ankawa
منتدى الهجرة واللجوء => الهجرة و واللاجئين => الموضوع حرر بواسطة: ^Miss Violet ^ في 19:26 29/05/2010
-
اخواني الاعزاء
اني بيوم البصمات لاحظت انه الشاشة اللي فتحها الموظف (المغربي الأمريكي) فيها اسم العائلة مكتوب يختلف عن ما مكتوب في جواز سفري.. لكن هو مطابق لكل عائلتي.. يعني كل افراد عائلتي وحتى والدي مكتوب في اسم العائلة نفس الشي.. بس اني مكتوب بتهجئة مختلفة.. يعني سووا اسم العائلة بالكيس مالتي مطابق لكل افراد عائلتي بس مخالف لجواز سفري.. هذا بالنسبة للانجليزي.. لكن بالعربي كلنا نفس الشي حتى آني
اني نبهت الموظف اللي هو موظف السفارة مو موظف الاي او ام.. هو اتصل بنفس اللحظة بموظفة الاي او و فهمهم .. كالولة لا عادي مو مشكلة.. هو من سد التلفون حسينه مو راضي.. كتله شنو.. كال مو التعامل مع الامريكي غير العربي.. الامريكي يهمه تطابق الاسماء.. فاني كتله لعد شلون.. كال راح اخذ نسخة من جوازج واكتب اللي صار كله للسفارة و اشرحلهم شنو كالوا الاي او ام.. كتله والله اني هسة قلقت من هالموضوع.. كال لا لاتقلقين ماكو شي انشالله
اخواني مارين بهيجي شي؟؟ يعني ممكن يعيق هالموضوع؟؟
-
:(
-
اختي العزيزة
هاي الامور كلش عادي
محد راح ايسالج لان انتي جاي اسمج وية اوراق رسمية موجودة بالمطارات وحتة ما ايطابقوهة وية الجواز
اني ابني جان اسم العائلة يختلف عن ما مكتوب بجوازي لا احد سال ولا كال
وهمة ايعرفون جوازات العراقيين تحفة
بخير وسلامة من توصلون امريكا حتة اسم العائلة ايغيرو وياخذون اسم الجد وايحطو لقب
وكلش عادي
اعتقد الاخ عكعك عندة خبرة بهل موضوع ان شاء الله يقرا موضوعج وايجاوبج
-
ابو محمد
-
اختي اني اخويه جان اسمه بالاي او ام الاسم الاول + اللقب
واسمه بالجواز الي طلع بيه الاسم الاول + اسم الجد لانوا حطوا بجوازه الجديد اسم الجد بمكان اللقب
يعني لاحظي الاختلاف الكبير اسم كامل غلط مو بس حرف لو حرفين
وهسه هو بامريكا
-
حبي فايولت مثل ما كالوا الاخوة هم اعرف بس المهم هناك بامريكا لازم السوشيال مالتج يكون نفس اسمج بالجواز واللايسنس ان شاء الله حتى بعدين الكرين كارد بخير وسلامة هم يكون نفس الاسم تحياتي وتمنياتي بالتوفيق.
-
اختي العزيزة ... انا مريت بنفس الحالة الي تكولين عليها ... كان اسم الجد يختلف في الجواز الجديد ... لاني ارفقت جوازين للــ IOM وهذا كان سبب تأخر الموافقة الامنية لانهم سوف يقومون بعمل تجييك على اكثر من اسم .. المهم .. موظف الــ IOM قال وقت السفر فقط نبهنا على هذا الشي لان سوف نصدر التذاكر على الاسم المكتوب في جواز السفر ..
بالتوفيق ان شاء الله
-
الله يطمنكم يا رب
والله ظال بالي على هالموضوع وهسة دزيتلهم ايميل تفصيلي وكلتلهم اذا ياثر على ملفي او يتاخر سفري شوفولكم جارة و عدلولي اسمي مثل جواز سفري :)
شكرا اخواني ممنونة
-
اختي مس فايوليت...اني من سويت بصمات قرالي اسمي وجان اكو حرف باللقب غلط...فاني كتله يمعود دخيلك اكو حرف غلط...كال بسيطة وغيرة يمه بالكومبيوتر ورجع شوفنيا وكالي ها هسة اوكي...بس اني المستغرب منه انه اني جيكت اسمي 100 مرة بالمقابلة الاولى على الورقة قبل ما اوقع وجيكته حرف حرف...زين ليش بالكومبيتور مال ابو البصمات اكو اختلاف ليش هية الداتا بيس data base مو وحدة !!!!!! ??? ??? ???
-
لا حبيبتي ليظل بالج هاي امور جدا عادية وهمة مو غشمة خاصة جوازات ال g بهة هواية اخطاء بالنسبة للقب واسم الجد!!!!!!! فلتقلقين ابدا وان شاء الله خير ويطمن قلبك يارب.
