ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 10:05 05/06/2010
-
السلام عليكم اعضاءئنا ومشرفينا الكرام عندي سؤال لاهل الخبرة رجاء احنة وجبة استلمنة تأجيل من المحلف الاسبوع الماضي عمان السؤال هو الامنية هسة مالتنا ماشية لو الا المحلف يوافق علينا يلة تبدي مرحلة الموافقة الامنية ؟؟ اهل الخبرة نكون ممنوني على جوابكم
-
هسة الامنية ماشية والله كريم
-
مرحبا اخي الكريم
بالنسبة لسؤال ضروري جدا تطلع موافقة المحلفين وبعدين تبدا مرحلة الموافقة الامنية يعني عندما تستلم موافقة المحلفين ان شاء الله في نفس التاريخ تبدا مرحلة الامنية مع امنياتي بالموفقية للجميع
-
اول رأيين صار الرأي الاول يكول انه ماشية واعتقد هو معتمد كونا انه اخذوا بصماتنا وصورنا وهذا الاجراء يعني بدات الامنية بي اما الرأي الثاني يكول انه بما انه الى الان ماكو موافقة محلف اذا ماكو امنية او ما تبدي الامنية وهم بقينه في حيرة من الامر ؟؟؟ شلون هسة ؟؟؟
-
اول رأيين صار الرأي الاول يكول انه ماشية واعتقد هو معتمد كونا انه اخذوا بصماتنا وصورنا وهذا الاجراء يعني بدات الامنية بي اما الرأي الثاني يكول انه بما انه الى الان ماكو موافقة محلف اذا ماكو امنية او ما تبدي الامنية وهم بقينه في حيرة من الامر ؟؟؟ شلون هسة ؟؟؟
اخويه الامنيه ماشيه..لان الامنيه تبدي كبل مينطي المحلف قراره..
-
اختي المسافرة الامنية ما الها علاقة بالمحلف والدليل انه اكو ناس يستلمون امنيتهم بنفس يوم استلام الظرف.. الامنية تبدي من وقت البصمات
اخوية لورنس ان شاء الله تعالى منا لاسبوعين متشوف الا مخابريك على الموافقة مال المحلفين :)
-
اخوان الامنية تبدي من يوم مقابلة المحلف واذا سألتوا ليش اكلكم لان المحلف هو اللي يقرر حسب اقتناعه بك وبالقصه انه تحتاج الى تحقيق اكثر اي تحتاج ان تذهب الى مكتب التحقيقات الفيدرالي FBI or CIA او الاثنان معا واذا رفض المحلف اصلا ما تمشي امنيه لانه ليس بحاجة الامنيه اذا مرفوض الكيس وارجو ان اكون وفقت بتوضيح الامر وان شالله الاخوه الاعضاء الباقين يوضحون اكثر
اختكم شجرة الدر
-
اسمحيلي اكلج غلط هذا الكلام اختي شجرة الدر.. المحلف هو شخص فقط وظيفته تحديد اذا انتي ينطبق عليج المعايير مال اللاجئ اللي حاطتها الحكومة الامريكية .. اما بالنسبة للامنية فهاي كل لاجئ يمر {يها سواء كان المحلف كلش مقتنع بيه او مقتنع بيه شوية :) عزيزتي اكو ناس هواية اني اعرفهم استلموا الامنية بعد 25 يوم من مقابلة المحلف يعني يوم استلام الظرف..
