ankawa
منتدى الهجرة واللجوء => الهجرة و واللاجئين => الموضوع حرر بواسطة: الرجل العراقي في 16:20 29/05/2010
-
السلام عليكم حبايبي في عين كاوا قبل كم يوم صديقي خلبر على الاي او ام طبعا احجيلكم اشويه عن قصة صديقي مو طويلة لا تخافون ولاتنامون من احجيها الكم صديقي مستلم ظرف الموافقة ومسوي فحص طبي قبللا سنه وشويه هسة اتكولون ليش متأخر دقيقة بس صبرو علية اني دا احجيلكم اتأخر لان جانت زوجته حامل وجابت مرته والحمد لله وهسة عمره يمكن صار ثماني اشهر يعني بالعامية صار رجال وراح يزوج وهو يعني صديقي امتاني اشوكت يقابل الوفد علمود ايضيف ابنه وكلساع ايخابروه وين سكنك هاي كل مرة يتصون بيه ما ادري عبالك راح ايجيبون خطابه اله كلساع وين بيتكم المهم ذاك اليوم اتصل جان ها وطبعا اني نسيت اكللكم انه الفحص الطبي مالته صار اكسباير لازم ايعيد الفحص اي اكمل وجان اتكله الموظفو ديمه طبعا نسيت اكللكم ان هذا الحجي بسوريا خاف واحد يسئل وين وجان اتكله والله اكو اجراءات جديدة على الملفات كلله اني مستلم القبول قابل ايأثر عليه هذي الاجراءات جان اتكله جائز اتأثر عليك الله اعلم فأخواني الاحبة الي يعرف شنو السالفة يحجيلنه لان كلش خايفين من هاي القصة خوما طولت عليكم السالفة والسلام عليكم
-
هسه شتريد ;D وطولت علينه بالسالفه حتى نمت وكعدت ثاني يوم كملتها ;D
عيني صاحبك الي مر بي كلش طبيعي وبالنسبه لحالته لازم يقابل محلف ولا زم يعيد بصمه
وفحص فهي هاي الاجراءات والموظفه تريد تلعب باعصابه واعصابك ;D
تحياتي
-
اني كل شي ما افتهمت!! بس الله يوفقه لصديقك
-
صديقك راح يقابل محلفين مرة ثانيه
بس شنو الامنيات الجديده
-
اي همه موظفين الاي او ام بسوريا شلعان قلب والله.. فد بطيئين و قلبهم بارد الله يساعد جماعة سوريا
اخي مثل ما ذكروا الاخوان اعلاه.. صديقك ما عنده شي مجرد موضوع وقت و اضافة الطفل ما بيهة يرجعون يفكرون لو رفض لو قبول خلص هو مقبول و يشوفون الطفل المحلفين وهذا هو..
-
عزيزي الكريم
هذه ليست اجراءات جديدة وانما هي معاملة اضافة شخص جديد الى ملفك
وستعيد المقابلة انت وزوجتك والمحروس الوردة يكون حاضر لان هو سبب هذه
المشكلة والتاخير لان الكثير من الناس يتصورون ان انجاب الاطفال وهم بهذه
الحالة سيسهل امر سفرهم وهذا ابداً غير صحيح والمسئالة هي وقت وتاخير
ابو شذى الوردة
-
يمعود خوفتنا عبالنا شوف شكو أجرائات جديدة وبالك وخر ومعرفيش حبي هذا مجرد اجراء اضافة طفل جديد الى المعاملة شيء عادي جدا وبعد لاتفززنا وترعبنا بالعنوان
-
اني هم ما افتهمت شي
-
شنهي السالفة بوياي
-
السلام عليكم حبايبي الكرام طبعا اني سعيد مو اسمي سعيد بس اني اقصد سعيد بهذه الاجابات الي مافادتني اخوان هو دائما يتصلون بيه على الاضافة بس ايكلوله انت بس اتقابل الوفد علمود اضافة الطفل بس اخير مرة من خابر كالتله الموضفة بالحرف الواحد ومرات طبعا اكو حرفين وتلث احرف المهم كالتله اكو اجراءات جديدة على الملفات ويمكن حتى اتأثر على المقبول وشكرا للرد يا وروود
-
اني ما افتهمت الرباط من الكلام اخي خير الكلام ما قل ودل وشكرا