ankawa
منتدى الهجرة واللجوء => الهجرة و واللاجئين => الموضوع حرر بواسطة: omar abo في 13:25 01/06/2010
-
تحياتي الحارة إلى كل القائمين على المنتدى وإلى أعضائه المحترمين
طبعاً سبق واني شرحت حالتي والاخوان عكعك والقرش وعبسي والاخت بغداد1975 ماقصروا
أني عايش في مصر ومقدم على الـUN من سنة 2006 ولقدمت طلبات اعادة توطين لما تعبت وشرحتلهم حالتي وعندي اصابة بايدي بشضايا واتوسلت بيهم بس ينضرون بقضيتي وصارلي اربع سنين انتضر ياريت لو يكولولي قضيتك انغلقت ميصير اتسافر ولا احد يكلي اكو امل الاخت بغداد كالت روح على الكنسيه سانت اندروز رحت وشهرين يومية اروح يمهم واتصل بيهم لما كالولي قضيتك متصير وانسد الموضوع وياهم.
اتصل على الـUN يكولولي محد نظر بقضيتك لحد الان وتعبت والله من العيشه هنا بمصر اكو ناس كالو سافر لسوريا او عمان تطلع اسرع اول ميشوفون حالتك خلال سنه تطلع .
وين اني اريد اعرف ليش هيجي ديصير بينا يعني اني بسبب اسمي سافرت من العراق وهسه محد يقبل ينظر بقضيتي هم يمكن علمود اسمي لان هوايا ناس يمي بمصر ديسافرون عادي واكو ناس قدموا ورايا وكلها هسه بكندا وبامريكا شمعنى اني
يا اخوان والله تعبنا من الوضع هنا اني صارلي خمس سنين بمصر لا اكو شغل لا العراق صار زين حتى الواحد يفكر يرجع .
أني اسف أذا طولت بكلامي بس صدكوني الملاذ الوحيد الي احس اكو ناس بي تسمعني هو هنا
أريد اطلب من الاخوان الي عدهم اي فكرة ممكن الواحد يضغط على الـUN الي بمصر حتى لو بس يحركون الملف حتى لو يرفضوه اني قابل بس حتى ارتاح نفسيا والواحد يتقبل الامر بس هذا التعليق يخلي الواحد يتخبل
تحياتي واسف مره ثانيه للاطاله
أخوكم عمر
-
السلام عليكم ...
والله اخي عمر اتمنه انه اكدر اجاوبك على سؤالك بس ما عندي جواب لاكن اتمنى من رب العالمين انه يسمعك خبر مفرح يا رب ودعائي لك ان شاء الله تفرج عليك يا رب ...
وهسه الاخوان والاخوات بالمنتدى مراح يقصرون وان شاء الله تلكي الجواب عدهم
يارب تفرج عليك ان شاء الله وتسمع خبر مفرح يا رب
احلــــــــــــــــــــــــــــــــــى منتـــــــــــــــــــــــــــــــــدى
-
الاخ أسامة أشكرك على ردك السريع
ويارب تفرج على كل عراقي طيب ويريد الخير
ياررررررررررررررررررب الفـــــــــــــــــرج
-
ابويه عمر الله يكون بعونكم ويساعدكم ويساعد كل العراقيين بالغربه
("اسعى يا عبدي وأنا أسعى معاك"))
ابويه عمر كل فتره ذب نسخه من الملف الي سويته بالكنيسه بصندوق ال un والله كريم
وبالنسبه لهاي الحجايه
شهرين يومية اروح يمهم واتصل بيهم لما كالولي قضيتك متصير وانسد الموضوع وياهم.
اكو لد هم سوه مثلك وخابرو كلوله قضيتك انرفضت كلهم رحماله والديكم وره فتره اتصلو بي
وكلوله عندك مقابله تعال
فلا تياس وخليها على الله وان شاء الله يفرج عنك عن قريب والله سبحانه
وتعالى اذا سد باب يفتح الف باب غيره وافضل منه والله رؤؤف بعباده ويحبلهم
الخير دائما فا نشاء الله الله يصيبك بالخير
تحياتي
تحياتي
-
أخي العزيز عمر ..
أولا عاشت الاسامي ومنها اسمك ..
ثانيا : أنت قلت انك ذهبت الى الكنيسه ( مكتب الدكتوره باربرا) وقالو لك ان قضيتك ( متصير ) ولكنك اخي العزيز لم تذكر السبب الذي استندوا اليه في ذكر ان قضيتك متصير .. فأذا ذكرت السبب استطيع ان أساعدك في هذا المجال وبامكانك مراسلتي على الخاص اذا لم تكن تريدذكر السبب لانه ربما سبب خاص لا تريد ذكره ..
وأما بالنسبه لل( un) من حقك ان تطالبهم بترحيك ملفك من خلال الطلبات التحريريه ومن حقك ان تطلب مقابله المسؤؤل عن قسم الحمايه لان ملفك بالتاكيد موجود الان في قسم الحمايه ..استمر في كتابة الطلبات الترحيريه ولا تيأس ..
