثر على ما تكمل المعاملة وترسليها لعمان وطبعا عدى الوقت الي تتاخر معاملة لم الشمل مابين سنة الى 3 سنوات ونصف يعني لو جمعتيها كلها تصير اقل شي خمس سنوات وهم ما تصير معاملة لم الشمل بس يكون خطيبج لازم عقد زواج قبل كان يصير معاملة لم الشمل بالخطوبة بعد ما صارت مشاكل العراقيات او العراقيين ... الرجال كانو يرحون يجيبون بنات من العراق او من دول الجوار اما زواج رسمي او مدني وهنا صارت مشاكل بينهم لانه قسم جانوا يتزوجون زواج مدني وياخذون فلوس 15 الف دولار بس على مود توصل البت او الولد هنا ومن كانت تصير مشاكل بينهم وصل الخبر للحكومة وحادثة اخرى صارت واحد راد يدخل امه على اساس استخفرالله هي زوجتة ولزموهم بالمطار ومن ذالك الوكت غيروا قانون ما يصير اي معاملة لم الشمل ولا السحب بالخطوبة لاهل الي عدهم كرين كارت والي عندهم جنسية الا بعقد زواج وصور الحفل هذا الي اعرفه المهم انت احسن حل الج مادام اول وتالي راح يتم الزواج سوى بامريكا او غير مكان روحي للمحكمة سوي عقد زواج وقدميه الى معاملتك باضافة الزوج وانتي راح تسافرين نفس التاريخ وهو راح يسوي مقابلة على اعتبار زوجك وشكد ما يتاخر ما راح يتاخر مثل ما ينتظر على ما انتي تروحي ورى سنة يلى تقدمين على معاملة لم الشمل وعدى المدة الي راح ينتظرها المهم والاهم هو انو اسالي باليوان شنو الي تكدرين تسويه وهما راح يشرحون الك وتتاكدين مهم احس لان القانون الامريكي بين لحظة ولحظة تتغير بيه بعض البنود وانشاءلله ربي يوفقك باي قرار تتخذين تحياتي الك
-
والله زمان
-
السلام عليكم اني اليوم سمعت انه ممكن اني اسافر وخطيبي يكدر يفيز ونعقد بامريكا وهناك نكمل المعامله اكو من هالحجي عيني اليسا2 و انجي حبيبتي لو ما تدرون افيدوني اروحلكم فدوى
-
والله حبيبتي ما ادري بهذا الشي صحيح لو لا بس اني اعرف انو لو وصل امريكا وسوة فيزة بعد ما اتكدرين اسويلة لجوء
-
حبيبتي خطيبي اردني ما يحتاج لجوء بس اني احجي عالاقامه هناك وانه ينطوه فيزا على التوطين مالتي هاي الي اريد اتاكد منها عمري
-
حبيبتي ليلى اذا انطوه فيزا خلي يوصل لامريكا واعقدوا عقد الزواج وخلي بعدها يقدم لجوء داخل امريكا
-
حياتي انجي ماينطوه لجوء لانه مو عراقي بس اريد اعرف ينطوه اقامه اذا عقدنا قبل الكرين كارد واشكرج عالاهتمام عيوني
-
المحامي ستيف كرمو
لكافة القضاية المعاملات القانونية في الولايات المتحدة وكندا
مختص بقوانيين الهجرة والتجنس
فيزا للاهل والاقارب
فيزا للاراسة
فيزا لاصحاب الكفاءات
رقم الهاتف مفتاح 1248 هاتف 6260050
ايميل
www.garmo.com
وهذا محامي اخر
المحامية جنيل زوايدة
هاتف مفتاح 1248 هاتف 3560600
ايميل www.themichganlawyer.com
حبيبتي راسلي هذول المحامي وتاكدي منهم احسن الك
-
حياتي انجي اشكرج رايحه اتصل بيهم انشالله
-
تعقيبا على ردود الاخوه كلام الخت انجي اكثر صحيح بكلامها ادق يعني بس اذا ضفتي خطيبك الملفك وهوه اردني وبالاردن اويلي حسبي ملفك بالنسيان يعني هوه اردني يعني مامظطر يسافر وانتي خطيبته نفس شي لتفتحين عليك ابوبا مغلقه اعتقد السفر احسن وانته ياعلي حبي شتنفذ بجلدها كلاك مع احترامي الك غلط ليش انته حسبالك صاعده للجنه هيه اني مو وياك بهذا الكلام خطيبها زوجها مستقبلها مو كل ناس تنضر مثل نضرتك هههههههههههههههههه وربي ضحكتني اتمنى توصل امريكا يا علي واشوف شكد تندم على هذا كلامك نفذي بجلدك شنو مطلوبه البنيه اختي اني ماعرف بتفاصيل الطلب من امريكا بس افتهم اذا ضفتي خطيبتك بهاي المرحله راح تتغير هواي امور وسالي وتاكدي قبل لاسوين اي شي اخوك ابو مهدي
-
ماادري!!!!!! ??? :-[
-
اخي عمر يعني شنو هالاجابه ما ادري يعني انت هيج دا تنكت لو تنطي معلومه مفيده يستفيدون منها الاخوه الاخت هنا تسأل اذا عندك معلومه زينه احجيها ماكو عندك لا تكتب احسن اختي ليلى اني اعرف ان الما يحمل كرين كارد ما يكدر يسوي لم شمل فلافضل انه يفيز ويلحكج واني باعتذر منج عن الاخ عمر والاخ الي مسمي نفسه المدعو علي حقي ماادري حق شنو الي يتكلم عنه
-
كلام الأخت أنجي صحيح والأصح منه هو الافضل ان تتزوجون قبل دخولك للولايات المتحدة , لأن حامل الكرين كارد ماله حق لم الشمل , اله حق تقديم طلب يستغرق بين 3 سنين إلى 5 سنين , بينما حامل الجنسية الأمريكية يكدر يسوي لم شمل خلال ست اشهر.
-
السلام عليكم بصراحة الموضوع شدني اخت انجي بالنسبة لجوابج يشمل العراقين نفس الشي
يعني اذ خطبت ابنية من بغداد وكطعت مهر عليها وعندي موعد سفر اشسوي بهاي الحالة ياريت نصيحتج
انجي العزيزة لان بصراحة هذ الموضوع مدوخني تحياتي الج
-
اخي اياد نعم يشمل العراقيين بالنسبة الك اذا تم العقد الزواج قبل موعد سفرك راح تضيف زوجتك الى المعاملة واحتمال راح يتاجل سفرك في حالة كان عندك موعد السفر او انت تسافر وهي تكمل المقابلات لكن الاحتمال الاكبر يتاجل موعد السفر الى ان هي تكمل المقابلات في حالتين يتاخر موعد سفرك ان جنت ماخذ موعد السفر او لا عند اضافة الزوجة الى الفايل برائي اعقد العقد وضيفها الى معاملتك احسن ما تسافر وبعدين تعقد وتعرف شكد راح تاخذ وقت بعدين وطبعا بالاول والاخير القرار قرارك وبالتوفيق باي قرار كان
-
حبيت اشكر كل الي ساعدوني وقدمولي المعلومات المفيده انشالله تظلو سالمين ما قصرتو