مو منطقي الكلام لان معناها اذا المحلف كلش يقتنع بشخص معناها ما اله تشييك امني ابد؟؟
-
السلام عليكم اخوان الامنية مالها علاقة بموافقة المحلف !!!! ولما يكون الملف قيد الدراسة هذا معنا ان موافقة المحلف معلقة؟؟ وممكن يوافق يعد وصول الامنية ووضع الشخص يكون اوكي...... تقبلوا تحياتي
نور العيون
-
اني اعتقد الامنيه تبدي قبل المحلف
-
السلام عليكم اخواتي واخواني الاعزاء
مع كل احترامي لآراءكم القيمة ونواياكم الطيبة لكني اعتقد انه هذا الموضوع هو من صميم عمل المحلفين وبصعوبة ان نستطيع الجزم بيه ولكن كل واحد يعطي رايه حسب التجارب اللي مر بها او سمع عنها...لذلك اسمحولي ان ادلو بدلوي بالموضوع ... (((حلوة ادلو بدلوي؟؟؟... ;D هاي جديدة بالمنتدى)))....المهم
في احدى الحوارات مع احد الأصدقاء الذين اعتبرهم مطلعين بما يتعلق بموضوع الأجراءات الأمنية اخبرني بان من ضمن موافقة المحلف هناك قرار يعطيه المحلف يحدد من خلاله الاجراء الأمني المطلوب اتخاذه للكيس...بمعنى ان هناك بعض الكيسات يوصي فيها المحلف ان تمر باجراءات تدقيق امني مفصلة ودقيقة ومركزة وفي هذه الحالات تتأخر الموافقة الأمنية..وهناك حالات يوصي فيها المحلف بان تسير في طريق الأجراءات ألأمنية المخففة
الخلاصة...ان جميع ألأجراءات ألأمنية الابتدائية تبدأ في مرحلة ما بعد المقابلة الثانية ...بعد ذلك وبالاعتماد على توصية المحلف يتم تحديد نوع الطريق الذي تستكمل فيه الاجراءات ألأمنية لكل كيس وحسب قناعة المحلف ...لذلك نرى بعض الحالات تاتي امنياتهم في فترة لا تتجاوز 25 يوم وحالات ثانية تتطلب وقت اطول لحين ورودها وطبعا في الحالتين لا يشمل البصمات وموافقة الولاية لأن هذين ألأجرائين متساويين للجميع
واخيرا اتمنى تكون هذه المعلومات صحيحة والعهدة على الراوي....تحياتي للجميع
-
مرحبا جميعا اسمحولي ان اقول رئيي انا
المحلف ليس له اي علاقة نهائيا بوقت الموافقة الامنية ؟ فقط واجبه الاقتناع بملفك وهوة يقرر القبول المبداءي او الرفض؟
لكن المحلف له علاقة وكما ذكرت الاخت شجرة الدر ( ان يمر ملفك عبر FBI or CIA او الاثنان معا )او لا
كثيرا من سافر بعد المحلف بفترة قياسية كان تكون 15 يوم او شهر او اقل
وانا عند مقابلتي المحلفين رئيت عائلتين كانوا معنا في موعد المحلفين في وقتها سافروا بعد اجراء مقابلة المحلف ب 15 يوم والعائلة الثانية بعد شهر ؟؟؟؟؟ وفي وقتها كان موعد المغلف لم يحن بعد
اي سافروا قبل موعد استلام نتيجة المحلف ;D ;D ;D ;D ;D ;D
-
مرحبا اني دخت على هذا الموضوع ممكن سؤال لاهل الخبرة اني استلمت الظرف قيد الدرس ورا 12 يوم خابروني كالوا طلع قبولج كلاجئة في الولايات المتحدة وسوينا فحوصات وقبل يومين اتصلت بيهم كالولي بعدة ملفج بالدراسة فهمتها بالنتيجة مالتي لا اني فهمتها ولا هي فهمتني كلتلها يعني تقصدين الامنية كالت لا اني محتارة مو كالوا قيد الدرس موافقة محلفت بس اجراءات مكاملة والموافقة الثانية شنو الي عندة علم بالموضوع ارجوا ان يجاوبني ولكم جزيل الشكر
-
اخت ام علي اهنا بمصر الجماعه الي قي الدراسه مسووا فحص طبي
يعني انتي عندج موافقه اذا نفسه السستم مال مصر
والله يسهل امرج
-
السلام عليكم اخواتي واخواني الاعزاء