أخي العزيز أنا اتصور ان مشكلتك الاساسيه هي في القصه ربما فيها شي لم يقتنعوا به .. وأكرر لك ما ذكرته بأمكانك مراسلتي على الخاص للوصول الى طريقة مساعدتك .. وبامكانك ايضا مراسلة الاخ غكغك التطوي على الخاص ايضا لمساعدتك ..
تقبل تحياتي
أخوكم شمعة
-
حبيبي انت صلي عالنبي واصبر بعد شوية
والله يسويها الحظ تسافر وبعدين وراك يسالون عليك
انت صبرت ليش تضيع تعبك
اني لو بمكانك افكر شوية قبل ماروح وابدي من جديد
وانت براحتك
والاخبار هسه تكول دازين وجبات اضافية من الموظفين حتى يسرعون المعاملات وهذا الحجي يشمل بغداد
واكيد حاطين باقي الدول بالاعتبار
تحياتي لك حبيبي
-
اخوية العزيز عمر انى اقدم منك انى مقدم على اليوان من عام 2005 ولحد الان يمك بمصر انى اللى حرك قضيتى وتحولت للتوطين وقابلت محلفين ونامت الطابوكة علية لان المحلف انطانى قيد الدراسة تدرى شنو اللى حرك قضيتى كريتاس كتبوا لليوان انو علاجى خارج امكانيتة كريتاس لان جبتلهم تقرير طبى انة احتاج الى عملية جراحية بكلفة 25 الف جنية فكريتاس اعتذرت عن تغطية نفقات العملية وكتبوا لليوان لغرض توطينى فنصيحتى مفتاح الحل اذا كانت عندك اصابة بيدك هو كريتاس واللة يسهل امرك وامرنا
-
طبعا أشكر كل الاخوان الي ردو عليه
خويه عكعك شنو قصدك اذب نسخه من الملف الي سويته بالكنيسه للـUN
وبالنسبه للكنيسه اكدر اروح اسال على ملفي لان اخر مره كالو انو قصيتك انغلقت
الاخ شمعه طبعا دائما متابع لردودك وتحياتي الحارة اللك
بالنسبه للسبب كالولي انو قصتك ضعيفة زين اني شنو الضعف الي بيها اني ايدي بعدها الشضايا موجودة بيها
وحتى رجلي لحد الان ومبينه اي واحد ممكن يشوفها مو شرط اشعه رغم اني رحت لمستشفى واخذت اشعه
بس مبينت لان بيها مواد متنشاف بالاشعه لان الالمنيوم
والسبب ماكو شي خاص بس هو التهديد ومحاولة اختطافي بس لان اني صرت سبع وكدرت افلت منهم
اتصير قصتي ضعيفه يعني لازم الواحد ينخطف ويدفعوله فديه يلا قصتك تكون قويه والله ما ادري حرت
أشكرك أخي المغترب وتحياتي الحارة الك بس والله تعبنا الصبر موتنا
أخويه احمد سلطان هو اني هذا الي اريده منهم يعني مطالب شي اني لو مسوين ويايه مقابله جان الواحد
شويه يرتاح نفسياً على الاقل يخلي أمل اله مو همه حتى سؤال ميسؤلون علينا
-
اخي العزيز...فرج الله همك وهم كل العراقيين اينما كانوا ان نعم المولى ونعم النصير
اخي
ااكد على راي الأخ عكعك...واعتقد انه يقصد بان تكرر تقديم طلبك كل اسبوعين الى UN والطلب يتضمن نسخة من القضية اللي كتبوها الك بالسانت اندروس (( في حال انهم كتبولك قضية )) مرفق بالالتماس مالك اللي يتضمن شرح قضيتك وطلبك باعادة التوطين وان يكون عرض قضيتك بشكل مأساوي جدا وتوضحلهم استحالة عودتك للعراق ..... من ناحية كاريتاس ومدى امكانيتهم في مساعدتك بهالموضوع من خلال تقارير طبية فانا سمعت من احد ألأخوان انه قضيته ما تحركت من كاريتاس الا بعد ان بدأ يتعالج عندهم
((( نفسيا )) يعني علاج نفسي بسبب حالة الأحباط والكآبة اللي وصللها وحصل على تقرير بانه على وشك الانهيار النفسي بسبب ظروفه ولكن هاي المعلومة ارجو ان تتأكد منها قبل ان تتخذ اي اجراء لأن الآراء بيها مختلفة وقسم يكولون انه مرض الكآبة بحد ذاته ممكن ان يؤخر السفر بالنسبة لمنظمة IOM وليس بالنسبة لل UN لذلك اتمنى من الأخوان اصحاب الخبرة التعليق
وياربي يسهل امورك وامور كل عراقي على الكرة الأرضية
تقبل تحياتي
-
الاخ متوكل على الله
تحياتي الحارة الك اني من كتبو قضيتي بالكنيسه محد انطاني اي نسخه من الملف وبعدين اريد افتهم شي منكم يعني الواحد شنو ممكن يكتب بشكل ماساوي هو اني قصتي ماساويه اصلا حتى نسخه من التهديد عندي والمحل مالتي كسروا وسرقوا ورادو يخطفوني من عنده وايدي ورجلي لحد الان الشضايا مال المنيوم مال محل من فجرو لحد الان بايدي واي واحد بالعين المجرده يشوفها ويكدر يشوف الورم والاربطه والاعصاب كلها مرفوعه بس الله راد يخليني اعيش ونعم بالله يعني الا الواحد يكون مكصوصه ايده لو رجله ياستار يلا الواحد ممكن يسافر مو والله تعبنا
ياررررررررب الفـــــــــــــــــــرج
-
اخي العزيز.....اولا...خلي ايمانك بالله بدون حدود
ومو بس كللام وانما القناعه الحقيقة لهذه الكلمة..
