ankawa
منتدى الهجرة واللجوء => الهجرة و واللاجئين => الموضوع حرر بواسطة: ديفيد بغداد في 01:48 03/06/2010
-
اخوان اكو عدكم معلومات عن
اسعار التذاكر للخطوط الملكية الى عمان او موقع افيد بهذ الخصوص و شكرا
-
اللي افتهمته اخي ديفد انت تريد من بغداد الى عمان مو صحيح؟
هذا عنوانهم في بغداد وارقام الهواتف على موقعهم الاليكتروني التالي
http://www.rj.com/en/tabid/137/Default.aspx
واكو عدهم مكاتب بغير مكان في العراق مثل السليمانية وغيرها.تقبل تحياتي
-
اخى العزيز انى اجيت قبل اسبوعين عن طريق الملكيه سعر التذكرة 750 وتذكرة الطفل 575 ومرات يسوون دسكاونت يسوون الطفل 500 اتمنى اكون افدتك
-
شكرا على الموقع و شكرا على المعلومات مع تمنيات بالتوفق
-
صديقي
اني برأيي ولو شوية مو عالسؤال مالتك كلش
بس تاخذلك جمسي تبريد النفر بخمسين دولار هواااااي اصرف وارخص وبدون تعقيدات وتفتيش المطار ودخولة وحجم الجنط وما اعرف شنو
والفيزا تزفرهه شركات مثل Jet بكراج العلاوي بفلس ونص (يمكن 35 الف للنفر زائدا عشر دنانير اردني عالحدود)
وانت بكيفك بعد
الطريق بالطيارة اللي نفرهه بمليون ساعتين بس تعطيل المطار ودخوله وتفتيشاته فد 6 ساعات
بينما بالجمسي 12 ساعة طريق
يعني تطلع اذا من بغداد فد بالستة الصبح توصل العصرية على الاغلب
وبالمناسبة اني هم هيجي راح اسوي قريبا لان عندي غراض هواي ومن مطار بغداد مسموحلك جنطة وحدة فقط ما اعرف ليش
-
اخي العزيز شكرا للنصيحة بس المشكلة انا عندي اكبار بالعمر مايتحملون الطر يق البري و هم ترى الفيز على الجت مامضمونة و انت و حظك و وهم الدنيا صيف واحد مايضمن اقدار الطريق و تعرف انت سواقنا اعصروها عصر السيارة احملوة زايد لا اروح اطك اطار و الخيرة فيما اختار اللة
-
بالمناسبة اخي ديفيد احنا اجينا عالملكية الاردنية بس لامريكا ترانزيت عمان وكان مسموحلنا كل شخص حقيبتين كل وحدة 23 الى 24 كيلو فانت من تخابرهم او تروح اسألهم عالجنط للاحتياط.
-
والله صديقي كل واحد ومقدرته المالية
واكو هواي ناس هاي الجم ورقة الاضافية اللي يذبوهه عالطيارة تفيدهم مصرف هناك
-
والله اخي البارحة حجزت على الخطوط الملكية الاردنية بالف واربعمية وخمسين
-
حبي ياسمين انتي تقصدين من امريكا لعمان لو من بغداد ب1450؟ اكيد قصدج من امريكا
-
والله اخي البارحة حجزت على الخطوط الملكية الاردنية بالف واربعمية وخمسين
ممكن توضيح؟ كم شخص انتوا حجزتوا على الملكية من بغداد الى عمان اب1450؟
واذا قصدج الرحلة من امريكا الى عمان...زين البطاقة الي حجزتيها One way لو Two Way؟
-
اخي اني اسفه اذا مفهمت سوالك بالشكل الصحيح .انا قصدت حجزت من اميركا الى عمان ومن مطار رالي يولاية نورث كاولينا ذهاب واياب طبعا ومدة البقاء بعمان شهر كامل
-
اخوان تحياتي الكم اليوم رحة الخطوط الملكية بفندق مرديان و حصلة على اسعر هي 699 دولار ذهاب و اياب بس بطاقة الايياب غير قابلة للترجيع بحالة عدم العودة و العرض الثاني 919 دولار هم ذهاب و اياب بس بحالة ترجيغ البطاقة من عمان ارجعولك 380 دولار و من العراق ارجعولك 400 دولار على هذا الحجي الاي اريد مايرجع الثانية اصرفلة و بالنسبة للوزن للمسافر 20 كغم و هاندباك 7 كغم و حقيبة لابتوب و الغرامة للكيلو الزايد 6 دولار غرامة و الحجز لازم قبل السفر ابمدة حتى لا تتاخر لان اكلون اكو لود و الطيارة يومية اطير ساعة 11 و انت لازم ساعة 8 بالمطار و اذا احد عندة معلومات حول ترجيع مبلغ البطاقة المرجع خلي افيدنة
-
حيل مشكور اخوية ديفيد وتعبناك ويانة بس بالحالتين كلش غالية وحتى الطيران من بغداد بالقرض مال الاي او ام هم اصرف بهواي وارجع واكول البري على شركة جيت هواي اصرف واريح للي الفيزا مال عمان بجيبه