مع كل احترامي لآراءكم القيمة ونواياكم الطيبة لكني اعتقد انه هذا الموضوع هو من صميم عمل المحلفين وبصعوبة ان نستطيع الجزم بيه ولكن كل واحد يعطي رايه حسب التجارب اللي مر بها او سمع عنها...لذلك اسمحولي ان ادلو بدلوي بالموضوع ... (((حلوة ادلو بدلوي؟؟؟... ;D هاي جديدة بالمنتدى)))....المهم
في احدى الحوارات مع احد الأصدقاء الذين اعتبرهم مطلعين بما يتعلق بموضوع الأجراءات الأمنية اخبرني بان من ضمن موافقة المحلف هناك قرار يعطيه المحلف يحدد من خلاله الاجراء الأمني المطلوب اتخاذه للكيس...بمعنى ان هناك بعض الكيسات يوصي فيها المحلف ان تمر باجراءات تدقيق امني مفصلة ودقيقة ومركزة وفي هذه الحالات تتأخر الموافقة الأمنية..وهناك حالات يوصي فيها المحلف بان تسير في طريق الأجراءات ألأمنية المخففة
الخلاصة...ان جميع ألأجراءات ألأمنية الابتدائية تبدأ في مرحلة ما بعد المقابلة الثانية ...بعد ذلك وبالاعتماد على توصية المحلف يتم تحديد نوع الطريق الذي تستكمل فيه الاجراءات ألأمنية لكل كيس وحسب قناعة المحلف ...لذلك نرى بعض الحالات تاتي امنياتهم في فترة لا تتجاوز 25 يوم وحالات ثانية تتطلب وقت اطول لحين ورودها وطبعا في الحالتين لا يشمل البصمات وموافقة الولاية لأن هذين ألأجرائين متساويين للجميع
واخيرا اتمنى تكون هذه المعلومات صحيحة والعهدة على الراوي....تحياتي للجميع
خوش حجي مرتب.. لا متحجي اخوية متوكل ;D
تسلم ايدك اخوية الغالي.. دلوك طلع خوش هههههه
-
صباح الخير جميعا
الموافقة الامنية مالها شغلة بموافقة المحلف وتدبي من المقابلة الثانية لموظفي الهجرة وشكرا
ان مع العسر يسرا
robin - Cairo
-
اولا السلام عليكم ثانيا ارجوكم اللى غير متاكد من الاجابة على موضوع لايجاوب وماقصد اى احد حتى لحد يزعل منى بس القصد حتى واحدنا ليضل مشوش نرجع لسوال اخونا اخوية انى المحلف ناطينى قيد الدراسة قابلت بمصر بتاريخ 21/4 2010 وداراجعهم كل اسبوع يعنى ضوجتهم الاسبوع السابق هم رحتلهم دك على الحاسبة كالى ملفك ديتحرك وصلتنا قبل يومين الموافقة الامنية وموافقة نتيجة طبع الاصابع وانى الممنون لاخى السائل وللجميع
-
عاشت ايديكم شباب على هاي الاجوبة الي ان شاء الله وضحت الصورة النتيجة الي اقتنعت بيها بعد هاي الاجوبة كلها انه المحلف ما اله علاقة بالامنية يعني الامنية تبدي اول مناخذ البصمات والمحلف هو موظف بدرجة القنصل اما المسألة الامنية هاي من اختصاص دائرة ثانية وان شاء الله نكون وضحنا بعض الامور وان شاء الله التوفيق للجميع ....
-
ماشييييييييييييييييييييييييييييييييييييييييييييييييييييييييييييييييييييييييييه
-
يابة اليوم خابرت على المنظمة الدولية للهجرة وسالتهم على الموافقة مال المحلف وصلت لو لا المهم جاوبني الموظف وكلي انه اولا ماكو اي جديد وممكن يتاخر الجواب الى وجبة المحلفين القادمة هم يدرسون الملف من جديد ويشوفن شنو الاجراء وبخصوص الموافقة كال اي شي ما ممكن يصير او نبدي بالامنية الا بعد موافقة المحلف يعني هسة كل شي معلق الى ان تجي نتيجة المحلف وان شاء الله الخير للجميع ....
-
لعد شنو كلنه رجاء اللي ما يعرف لا يفتي بكيفه مو بس تغلطون الناس وانتوا صح ارجو الاستفاده من تجارب الاعضاء السابقه واللي مرووووووووا بيه لانها كلها عبر ودروس تفيد الاعضاء الجدد واي انسان ما ينطي رأيه الا يكون مستند على كلام منظمه او متأكد منه وشاكره تفهمكم اختكم شجرة الدر