حبيبي...لو تسمع قصتي وقصص اغلب الاخوان الاعزاء بالمنتدى راح تقتنع انه رب العالمين يستحييييييييل يتخلى عن انسان مظلوم...يستحيييييييييييييل صدقني
وماكو واحد بالناس اللي تشوفهم هنا مشت قضيته بدون تعب وانتظار وترقب وحرق اعصاب ... وماكو شي يمشي الا لمن ملك الملوك يؤمر....فانت اللي عليك سويه متكلا على الله.....ولازم تسعى وتركض وتتعب في سبيل قضيتك اخي العزيز...لذلك لو كنت انا بموقفك كنت راح اعمل الآتي
اولا....اكتب قصتي ومعاناتي باسلوب واضح ومتسلسل واوضح الضرر اللي لحق بي واسباب استحالة عودتي للعراق واضمنه صور لكافة الوثائق اللي تعزز ادعائي
ثانيا...اروح لكاريتاس واعمل ملف طبي بحالتي واستمر معاهم على الفحوصات والعلاجات وبضمنها انهيار حالتي النفسية بحيث يصبح عندك ملف طبي الك ولأفراد اسرتك الكريمة وحاول تركز مع الاطباء على كيفية اشعار مكتب ال UN من قبلهم بشكل اصولي....
ومثل ما كلتلك وكالولك الاخوان ايضا..كل اسبوعين حط كل هالحجي بظرف كبير وارميه في صندوق ال UN معنون الى قسم اعادة التوطين..اخي اعرف انه هذا الطريق ممل ومتعب بس اكيد رب العالمين راح يستجيب لدعائك في لحظة ما.........واخيرا ارجع واقول انا مو خبير بالموضوع لكن هذا حصيلة اللي اسمعه من بعض الاصدقاء واتمنى الاخوان في المنتدى يشاركون بخبرتهم وان شاءالله الله ما يصير الا الخير
ولا تنسى الدعاااااااء من الله...ليل نهار
تحياتي اخي والله يسهل امرك وامر كل المظلومين
-
اخي عمر .... اكتب طلبك وارفق وياه كل المستمسكات؟؟ وروح لليو ان لتذب الطلب بالشباك؟؟ لا اكتبه على الظرف مالتك /الى مكتب الهجرة والاجئين يسلم ليد الدكتورة /اماني ابراهيم وانت بأيدك انطيه للولد الكاعد على الشباك البرة اوكي.... وان شاء الله يتصلون عليك قريبا بأذن الله
تقبل تحياتي..... اختك نور العيون
-
الاخ متوكل على الله
والله راح اسوي مثل ماتكول وراح اتصل بالكنيسه واحاول اخذ منهم ملف قضيتي ويم الاحد ان شاء الله اروح
لكاريتاس وافتح ملف يمهم واشف بكلي من الله الفرج .
طبعاً الاخت نور العيون شكراً جزيلا على الرد وهذه اماني سمعت هيه المسؤوله عن طلبات اعادة التوطين وكلامك كلش صح بس الصراحه انيي ممسوي هذه الطريقه كل الي كنت اسوي اخلي طلب بالصندوق وراح اسوي مثل ماكلتي ويارب الفرج.
أخوان أريد اسال سؤال عندي والدي راح يسوي عمليه بعد شهر واني المشكله صارلي 3سنين مشايف اهلي وهو رايد يشوفني قبل العمليه وتعرفون ميصير الواحد يسافر الا يلغق الملف مالته بس اني سالت الموضف اليوم هل ممكن الواحد يلغي الملف ويفتحه مره ثانيه جاوبني كال كلش عادي لان هوايا يسوها علمود يروحون يشوفن اهلهم ويجون مره ثانيه بس كلي شنو الي يضمن انت راح تكدر تدخل مصر مره ثانيه لان تعرفون ماكو فيز للعراقيين كتله اني اصلا راح اطلع اقامة بمصر واكدر اسافر واجرع كال خلص تكدر تغلق ملفك واول مترجع لمصر افتحه مره ثانيه .
سؤالي هل ممكن يأثر هذا على قضيتي لان تعرفون الوالد جبير بالعمر والعمليه شويه خطرة فردت اشوفه قبل ميسويها لان لاسامح الله لو صار عليه شي مراح اسامح نفسي.
وشكراً لسعة صدركم