اختك نور العيون
-
والله يا دكتور هم صدك شغلة تحير
بس اني حالتي غير شكل.. هو مو غلط بالسبيلنك.. همه رادوا يخلون اسم العائلة عندي مثل كل افراد عائلتي.. على مود الربط الخفيف مال الملفات.. فاني قلقي انه بلكت اني سافرت وحدي قبل اهلي لان ملفي وحدي.. زين شلون بهالحالة.. خاف بالمطار يكولولي هاي الاوراق اسم شكل و الجواز شكل.. بس حسب ما فهمت من الاخوان انه سهلة انشالله :)
حبيبتي نور العين تسلمين يا عمري الله يطمنج يا رب
-
اختي...انتي مثل ما تعرفين انه الاسم بالجواز الجي اربع مقاطع,الاسم الاول,اسم الاب,الجد,اللقب ..فاني اول سؤال سألونيا بالمقابلة الاولى بالاي او ام انه شلون تريد اسمك؟؟(لان الاسم لازم بس 3 مقاطع) الاسم+الاب+اللقب لو الاسم+الاب+الجد؟؟ فاني كتله لا اكيد مع اللقب ..لان شهايدي كلها بيها اللقب وماترهم اذا اسم الجد لان معناتاها لازم اغير شهايدي كلها.. على كلا فهو الموضوع كله انه الي مقبلج مقابلة اولى شلون كتب اسمج..هو هذا الي راح يضل وياج بكل شي وينزل نفسه بكل الهويات الامريكية حتى نفسه من يطلع الكرين كارد وما يتغير الى ان اطلعين جواز امريكي انشاء الله.
-
((انتي مثل ما تعرفين انه الاسم بالجواز الجي اربع مقاطع,الاسم الاول,اسم الاب,الجد,اللقب ))
من رخصتك اخي العزيز د.ايفل صحيح هو الجاز جي بي هيج بس هو اللقب بيه ما موجود يعني هو نفسه كاتبين بيه اسم الجد مو اللقب.
-
لا سراوي حبيبتي اني مكتوب بجوازي الجي اسمي من اربع مقاطع.. اني وابوية وجدي واللقب
واللقب يكون بخانة وحده جوا الاسم الثلاثي
-
اني جوازي بيه اسم الجد واللقب كاتبيه نفسه واني جوازي جي وزوجي وابني نفس الشي معقولة يعني يجوز يمكم خارج العراق من واحد يطلع الجواز تختلف؟؟؟ ما ادري بس هذا اللي عندي بالجواز بس اذا انتو بيه اللقب يعني ماكو ذيج المشكلة ان شاء الله موفقة حبي.
-
عزيزتي الوردة فيوليت ::
الشغلة كلش عادية وأعتقد إنتي ببغداد يمكن ..
شوفي إحنا جنّـا بالشام ومن مقابلة الـ iom لمّن إنطولنا الكارت الأخضر وبي رقـم الگيس مكتوب بظهره إسم كل فرد وحتى جان بي إختلافات وتعرفين كلش زين أسماء العلم شلون ما تنكتب هي صحيحة آني جان ضايفيني حرف s زيـادة ومشى الحال وحتى بمقابلة السوشيال عرض الإسم عليه وبقيته شلون ما هو بلا ما أغيره فالمحُصّلة بالأول والأخير بمقابلة السوشيال راح يطبعلج الموّظف ورقة بيها كل المعلومات الإسم والمواليد والجنسية حتى تتأكدين من صحتها قبل ما يشتغلون بيها لأنهُ السوشيال هذا الرقم الوطني راح يرافقج مدى الحياة ...
عموماً لا تديرين بال الموضوع ما يحتاج للقلق ودُمتِ بألف الـف خيــر .. †
أخـوكـُم / وسـام بهنـام داؤد الخابــوري
-
اخي العزيز عاااااااااااااااااااااااااااادي ولا تشيل هم انا صارت معاي جوازي نوعnوكان اسمي واسم الاب والجد فقط وقبل سنة تحولت للهجرة وكان نفس الجواز وراها طلعت جواز sوختلف الاسم بورقت اليوان والجواز يعني اظافة القب على الاسم يعني اختلاف واضح وقابلت محلفين وستلمت النتيجة بنفس الاسم القديم الي بجوازnيعني مااعتمدو الجواز الجديد اخي اكرر عااااااااااادي والاخوان الي ردو هم ماقصرو بردووووووودهم مشكورين
اخوك جرح الزمن
-
شكرا جزيلا ماي ديييرز :)
وسام اني بعمان مو بغداد :) بس الحمدلله تطمنت منكم انه بسيطة انشالله
محبتي
-
اليوم خابروني اي او ام :) وكالتلي البنوتة الحبوبة انتي دازة ايميل خايفة من اختلاف اسم العائلة كلتلها اي والله كالت لا ابد عادي احنا واعين لهالشي ومسجيلن اسم عائلتج بالكيس بكل الطرق المكتوبة بيه بكل اوراقجشز.. واعتمدنا الاسم اللي يطابق اسم والدج.. وكالت بالنسبة للمطار ماطول انتي عندج الظرف والاوراق بعد محد يكلج شي لان هاي مسؤوليتنا..
فاني بعد الاطمئنان العظيم هذا سالتهة عن المحلفين,, كالت ليحد الان ابد ممبين اي موعد لجيتهم :(